TITUS
Lamprecht, Alexander (Strassburger Bearbeitung)
Part No. 65
Previous part

Chapter: 148  
Alexander heiratet Roxane


Verse: 3982       Alexander warb mit sinnen
Verse: 3983    und hiez ime gewinnen

Verse: 3984    Darien tohter.
Verse: 3985    vil wol er gedâhte,

Verse: 3986    wes ime der rîche kuninc bat,
Verse: 3987    dô er an sînem ende lac,

Verse: 3988    swîz mit ime quême,
Verse: 3989    daz er ze wîbe nême

Verse: 3990    Roxanien di scônen
Verse: 3991    und saztir ûf di crônen.

Verse: 3992    Alexandren des bedûhte,
Verse: 3993    daz iz wol wesen mohte.

Verse: 3994    und dô daz brûtloft was bereit,
Verse: 3995    Alexander einen brieb sreib,

Verse: 3996    sîner mûter heim ze lande
Verse: 3997    er in vil schiere sande

Verse: 3998    und enbôt ir, wî iz im was irgân,
Verse: 3999    daz er ze wîbe solde hân

Verse: 4000    Darien tohter.
Verse: 4001    zô sînen brûtlofte

Verse: 4002    bat er, daz si quême,
Verse: 4003    swanner sîn wîb nême,

Verse: 4004    und dar nâh gelîche
Verse: 4005    di armen und di rîche.

Verse: 4006       Sîne boten er ouh sante
Verse: 4007    heim ze Kriechlande

Verse: 4008    und hîz daz lant berihten
Verse: 4009    und ein brûtlofte stiften

Verse: 4010    in allen dem gebêre,
Verse: 4011    alser dâ selbe wêre.

Verse: 4012    daz teter alliz umbe daz,
Verse: 4013    daz man wiste deste baz

Verse: 4014    ubir manige rîche mêre,
Verse: 4015    wîz ime irgangen wêre

Verse: 4016    in persischen rîche.
Verse: 4017    vil kuninclîche

Verse: 4018    stifte man di wirtscaf,
Verse: 4019    alsuns daz bûch hât innen brâht,

Verse: 4020    drîzich tage und ouh mê.
Verse: 4021    weder sint noh ê

Verse: 4022    newart nihein wirtscaft
Verse: 4023    mit sulhen êren vollenbrâht,

Verse: 4024    iz ne tête der kuninc Salemon.
Verse: 4025    vil michil was sîn rîchtûm

Verse: 4026    ubir manige kuninge rîche;
Verse: 4027    er lebete keiserlîche,

Verse: 4028    wander kundiz wol bedenken.
Verse: 4029    drî hundrit schenken

Verse: 4030    hâter aller tagelîch.
Verse: 4031    daz wêre ungeloublîch

Verse: 4032    iemanne ze sagene,
Verse: 4033    ne wêriz uns vil ebene

Verse: 4034    in den bûchen niht gescriben
Verse: 4035    und von der wârheite bliben.

Verse: 4036    ouh heter ze sînen tische
Verse: 4037    fleisch unde vische

Verse: 4038    sô unmâzlîchen vile,
Verse: 4039    daz man is gelouben niht ne wile,

Verse: 4040    wander was hêr unde rîch.
Verse: 4041    ouh heter allir tagelîch

Verse: 4042    drîzich malder simelen.
Verse: 4043    des beriet in got von himele.

Verse: 4044    ze sîner cuchenen man ouh gab,
Verse: 4045    des neheines tagis ne gebrach,

Verse: 4046    zehen samersâzen
Verse: 4047    veiz unde grôzen,

Verse: 4047a    und dar zô drîzich rinder
Verse: 4047b    mêrre unde minder,

Verse: 4048    und dar zô hundrit wedere.
Verse: 4049    sîn dienist daz stunt ebene

Verse: 4050    an fugile unde wiltprât.
Verse: 4051    der hêre hete sînen rât

Verse: 4052    gescaffit wol mit liste,
Verse: 4053    wander genûch wiste:

Verse: 4054    diz môse man ime gewinnen
Verse: 4055    mit liebe und mit minnen

Verse: 4056    âne roub und âne ungemach,
Verse: 4057    daz ime nihtis ne gebrach.




Next part


This text is part of the TITUS edition of Lamprecht, Alexander (Strassburger Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.