TITUS
Lamprecht, Alexander (Strassburger Bearbeitung)
Part No. 41
Previous part

Chapter: 84  
Alexander besiegt Darius (Issos)


Verse: 2700       Von disen grimmen worten
Verse: 2701    Darius sih irforhte.

Verse: 2702    des wart er bescholden
Verse: 2703    sêre von sînen holden.

Verse: 2704    dô gwan der helt gût
Verse: 2705    ein manlîchen mût

Verse: 2706    unde trôste sîne man.
Verse: 2707    dô karte daz here dan.

Verse: 2708    mit den rîchen fursten,
Verse: 2709    di wol vehten torsten,

Verse: 2710    quâmen si zô deme wâge.
Verse: 2711    vil wol sih dô besâgen

Verse: 2712    der zweier kuninge wartman,
Verse: 2713    alsih mih versinnen kan.

Verse: 2714    in den selben stunden
Verse: 2715    ir vanen si ûf bunden

Verse: 2716    under iegwederme here.
Verse: 2717    si grummen alse daz mere,

Verse: 2718    sô iz di starken winde
Verse: 2719    tribent an den unden,

Verse: 2720    unde quâmen zesamene
Verse: 2721    mit micheler manige.

Verse: 2722    Alexander mit den Kriechen
Verse: 2723    lîz dar zô strîchen.

Verse: 2724    Darius und sîne fursten,
Verse: 2725    di wol vehten torsten,

Verse: 2726    di armen und di rîchen
Verse: 2727    fâhten freislîchen.

Verse: 2728    si slûgen unde stâchen.
Verse: 2729    irn scaden si dâ râchen,

Verse: 2730    wande si hâten grimmigen mût.
Fdown



Next part


This text is part of the TITUS edition of Lamprecht, Alexander (Strassburger Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.