TITUS
Lamprecht, Alexander (Basler Bearbeitung)
Part No. 59
Previous part

Chapter: 124  
Darius' 4. Brief an Alexander (Friedensangebot)


Verse: 2575    Daryo ze trost er dacht ein funt:
Verse: 2576    ein brieff macht er do,

Verse: 2577    mit siner hant schreib er im do
Verse: 2578    'fro, wol [und] gesunt

Verse: 2579    sist du kung ze aller stund.
Verse: 2580    es ist mir nun also komen:

Verse: 2581    wilt du mir schaden oder fromen,
Verse: 2582    des hast du vollen gewalt.

Verse: 2583    es ist mir dike vor gezalt,
Verse: 2584    ob ich mich gewalttes über neme,

Verse: 2585    ze schaden mir daz keme,
Verse: 2586    des ich nun empfinde.

Verse: 2587    nun trachtte, daz man dich finde
Verse: 2588    bi demuͦt bi dem gewalt,

Verse: 2589    daz wirt ze eren dir gezalt.
Verse: 2590    la dich erbarmen min unheil;

Verse: 2591    du solt gedenken oͮch ein teil
Verse: 2592    min geslecht und min namen,

Verse: 2593    daz ich mich des niut toͤrffte schamen,
Verse: 2594    und gibe mir noch als vil

Verse: 2595    des landes uncz an das zil
Verse: 2596    des dodes müge bliben

Verse: 2597    und min zit vertriben
Verse: 2598    mit miner muͦtter und wip;

Verse: 2599    daz ich zerbarmen niut belib,
Verse: 2600    die la mir ledig wider komen,

Verse: 2601    daz muͦs dir an dinen eren fromen.
Verse: 2602    min diner, die din gevangen sint,

Verse: 2603    fürsten und oͮch fürsten kint,
Verse: 2604    den trost ir muͦt

Verse: 2605    und hab von in ze guͦt,
Verse: 2606    daz sy alle ire lant

Verse: 2607    enpfahen von diner hant,
Verse: 2608    und los sy ledig von dir,

Verse: 2609    daz sy dir dienen als oͮch mir.
Verse: 2610    dar umb wil ich dir füegen

Verse: 2611    und gerne ruͦgen
Verse: 2612    ..............................

Verse: 2613    der min und miner vordren was,
Verse: 2614    vergraben under die erde.

Verse: 2615    der lit in der stat werde,
Verse: 2616    die da heisset Nia Minyanda,

Verse: 2617    ze Gise und ze Madyan,
Verse: 2618    die macht du mit eren nemen wol.

Verse: 2619    für war ich dir daz sagen sol,
Verse: 2620    kein man als vil schaczes an einer stat

Verse: 2621    gesehen hat.
Verse: 2622    gib ich dir oͮch in din hant

Verse: 2623    Persya daz guͦt lant
Verse: 2624    und Meden, daz lant, dar zuͦ

Verse: 2625    .............................
Verse: 2626    und was ich landes han.

Verse: 2627    wilt du din triuwe an mir began,
Verse: 2628    des solt du min here sin,

Verse: 2629    daz lich mir von der hende din.'
Verse: 2630    den brieff las Allexander.

Verse: 2631    sin fürsten und wer
Verse: 2632    reitten, daz es im gezem,

Verse: 2633    daz er schacz und lande nem
Verse: 2634    und die deding hielti stet

Verse: 2635    und detti als Dario bet
Verse: 2636    ..............................

Verse: 2637    und im wider gebe
Verse: 2638    muͦtter wib und kind.

Verse: 2639    ..............................



Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.