TITUS
Lamprecht, Alexander (Strassburger Bearbeitung)
Part No. 42
Previous part

Chapter: 83  
Mordversuch durch einen verkleideten Perser


Verse: 2731    under des daz sih der sturm hûb,

Verse: 2732    sô quam ein Daries man,
Verse: 2733    kriechische wâfen trûch er an

Verse: 2734    unde dranc mit liste,
Verse: 2735    dâ er Alexandrum wiste

Verse: 2736    in allen dem gebêre,
Verse: 2737    alser der sîner wêre

Verse: 2738    und ginc hinder in stân
Verse: 2739    und gab ime einen slac sân.

Verse: 2740    durh den stehelînen hût
Verse: 2741    verwundeter den helt gût.

Verse: 2742    er hêtis gerne mêr getân,
Verse: 2743    wen daz in geviengen sîne man.

Verse: 2744       Alexander hinder sih gesach,
Verse: 2745    zô dem helede er sprah:

Verse: 2746    'warumbe woldet ir mir slân?'
Verse: 2747    dô sprah Dariesis man:

Verse: 2748    'ih ne bin dînes heris niet.
Verse: 2749    mîn stolzheit mih her zô verriet.

Verse: 2750    ih bin von Persia geborn.
Verse: 2751    mih hete Darius irkorn

Verse: 2752    zeinen gûten knehte.
Verse: 2753    er sprah: ob ih ime brêhte

Verse: 2754    dîn houbit abe geslagen,
Verse: 2755    daz wil ih dir zwâre sagen,

Verse: 2756    er gâbe mir ze lône
Verse: 2757    sîne tohter scône.

Verse: 2758    di gâbe dûhte mir gût.
Verse: 2759    dar zô stunt mir der mût,

Verse: 2760    daz ih si gerne irworbe
Verse: 2761    oder degintlîchen sturbe.

Verse: 2762    nû ne mac des niwit wesen.
Verse: 2763    sol ih verliesen daz leben,

Verse: 2764    sô rûwit mih daz scône wîb
Verse: 2765    mêr dan mînes selbes lîb.

Verse: 2766    ouh ne bin ih der êriste niet,
Verse: 2767    der durh herzelîchiz lieb

Verse: 2768    sîm lîb sazte in wâge.
Verse: 2769    grôz wâre mîn gnâde,

Verse: 2770    môste ih di selbe frowen
Verse: 2771    vor mîn ende noh bescowen.'

Verse: 2772       Dô lîz Alexander den selben man
Verse: 2773    wider zô sînem here gân,

Verse: 2774    durh daz si mohten gesehen,
Verse: 2775    waz dâr wâre geschên.

Verse: 2776    er fôr mit fride in sîn lant.
Verse: 2777    Alexander sagetime grôzen danc,

Verse: 2778    daz erz ie torste getûn.
Verse: 2779    sîne hulde gab er ime dar zô

Verse: 2780    und sprah zô sînen ubir al:
Verse: 2781    'diz gezimet jungelingen wal,

Verse: 2782    daz sus getâne botescaft
Verse: 2783    von ime ze lande werde brâht.

Verse: 2784    swâ daz comet mêre,
Verse: 2785    dâ beginnet man in êren,

Verse: 2786    beide wîb unde man.
Verse: 2787    sîne lêhen gemêret man ime dan.

Verse: 2788    ouh mugint in di frowen
Verse: 2789    deste gerner minnen tougen.'

Verse: 2790    er liez den degen kêren wider.
Verse: 2791    nâh den sige warb er sider.




Next part


This text is part of the TITUS edition of Lamprecht, Alexander (Strassburger Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.