TITUS
Lamprecht, Alexander (Strassburger Bearbeitung)
Part No. 40
Previous part

Chapter: 78  
Alexander baut eine Schiffsbrücke über den Euphrat


Verse: 2627       Der wâg hîz Eufrates.

Verse: 2628    in ein worden si des,
Verse: 2629    daz der kuninc hîz sîne man

Verse: 2630    grôze boume howan
Verse: 2631    und eine brucke machen

.....
Verse: 2632    dô daz was gescaffit
Verse: 2633    und di brucke was gemachet,

Verse: 2634    alle zwîbeleten si dar an;
Verse: 2635    wande dâr ne was nieman,

Verse: 2636    der in den selben zîten
Verse: 2637    dar uber durste rîten.

Verse: 2638    Alexander sih genante,
Verse: 2639    uber di brucken her rante.

Verse: 2640    den sînen wart vil gâch
Verse: 2641    unde ranten ime alliz nâh.

Verse: 2642    dô si quâmen ubere,
Verse: 2643    Alexander karte widere

Verse: 2644    und zehiu alle di spangen,
Verse: 2645    dâ di brucke was ane gehangen.

Verse: 2646    dô vlôz di brucke ze tale.
Verse: 2647    daz ne geviel dâ niemanne wole.

Verse: 2648    si redeten albesunder
Verse: 2649    si nême des michel wunder,

Verse: 2650    durh waz der wunderlîche man
Verse: 2651    daz habete getân.

Verse: 2652    ouh sprâchen si mê:
Verse: 2653    'uns sol werden vil wê:

Verse: 2654    werde wir hie sigelôs,
Verse: 2655    sô ne habe wir necheinen trôst

Verse: 2656    heim zunseme rîche,
Verse: 2657    sô sterbe wir jêmerlîche.'

Verse: 2658       Sân an der stunt
Verse: 2659    sô wart di rede kunt

Verse: 2660    deme kuninge Alexandro,
Verse: 2661    vil wol behâtiz imo dô.

Verse: 2662    er sprah ze sînen ubir al:
Verse: 2663    'diz gevellet mir wol,

Verse: 2664    daz ir mînen gedanc
Verse: 2665    alsô rehte hât irkant

Verse: 2666    unde mîne liste,
Verse: 2667    und ir sô gerne wistet,

Verse: 2668    durh waz ih dise brucken brach:
Verse: 2669    daz tet ih alliz umbe daz,

Verse: 2670    ob man uns jagete,
Verse: 2671    daz wir neheinen trôst ne habeten

Verse: 2672    heim zô unseme lande,
Verse: 2673    sô gedêhte wir wol zen handen

Verse: 2674    unde fuhten alse helede.
Verse: 2675    frumis mannis selide

Verse: 2676    di sint in lande gelîch.
Verse: 2677    nû weret helide den lîb;

Verse: 2678    wande quême daz heim mêre,
Verse: 2679    daz wir hin entrunnen wêren,

Verse: 2680    wir môsen dan von den wîben
Verse: 2681    sulhen spot lîden,

Verse: 2682    daz uns lieber mohte wesen,
Verse: 2683    verlore wir alle hie den leben.

Verse: 2684    nû gedenkit helede dar zô,
Verse: 2685    wî wir sô leide getûn

Verse: 2686    unsen widerwinnen,
Verse: 2687    daz wir si gefrumen hinnen

Verse: 2688    zirn wîben und zirn kinden,
Verse: 2689    daz si wol bevinden,

Verse: 2690    daz di von Macedonian
Verse: 2691    den zins here brâht hân;

Verse: 2692    wandiz ne wirt niemer gesehen,
Verse: 2693    daz wir hinnen geflîhen.

Verse: 2694    al hie wil ih ê sterben
Verse: 2695    oder sige irwerben.

Verse: 2696    wir vergelden den scaz,
Verse: 2697    den mîn vater hêre gab

Verse: 2698    diseme gûten knehte
Verse: 2699    mit grôzeme unrehte.'




Next part


This text is part of the TITUS edition of Lamprecht, Alexander (Strassburger Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.