TITUS
Lamprecht, Alexander (Basler Bearbeitung)
Part No. 44
Previous part

Chapter: 75  
Alexanders Arzt Philipp wird verleumdet


Verse: 1998     Nun kam Allexander gerant

Verse: 1999    in die giegny all ze hant,
Verse: 2000    einhalb by dem mer

Verse: 2001    lies er ruͦwen sin her.
Verse: 2002    die sune heys schein

Verse: 2003    .....................................
Verse: 2004    Allexander in den wag gie.

Verse: 2005    ein hittmikeit in gevie,
Verse: 2006    daz er all da rittig wart.

Verse: 2007    von dem untrost
Verse: 2008    ein arzat sy erlost,

Verse: 2009    Pilipus hies der junge man;
Verse: 2010    ein graffe was im gar gran

Verse: 2011    Perminus genant.
Verse: 2012    Allexander schreib er alsus

Verse: 2013    'hüet by dinem leben:
Verse: 2014    ein trank wil dir der arzat geben,

Verse: 2015    grossy vergift es in im hat
Verse: 2016    und kunt von Taryus rat:

Verse: 2017    der wil im sin swester geben,
Verse: 2018    ob er dich bringe umb daz leben,

Verse: 2019    ein fürsten tuͦm git er im oͮch dar zuͦ,
Verse: 2020    daz er dir soͤlle daz tuͦn.'

Verse: 2021    do Allexander gelas,
Verse: 2022    was an dem brieff geschriben was,

Verse: 2023    Pilipo gab er in [in] die hant,
Verse: 2024    dem ward er oͮch bekant.

Verse: 2025    er sprach 'lieber meister, wie
Verse: 2026    gevelt iuch der brieff hie ?'

Verse: 2027    'übel' sprach der jungling
Verse: 2028    'do weist du here mine ding,

Verse: 2029    daz ich da zuͦ were ze guͦt.
Verse: 2030    jo gewan jch ie den muͦt

Verse: 2031    ..............................
Verse: 2032    wond der dinem libe gezeme.

Verse: 2033    dinen dot het er gerne vernomen,
Verse: 2034    von dem der brieff ist komen.'

Verse: 2035    Allexander wol genas
Verse: 2036    ..............................

Verse: 2037    der meister in do mant,
Verse: 2038    daz er den besant,

Verse: 2039    der den valsch konde briuwen,
Verse: 2040    und dankte im siner triuwen.

Verse: 2041    Allexander hies den groffen fachen
Verse: 2042    ..............................

Verse: 2043    ..............................
Verse: 2044    und schuͦff daz recht,

Verse: 2045    daz er in hat belogen:
Verse: 2046    die zunge ward im us gezogen.

Verse: 2047    ...............................



Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.