TITUS
Lamprecht, Alexander (Strassburger Bearbeitung)
Part No. 55
Previous part

Chapter: 129  
Alexander zerstört den Palast des Xerxes


Verse: 3526       Dan nâh diser botescaf
Verse: 3527    Alexander reit an di walstat

Verse: 3528    und begrûb sîne tôten,
Verse: 3529    und di dâ lâgen in nôten

Verse: 3530    gwunt unde mohten genesen,
Verse: 3531    den hîz er vil gût wesen,

Verse: 3532    biz si wurden gesunt.
Verse: 3533    al dâ bleib der hêre junc

Verse: 3534    des winteris eine wîle.
Verse: 3535    dô gebôt er den sînen,

Verse: 3536    daz si brêchen den palas,
Verse: 3537    der des kuningis Xersen was.

Verse: 3538    der sal der was alsô gût,
Verse: 3539    sô nie nehein bezzer gestût

Verse: 3540    in aller dirre werilde.
Verse: 3541    di sîne wâren gerinde,

Verse: 3542    daz er den sal lieze stân.
Verse: 3543    des wart er in gehôrsam

Verse: 3544    unde gesamfte sînen mût.
Verse: 3545    er liez in blîben, daz was gût.

Verse: 3546       Alsih mich versinnen kan,
Verse: 3547    dâ grûben grebere sîne man,

Verse: 3548    dâ si zô den stunden
Verse: 3549    inne genûc vonden

Verse: 3550    guldîner nepphe,
Verse: 3551    die ie verborgen heten,

Verse: 3552    di ê dâre wâren.
Verse: 3553    ouh funden si zwâren

Verse: 3554    einen sarc glesen.
Verse: 3555    an den bûchen hân ih gelesen,

Verse: 3556    er wêre sô scône und sô clâr,
Verse: 3557    daz sult ir wizzen vor wâr,

Verse: 3558    daz man dar durh wol gesach
Verse: 3559    einen tôten, der dar inne lach.

Verse: 3560    si besâhen vil garwe
Verse: 3561    sîn hâr und sîne varwe

Verse: 3562    unde wî er getân was.
Verse: 3563    der sarc was grûne alse ein gras.

Verse: 3564    des selbin tôten mannis name
Verse: 3565    was gegraben dar ane:

Verse: 3566    er hîz Evilmerodach,
Verse: 3567    der kuninc in Babilonia was.




Next part


This text is part of the TITUS edition of Lamprecht, Alexander (Strassburger Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.