TITUS
Lamprecht, Alexander (Strassburger Bearbeitung)
Part No. 56
Previous part

Chapter: 130  
Alexander befreit verstümmelte Gefangene


Verse: 3568       Ouh funden si ze leste
Verse: 3569    eine hêrlîche veste.

Verse: 3570    dâ inne lâgen di man,
Verse: 3571    di Darius hete gevân,

Verse: 3572    gestummelet unde geblendet.
Verse: 3573    si wâren dar versendet

Verse: 3574    ze pînlîcher hûte.
Verse: 3575    Alexander der gûte

Verse: 3576    dô er ir nôt an gesach,
Verse: 3577    harte irbarmete ime daz.

Verse: 3578    er lîz si alle ledic wesen
Verse: 3579    unde hîz in kuninclîchen geben

Verse: 3580    golt unde silber.
Verse: 3581    der tugint was er milder

Verse: 3582    unde gebôt, daz ir iegelîch
Verse: 3583    sîn eigen wider zô sih

Verse: 3584    nême und vorder mêre -
Verse: 3585    lebete mit êren.




Next part


This text is part of the TITUS edition of Lamprecht, Alexander (Strassburger Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.