TITUS
Lamprecht, Alexander (Strassburger Bearbeitung)
Part No. 36
Previous part

Chapter: 43  
Alexander erobert Lacedemonien


Verse: 2319       Di kûnen Lacedemones

Verse: 2320    di verhûben sih des,
Verse: 2321    daz si sâzen bî dem mere

Verse: 2322    und heten ein creftigiz here
Verse: 2323    und fâhten manic folcwîch

Verse: 2324    und verwunnen einen kuninc rîch,
Verse: 2325    den gwaldigen Xersem;

Verse: 2326    des wâren si vermezzen.
Verse: 2327    si enboten Alexandro,

Verse: 2328    wolder scaden Dario,
Verse: 2329    daz dûhte si ummâze.

Verse: 2330    si wereten ime di strâze.
Verse: 2331    si widersagiten ime den fride

Verse: 2332    und wolden vehten mit ime.
Verse: 2333       Dô gereite sih in den strît

Verse: 2334    beide man unde wîb
Verse: 2335    und gingen vaste an di were;

Verse: 2336    wande si heten in dem mere
Verse: 2337    behalden grôze heriscraft.

Verse: 2338    dâ mite heten si gedâht
Verse: 2339    ze vehtene von den schiffen.

Verse: 2340    ir berhfride si ûf rihten
Verse: 2341    und macheten ir were

Verse: 2342    gegen Alexandris here.
Verse: 2343       Alse Alexander daz gesach,

Verse: 2344    dô enbôt er in di stat,
Verse: 2345    weme si daz wazzer wolden weren,

Verse: 2346    er ne wolde niwit ubir mere;
Verse: 2347    er hîz si halten ir burch,

Verse: 2348    des wêre in nôt unde durft.
Verse: 2349    er wolde an in daz rechen,

Verse: 2350    daz si den kuninc Xersem
Verse: 2351    mit wîge torsten bestân.

Verse: 2352    dô viel er umbe di burc sân
Verse: 2353    mit sînen jungelingen.

Verse: 2354    ze sturme si dô giengen
Verse: 2355    daz einmûtige here

Verse: 2356    vaste unz an di burchwere.
Verse: 2357    Alexander was ze vorderôst

Verse: 2358    unde gab sînen heleden trôst,
Verse: 2359    mit sîner ellenthaften hant

Verse: 2360    verhiu er maniges schildes rant
Verse: 2361    und manigen helm vil vest.

Verse: 2362    der jener nie nehein genas,
Verse: 2363    dâ er mit nîde ûffe slûc.

Verse: 2364    er hete eines lewen mût.
Verse: 2365    di dâ lâgen irslagen,

Verse: 2366    di ne cunde û nieman gesagen;
Verse: 2367    ist iz, alse daz bûch quît,

Verse: 2368    di naht di schît dâ den strît.
Verse: 2369       Des nêhisten morgenes vil frû

Verse: 2370    der stat giengen si aber zû.
Verse: 2371    und alse di burgêre

Verse: 2372    gesâhen sîne gebêre,
Verse: 2373    si wurfin ûf ir tore

Verse: 2374    und stunden vaste der vore.
Verse: 2375    si slûgen unde stâchen,

Verse: 2376    daz di vesten ringe brâchen.
Verse: 2377    dâ wart manic helt gût

Verse: 2378    gewunt durh den stâlhût,
Verse: 2379    sô daz ime daz blût flôz ze tale.

Verse: 2380    di swert striden vil wale.
Verse: 2381    di veigen vielen der nider,

Verse: 2382    di andren fâhten vaste sidir.
Verse: 2383    dâ mohte der schilt lutzil gefromen.

Verse: 2384    si wâren durh rûm ûz comen
Verse: 2385    di kûnin Macedones

Verse: 2386    gegen di Lacedemones.
Verse: 2387    in was lieber, daz si sturben,

Verse: 2388    dan si verwunnen worden.
Verse: 2389       Durh disen grimmigen mût

Verse: 2390    quam geflozzen daz blût
Verse: 2391    vaste unz in daz mere.

Verse: 2392    dô geschiet sih daz here
Verse: 2393    beidenthalben âne sige.

Verse: 2394    ir nehein ne sûhte neheinen fride.
Verse: 2395    unde alse Alexander den schaden gesach,

Verse: 2396    der ime dâr geschien was
Verse: 2397    an sînen jungelingen,

Verse: 2398    dô hiez er ime gwinnen
Verse: 2399    balde daz kriechische fûr.

Verse: 2400    daz wart den burgêren vil sûr.
Verse: 2401    er brante di schif in dem mere.

Verse: 2402    daz ne mohte daz wazzer niht irwere.
Verse: 2403    daz sagih û zwâren.

Verse: 2404    di in den schiffen wâren,
Verse: 2405    dô si des fûris wurden innen,

Verse: 2406    dô wolden si ûz swimmen.
Verse: 2407    des liden si michele nôt,

Verse: 2408    wande si forhten den tôt.
Verse: 2409    daz lebent wart in vil sûr,

Verse: 2410    wande si brante daz wilde fûr.
Verse: 2411    in der selben wîlen

Verse: 2412    sturben si von den phîlen,
Verse: 2413    di man in engagen scôz.

Verse: 2414    vil manich sînen genôz
Verse: 2415    in daz mere irtrancte,

Verse: 2416    alser sîn niht nerkante.
Verse: 2417    dô branten di wîchûs.

Verse: 2418    di gîsele gab man dar ûz
Verse: 2419    leider alze spâte,

Verse: 2420    wande si verlorn hâten
Verse: 2421    di allir kûnisten man,

Verse: 2422    alsih mih versinnen kan,
Verse: 2423    die ie beschein di sunne

Verse: 2424    oder imer mêr gwunnen
Verse: 2425    di kûnin Macedones.

Verse: 2426    di burgen bâten si des,
Verse: 2427    daz si in fride wolden geben,

Verse: 2428    daz si behîlden daz leben
Verse: 2429    unde liezen stân ir stat.

Verse: 2430    Alexander in dô fride gab,
Verse: 2431    daz er in niht ne scadete

Verse: 2432    an allen, des si habeten.



Next part


This text is part of the TITUS edition of Lamprecht, Alexander (Strassburger Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.