TITUS
Lamprecht, Alexander (Basler Bearbeitung)
Part No. 57
Previous part

Chapter: 116  
Alexander schleicht sich verkleidet bei Darius ein


Verse: 2270    nun waren sy komen dar,

Verse: 2271    da Allexander [und] sin schar,
Verse: 2272    daz sy hetten funf tagweid zuͦ der stat,

Verse: 2273    da Daryo ine hus hat
Verse: 2274    .............................

Verse: 2275    da zwissent was ein heid
Verse: 2276    und ein tieffer grabe wag.

Verse: 2277    ze sinen fürsten hat er frag
Verse: 2278    und nach ir aller rat,

Verse: 2279    wond er nun sant drat
Verse: 2280    botten zuͦ Taryo,

Verse: 2281    daz er im seit also,
Verse: 2282    daz Allexander keme ze hant,

Verse: 2283    wolt er weren lib und land:
Verse: 2284    der rat wart gefristet so

Verse: 2285    bis an den morgen fruo.
Verse: 2286    Nun vernement, was geschach.

Verse: 2287    des nachttes in dem troͮme sach
Verse: 2288    Allexander den vatter sin.

Verse: 2289    er sprach 'lieber sune min,
Verse: 2290    ich bin ein got krefftig,

Verse: 2291    ich schaffen dir seld und sig,
Verse: 2292    die ich dir heil des herczen trag,

Verse: 2293    wond ich dir wol gehelffen mag.
Verse: 2294    ich schaffen dir geleit

Verse: 2295    in aller diner arbeit,
Verse: 2296    wond ich bin ein hocher got.'

Verse: 2297    dis ist der leyen spot
Verse: 2298    ..............................

Verse: 2299    und in trüemen bringen für.
Verse: 2300    der got sprach aber do

Verse: 2301    wislich zuͦ Allexandro
Verse: 2302    'du hast uf rat den sin,

Verse: 2303    wen du sendest ze Taryo hin:
Verse: 2304    du solt selber der bot sin,

Verse: 2305    daz ist der rat min,
Verse: 2306    und solt des wol genesen,

Verse: 2307    wond min huͦt sol bi dir wesen.
Verse: 2308    bis aller angst und sorgen fry

Verse: 2309    ..............................'
Verse: 2310    Allexander erwacht do.

Verse: 2311    er seit es sinen heren also,
Verse: 2312    die reitten im ze hant,

Verse: 2313    daz er selber ritte übers lant.
Verse: 2314    Allexander zuͦ im nam

Verse: 2315    ..............................
Verse: 2316    die snellen ros, die er vant.

Verse: 2317    eins an der hant fuͦrtte jener man.
Verse: 2318    sy ritten vere über lant.

Verse: 2319    die wege woren in niut wol bekant.
Verse: 2320    nun komen ... wag,

Verse: 2321    der was geheissen Strag,
Verse: 2322    der fliusset den tag mit macht

Verse: 2323    und gefriuret die nacht,
Verse: 2324    daz man es mag geritten.

Verse: 2325    Onnilium bat er beitten
Verse: 2326    mit dem ledigen rosse da,

Verse: 2327    do reit er hin über sa;
Verse: 2328    die nacht reit er allein.

Verse: 2329    ..............................
Verse: 2330    da er do des morgens kan

Verse: 2331    der stolcze man
Verse: 2332    geritten an die stat,

Verse: 2333    do Daryus hus hat
Verse: 2334    mit sinem ungefüegen her,

Verse: 2335    manger sprach 'wer ist der,
Verse: 2336    der so rilich vert

Verse: 2337    und im sin gevert
Verse: 2338    nieman wer? er mag sin ein got.'

Verse: 2339    er sprach 'ich bin ein bot,
Verse: 2340    min her ist Allexander;

Verse: 2341    in nimt des michel wunder,
Verse: 2342    wes sich der küng sum:

Verse: 2343    er beitet sin vil kum.'
Verse: 2344    do liessen Daryo man

Verse: 2345    den botten für den küng gan.
Verse: 2346    sin botschaft warb er, ze Taryo

Verse: 2347    sprach er also
Verse: 2348    'Allexander enbiut dir, here,

Verse: 2349    du habest sin kein ere,
Verse: 2350    daz du lost so lange frist,

Verse: 2351    und er dir so nache ist.
Verse: 2352    daz si ein grossi zagheit,

Verse: 2353    den zins het er bereit,
Verse: 2354    den wil er dir messen

Verse: 2355    ..............................
Verse: 2356    mit scharffen swertten willenklich,

Verse: 2357    daz sich niut besser din rich.'
Verse: 2358    ..............................

