TITUS
Lamprecht, Alexander (Strassburger Bearbeitung)
Part No. 37
Previous part

Chapter: 66  
Darius hält Rat, sein Bruder/ seine Fürsten üben Kritik


Verse: 2433       Dô fûr er dannen in Persiam.

Verse: 2434    und alse daz Darius vernam,
Verse: 2435    er sprah zô sînen râtgeben:

Verse: 2436    'nû mah mih rûwen, daz ih leben,
Verse: 2437    wande mir dise roubêre

Verse: 2438    mûwit alsus sêre.
Verse: 2439    di sâlde volget sînen vanen.

Verse: 2440    ih vorhte, er wirdit mir ze banen.
Verse: 2441    er vihtet in allenthalben sige,

Verse: 2442    wolder mih lâzen mit fride
Verse: 2443    haben mîne rîche,

Verse: 2444    ih gelobete ime werlîche,
Verse: 2445    daz ich ze Kriechlande

Verse: 2446    nâch zinse gesande
Verse: 2447    von disen tage niemer mê,

Verse: 2448    mir werde wol oder wê.'
Verse: 2449       Dô sprâchen sîne fursten,

Verse: 2450    di ime wol râten torsten:
Verse: 2451    'Darius, vil lieber hêre,

Verse: 2452    du hâst sô wol dîn êre
Verse: 2453    ienoh unze here brâht:

Verse: 2454    den zins, den dir sîn vater gab,
Verse: 2455    den sal dir ouh der sun geben

Verse: 2456    oder wir verliesen den leben.
Verse: 2457    swenne er dînes heris craft,

Verse: 2458    di du vil wol geleisten maht,
Verse: 2459    sehet ingagen ime varn,

Verse: 2460    sô wirt er des wol geware,
Verse: 2461    daz er wol mit êren

Verse: 2462    mac wesen dîn zinsêre.'
Verse: 2463       Dô sprah Occeatyr

Verse: 2464    Darieses brûdir:
Verse: 2465    'du hâs des grôze scande,

Verse: 2466    daz du Alexandre
Verse: 2467    dem ungetrûwen roubêre

Verse: 2468    ie gebûtis êre.
Verse: 2469    du hâst gehôet sînen mût.

Verse: 2470    jo ne dûhte mihz nie gût,
Verse: 2471    daz du ie getâtes di clage,

Verse: 2472    daz er dir mohte gescaden
Verse: 2473    in dîneme rîche,

Verse: 2474    dir ne wollen dan geswîchen
Verse: 2475    beide frûnt unde man.

Verse: 2476    er hât eine reise getân,
Verse: 2477    der er niemer mêre

Verse: 2478    ne comet an sîne êre.
Verse: 2479    ouh wil ih dir sagen,

Verse: 2480    du salt des sînen site haben
Verse: 2481    umbe iteslîche dinc,

Verse: 2482    di dir vil gût sint:
Verse: 2483    swâ er ane di nôt komit,

Verse: 2484    nieman sulhis nit ne fromit
Verse: 2485    ze sturme noh ze wîge,

Verse: 2486    sô er mit sînen lîbe,
Verse: 2487    er ne sî imer ze vorderôst;

Verse: 2488    dâ vone hânt si den trôst
Verse: 2489    di edelen wîgande.

Verse: 2490    man mac an den vîanden
Verse: 2491    nemen gût bilide,

Verse: 2492    dâ iz gêt an di tuginde.
Verse: 2493       Dô sprah ein ander râtgebe:

Verse: 2494    'hêre, du salt mir vernemen
Verse: 2495    und salt vil rehte verstân,

Verse: 2496    wî sîne site sint getân,
Verse: 2497    wandihz dir wol gesagen kan

Verse: 2498    umbe den wunderlîchen man.
Verse: 2499    iz ist mir allir beste kunt.

Verse: 2500    ih was wîlen ze einer stunt
Verse: 2501    mit dînen mannen gesant

Verse: 2502    in sînes vater lant.
Verse: 2503    dô solde wir holen den zins.

Verse: 2504    dan noh was er ein lutzil kint
Verse: 2505    unde was doh wîser,

Verse: 2506    dan dihein man grîser.
Verse: 2507    er quam dicke drâte

Verse: 2508    ze sînis vater râte,
Verse: 2509    dâ er rât habite.

Verse: 2510    vil sêre er daz clagete,
Verse: 2511    daz sîn vater wêre

Verse: 2512    dîn zinsêre.
Verse: 2513    er swôr, sô ime sîn lîb

Verse: 2514    gelebet imer di zît,
Verse: 2515    daz gwaldiclîche

Verse: 2516    sînes vater rîche
Verse: 2517    an ime quême,

Verse: 2518    des zinsis er sih benême.
Verse: 2519    nû ist er alsô here comen,

Verse: 2520    hân ihz rehte vernomen,
Verse: 2521    er williz vollenbringen.

Verse: 2522    nû saltu dih besenden
Verse: 2523    nâh dînen mannen,

Verse: 2524    di du hâst in den landen,
Verse: 2525    di dir sint undertân,

Verse: 2526    daz dir ne muge nehein man
Verse: 2527    den sige an irwerben,

Verse: 2528    er ne wille sterben.
Verse: 2529    daz ist der rât mîn,

Verse: 2530    ih wêne iz mah ouh wol sîn.'
Verse: 2531       Dô sprah ein ander râtman,

Verse: 2532    des ih genennen nit ne kan:
Verse: 2533    'der rât mir vil wol behaget.

Verse: 2534    mir ist dicke daz gesaget,
Verse: 2535    daz er mêr mit wîsheite

Verse: 2536    dan mit degenheite
Verse: 2537    dih kuninc wil bedwingen

Verse: 2538    und den zins an dir gwinnen;
Verse: 2539    wande eines hundis bellen

Verse: 2540    mac vil scâfe irschellen;
Verse: 2541    ob si rehtis hûtêris niht ne haben,

Verse: 2542    er tût in michelen scaden.'
Verse: 2543    dâ mite meinter daz,

Verse: 2544    daz iz ein unstête folc was
Verse: 2545    alliz Daries here,

Verse: 2546    dâ er sih mite wolde were.



Next part


This text is part of the TITUS edition of Lamprecht, Alexander (Strassburger Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.