TITUS
Lamprecht, Alexander (Basler Bearbeitung)
Part No. 58
Previous part

Chapter: 118  
Alexander besiegt Darius (Gaugamela/ Erbela)


Verse: 2452     Nun zugen si zuͦ dem wag,

Verse: 2453    der da heisset Strag,
Verse: 2454    Darius und sin her.

Verse: 2455    des nachtes gaches fuͦr er
Verse: 2456    über an daz ander lant,

Verse: 2457    da im vil schadens ward bekant,
Verse: 2458    wand ir lüczel komen wider.

Verse: 2459    nun was oͮch Allexander sider
Verse: 2460    gen in komen mit her.

Verse: 2461    sy griffen beden halb ze wer.
Verse: 2462    Allexander ... was,

Verse: 2463    uf Buzival er sas,
Verse: 2464    ze vordrest er reit,

Verse: 2465    kein man bessers nie über schreit
Verse: 2466    ..............................

Verse: 2467    im stuͦnd da nach sin muͦt,
Verse: 2468    wie er den sig erwurb

Verse: 2469    oder degenlichen sturb.
Verse: 2470    ..............................

Verse: 2471    do was weder schinpf noch spot:
Verse: 2472    die schos giengen als der sue,

Verse: 2473    da von geschach vil mangem we
Verse: 2474    ..............................

Verse: 2475    Daryus wolt niut beitten,
Verse: 2476    er und sin her zuͦ trungen,

Verse: 2477    ir swert sy swungen.
Verse: 2478    die werden helt von Persya

Verse: 2479    durch not muͦsten sich weren da,
Verse: 2480    Allexander sy an reit.

Verse: 2481    er mantte sin degen gemeit,
Verse: 2482    die waren ein müetig gar,

Verse: 2483    mit der kriechser schar
Verse: 2484    nam er den vorstrit.

Verse: 2485    .............................
Verse: 2486    daz man gesach nie krefftiger schar,

Verse: 2487    als die künge brachten dar;
Verse: 2488    und der gelag der meisti teil.

Verse: 2489    wie manger man unheil
Verse: 2490    des dages erwarb,

Verse: 2491    daz er an allen strit verdarb,
Verse: 2492    der niuwen verdarb im bluͦt.

Verse: 2493    ..............................
Verse: 2494    es wurde langes mer,

Verse: 2495    solt ich sagen ir aller swer,
Verse: 2496    da Allexander der wigant

Verse: 2497    gab den zins mit siner hant.
Verse: 2498    ..............................

Verse: 2499    mangen Persen geruͦ die vart,
Verse: 2500    in dem bluͦt menger swebt,

Verse: 2501    der denoch lebt,
Verse: 2502    der lag an helffe sunder dank,

Verse: 2503    bis er in dem bluͦt ertrank.
Verse: 2504    der sturm was grim und hart;

Verse: 2505    manig helm ward zer zart
Verse: 2506    und brünijen durchstochen.

Verse: 2507    vil schaden ward do gerochen
Verse: 2508    und schilt verhuͦwen.

Verse: 2509    da liesen dike schoͤwen
Verse: 2510    die Kreichen reken,

Verse: 2511    daz si mit scharfen eken
Verse: 2512    helm koͤnen schrotten,

Verse: 2513    si faltten mengen totten
Verse: 2514    dem richen küng Daryo.

Verse: 2515    vil hart klagt er do,
Verse: 2516    daz er je in Kriechen land

Verse: 2517    nach dem zins hat gesant.
Verse: 2518    der Persen küng her,

Verse: 2519    der vil groser [er]
Verse: 2520    wont über meng rich,

Verse: 2521    der truret nun vil jemerlich,
Verse: 2522    daz ie der wüettent man

Verse: 2523    im us ze schaden kam.
Verse: 2524    ein laster muͦster oͮch klagen,

Verse: 2525    er sach ligen erslagen
Verse: 2526    mangen helt guͦt,

Verse: 2527    bewolen in dem bluͦt,
Verse: 2528    die ie im gern

Verse: 2529    hulffen aller ern,
Verse: 2530    der er sich als ee

Verse: 2531    moͤcht getroͤsten niemer me.
Verse: 2532    zwie hundert dusing was

Verse: 2533    der ...
Verse: 2534    on die in den Strang komen

Verse: 2535    und ir ende nomen,
Verse: 2536    der mocht man nit wissen zal,

Verse: 2537    so gros was ir val.
Verse: 2538    Do Daryus ersach,

Verse: 2539    daz im soͤlich schad geschach
Verse: 2540    und im so vil ward erslagen,

Verse: 2541    vil gar begund er verzagen.
Verse: 2542    er was der erste man,

Verse: 2543    der fleichen began,
Verse: 2544    er det den sinen grossen schaden.

Verse: 2545    untrost begund er uf sich laden.
Verse: 2546    si fluchen all gemeinlich

Verse: 2547    ..............................
Verse: 2548    den schaden, der all da geschach.

Verse: 2549    Allexander man do sach
Verse: 2550    uf sy ziehen nideklichen.

Verse: 2551    was er mocht erstrichen
Verse: 2552    an der flucht mit siner schar,

Verse: 2553    die waren da verlorn gar.
Verse: 2554    do daz merr wart bekant

Verse: 2555    in aller der Persen lant,
Verse: 2556    daz der küng wer siglos,

Verse: 2557    da von ward der jamer gros.
Verse: 2558    Daryus fleichent kam

Verse: 2559    über Strage daz wasser dan
Verse: 2560    und sines volkes enteil.

Verse: 2561    er klagte sin gros unheil.
Verse: 2562    sus kan er uf sinen sal

Verse: 2563    ..............................
Verse: 2564    sy klagten groͤslichen

Verse: 2565    Daryo, den richen
Verse: 2566    ..............................

Verse: 2567    'all min er hat dahin
Verse: 2568    ein ellender kriescher man.

Verse: 2569    von minen sunden mir daz kan,
Verse: 2570    die ich begie mit übermuͦt.

Verse: 2571    Fortuna nun an mir tuͦt
Verse: 2572    ir recht, als sy je pflag

Verse: 2573    ... der hiut under lag.'
Verse: 2574    ..............................





Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.