TITUS
Lamprecht, Alexander (Basler Bearbeitung)
Part No. 43
Previous part

Chapter: 66  
Darius hält Rat, sein Bruder/ seine Fürsten üben Kritik


Verse: 1921    Do daz Daryus vernam,
Verse: 1922    er sprach zuͦ sinen rat geben

Verse: 1923    'nun mag mich riuwen min leben.
Verse: 1924    disser ruͦber müeyet mich:

Verse: 1925    bi sinem gefert ich mich versich.
Verse: 1926    ich sig im ze handen geborn,

Verse: 1927    die minen sind all verlorn
Verse: 1928    und volget im aller sig,

Verse: 1929    wie ich im lege mangen rik.
Verse: 1930    moͤcht ich an im daz gehan,

Verse: 1931    daz er woltte die reisse lan
Verse: 1932    und zugi hein in sin lant

Verse: 1933    und lies mich ungeschant:
Verse: 1934    .............................

Verse: 1935    ich woltte im des min triuwe geben,
Verse: 1936    daz ich in Krechen ...

Verse: 1937    nach dem zins nemer mer gesant.'
Verse: 1938    die fursten antwurtten do

Verse: 1939    'here, du hast also
Verse: 1940    von sinem vatter an in,

Verse: 1941    daz er den zins niut fuͦrt hin.
Verse: 1942    ..............................

Verse: 1943    du hast gewalt und wirde wol,
Verse: 1944    daz er in anne gnad muͦs geben

Verse: 1945    oder es gat im an sin leben.
Verse: 1946    wenne er ansicht din krafft

Verse: 1947    und unser vesti riterschaft
Verse: 1948    von rechte wirt innen,

Verse: 1949    so beginet er sich versinen,
Verse: 1950    daz er mit eren wol

Verse: 1951    mag wesen din zins geschol.
Verse: 1952    Ocyator sprach ze hant

Verse: 1953    (des künges bruͦder was er genant)
Verse: 1954    'die zaglich red sol fro

Verse: 1955    machen sin hercz Allexandro,
Verse: 1956    wand er hat sin er

Verse: 1957    und du schand jemer mer,
Verse: 1958    do mit erhoͤchet sinen muͦt.

Verse: 1959    es dunket mich zaglich und niut guͦt
Verse: 1960    und weis niut, die rede duͦcht

Verse: 1961    ...............................
Verse: 1962    ...............................

Verse: 1963    er hat ein reisse getan,
Verse: 1964    die er niemer an eren sol

Verse: 1965    über winden wol.
Verse: 1966    oͮch wil ich dir, küng, sagen,

Verse: 1967    was in hat meist für getragen:
Verse: 1968    in strit ze vordrest in der schar

Verse: 1969    und durch brach die rotte gar
Verse: 1970    mit sines selbes libe.

Verse: 1971    es zimt niut einem wibe
Verse: 1972    ze kregen umb liut umb land:

Verse: 1973    des sind, bruͦder und her, gemant.'
Verse: 1974    ein aman [man] do sprechen hort

Verse: 1975    'here, nun merke mine wort,
Verse: 1976    mir wont noch daz gedenk mit,

Verse: 1977    daz ich wol kenne sine sit:
Verse: 1978    wilent ward ich gesant

Verse: 1979    ze sinem vatter in sin lant
Verse: 1980    umb den zins, den er solt,

Verse: 1981    den er uns niut lassen geben wolt,
Verse: 1982    und was danoch ein kint klein,

Verse: 1983    gar wis und freidig was sin manheit;
Verse: 1984    er gie an sines vatter rat,

Verse: 1985    er sprach zuͦ uns "nun rüemen getrat
Verse: 1986    disse lant und sind des wer,

Verse: 1987    der iuch hat gesant doͤrt her.
Verse: 1988    wirt mir der tag bekant,

Verse: 1989    daz ich küng wirt genant,
Verse: 1990    den zins wil ich im bringen

Verse: 1991    mit minen jüngelingen."
Verse: 1992    ................................

Verse: 1993    nun macht in gewaltlich bestan
Verse: 1994    und dar zuͦ wol bringen,

Verse: 1995    daz er den zins muͦs bringen
Verse: 1996    und alle sin nach komen

Verse: 1997    ze hant, des hant sy keinen fromen.'



Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.