TITUS
Lamprecht, Alexander (Strassburger Bearbeitung)
Part No. 38
Previous part

Chapter: 75  
Alexanders Arzt Philipp wird verleumdet


Verse: 2547       Hinnen disen râte,

Verse: 2548    den der kuninc hâte,
Verse: 2549    quam Alexander

Verse: 2550    ze Dariusis lande.
Verse: 2551    einhalben bî dem mere

Verse: 2552    dâ liez er rûwen sîn here.
Verse: 2553    di sunne schein vil heiz,

Verse: 2554    harte mûte si der sweiz.
Verse: 2555    dô ginc Alexander

Verse: 2556    und mit ime manic ander
Verse: 2557    baden in den wâch.

Verse: 2558    der rite bestunt in der nâh.
Verse: 2559    des gwan sîn here grôz

Verse: 2560    vil michelen untrôst.
Verse: 2561    si forhten vil sêre,

Verse: 2562    obiz Darius vernême,
Verse: 2563    daz dannen nimer ir nehein

Verse: 2564    ne quême lebinde heim.
Verse: 2565       Von disem untrôste

Verse: 2566    ein arzât si irlôste.
Verse: 2567    Philippus hîz der junge man.

Verse: 2568    ein furste was ime gram
Verse: 2569    geheizen Perminus.

Verse: 2570    einen brieb screib er alsus.
Verse: 2571    er sprah: 'Alexander hêre,

Verse: 2572    vil lieb sint mir dîne êre.
Verse: 2573    niwit ne nem du den tranc,

Verse: 2574    den dir der arzât hât gesant.
Verse: 2575    iz ist Dariusis rât,

Verse: 2576    wander ime gelobet hât
Verse: 2577    ze gebene sîne swester.

Verse: 2578    er wil in zeinem fursten
Verse: 2579    in sînen lande machen,

Verse: 2580    swenne er daz gescaffe,
Verse: 2581    daz er dir den tôt gegebe.

Verse: 2582    des trankis ne saltu niwit nemen.'
Verse: 2583       Alexander las disen brieb.

Verse: 2584    er ne lîz iz umbe daz niet,
Verse: 2585    er ne nême den tranc,

Verse: 2586    und gienc, dâ er Philippum vant.
Verse: 2587    er sprach: 'geselle vil liep,

Verse: 2588    wî gevellet dir dirre brieb?'
Verse: 2589    'ubile', sprah der jungelinc,

Verse: 2590    'du weist wol, hêre, mîne dinc.
Verse: 2591    her zû wêrih ze gût.

Verse: 2592    ih ne gwan des nie neheinen mût,
Verse: 2593    daz ih dir tête den tôt,

Verse: 2594    daz hêtistu unversculdigôt.
Verse: 2595    doh wêriz ime lieb,

Verse: 2596    der dir sante disen brieb,
Verse: 2597    ob du des nêmes grôzen scaden.

Verse: 2598    er wolde dih lîhte verslagen.
Verse: 2599    nû heiz in dir gwinnen

Verse: 2600    und danke in der minnen,
Verse: 2601    di er dir kuninc tete,

Verse: 2602    dô er dih warnôte.
Verse: 2603       Dô Alexander genas

Verse: 2604    und des wol gewis was,
Verse: 2605    daz ime der tranc wol bequam,

Verse: 2606    Perminen hîz er slân
Verse: 2607    ze sîmer anesihte,

Verse: 2608    Philippo er dô rihte,
Verse: 2609    wander in habite belogen.




Next part


This text is part of the TITUS edition of Lamprecht, Alexander (Strassburger Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.