Verse: 2359    'du duͦst din botschafft frevelich,
Verse: 2360    daz mich daz nimt wunder:

Verse: 2361    und werest du joch selber Allexander,
Verse: 2362    es wer genuͦg unmessenklich,

Verse: 2363    daz du so redest vor dem rich.
Verse: 2364    als vil din here mir hat getan,

Verse: 2365    doch wil ich dich des geniessen lan,
Verse: 2366    daz din her den botten min

Verse: 2367    liesse in sinen hulden sin,
Verse: 2368    wond ich sin niut ere hette,

Verse: 2369    ob ich dir iut tete.'
Verse: 2370    Daryus nam in bi der hant

Verse: 2371    'sid du zuͦ mir bist gesant,
Verse: 2372    so soͤlt du guͦtten friden han,

Verse: 2373    mit mir uf min sal gan.'
Verse: 2374    Allexander froͮtte sin . . .,

Verse: 2375    daz sin geleitte was so guͦt.
Verse: 2376    die tische man da für truͦg;

Verse: 2377    da was herschaft genuͦg,
Verse: 2378    grosse wirtschaft man da het.

Verse: 2379    Allexanders stet
Verse: 2380    ward do für den küng gemachet,

Verse: 2381    durch daz er wer besachet.
Verse: 2382    ze des künges an gesicht

Verse: 2383    er sas gar gericht.
Verse: 2384    den fursten daz ze herczen lag,

Verse: 2385    daz man sin so schon enpflag,
Verse: 2386    si versmachtten in zuͦ den eren,

Verse: 2387    si jahen: man moͤchte sin enberen,
Verse: 2388    er wer ein mechtig man,

Verse: 2389    ein küng soltte boͤsser botten han.
Verse: 2390    Allexander durch list ein funt erdacht:

Verse: 2391    was trinkvas für in wart [bracht],
Verse: 2392    als er einen trunk dar us genos,

Verse: 2393    so saczte ers in sin schos.
Verse: 2394    dem schenken was das swer,

Verse: 2395    Daryo seit er die mer,
Verse: 2396    daz der bot anne sol

Verse: 2397    die trinkvas alle stull.
Verse: 2398    er sprach, er moͤchte wol sin ein diep.

Verse: 2399    ..............................
Verse: 2400    er sprach 'wie geziemet daz,

Verse: 2401    daz du mine gold vas
Verse: 2402    stelli, daz es die mengi sach?'

Verse: 2403    Allexander sich versprach
Verse: 2404    'here, ich wonde nit

Verse: 2405    wond mins heren sit:
Verse: 2406    wer da drinket us eim goldvas,

Verse: 2407    mit rechte hat er im daz;
Verse: 2408    als dike er trinket win,

Verse: 2409    die goldvas sind alle sin.
Verse: 2410    des sittens wil du niut pflegen,

Verse: 2411    da von wil ich mich bewegen,
Verse: 2412    ir alle heis si hin nemen,

Verse: 2413    sy soͤllent mir niut gezemen,
Verse: 2414    sy sint mir unmer,

Verse: 2415    ungern ich ein diep wer.'
Verse: 2416    dies det er durch den list

Verse: 2417    wand er wol wist,
Verse: 2418    daz sin diener vil bereit

Verse: 2419    wurden durch die gittikeit
Verse: 2420    in sinen hoff ze ritten.

Verse: 2421    er wolt niut lenger beitten,
Verse: 2422    die kuntschafft er wol in nam und bevant,

Verse: 2423    urlob er nam zehant;
Verse: 2424    des ward er schon gewert.

Verse: 2425    gen dem wasser er do kert,
Verse: 2426    da kam er hin umb mitten dag.

Verse: 2427    im fuͦgte nit, daz er do lag,
Verse: 2428    wande in daz beswert:

Verse: 2429    er vorcht, er wurd vermert.
Verse: 2430    an daz wasser sprang er do,

Verse: 2431    er swemet zem andren staden do,
Verse: 2432    des half wol sin man.

Verse: 2433    ....................
Verse: 2434    do reit er wider in sin her,

Verse: 2435    hundert was der
Verse: 2436    und zwenzig tusent mer.

Verse: 2437    sy enpfiengen [in] mit grossen ern.
Verse: 2438    'wol uf, ir kriechsen man,

Verse: 2439    ze heil muͦs es uns ergan:
Verse: 2440    dar han ich gesehen

Verse: 2441    (ich muͦs daz mit der warheit jhehen),
Verse: 2442    wir müegent im niut gelichen

Verse: 2443    Darium dem richen.
Verse: 2444    ich wene, daz er niut lebend sy,

Verse: 2445    dem so vil volkes wonet by;
Verse: 2446    des sullen wir niut klagen.

Verse: 2447    ein mer wil ich iuch sagen:
Verse: 2448    ich sach fliechen ein michel her,

Verse: 2449    die hatten keiner slachte wer
Verse: 2450    gen zwien wefsen vest,

Verse: 2451    die si alle triben ze nest.'



Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.