TITUS
Lamprecht, Alexander (Basler Bearbeitung)
Part No. 42
Previous part

Chapter: 43  
Alexander erobert Lacedemonien


Verse: 1832    Die künge Lacidones

Verse: 1833    : : : : sich des,
Verse: 1834    daz si sassen bi dem mer

Verse: 1835    und hatten kreftiges her,
Verse: 1836    man fant bi in keinen zagen;

Verse: 1837    si hatten da vor erslagen
Verse: 1838    den gewalttigen küng Erxses,

Verse: 1839    si über huͦben sich des,
Verse: 1840    sy enbutten Allexandro:

Verse: 1841    wolt [er] schaden Daryo,
Verse: 1842    daz duchte si unmasse,

Verse: 1843    'wir wertten im die strosse'.
Verse: 1844    si wider sagten im den friden,

Verse: 1845    si gebuten bi der wide
Verse: 1846    bede wip und man

Verse: 1847    komen uf die wer dan.
Verse: 1848    sy hatten uf dem wage

Verse: 1849    ir wer und oͮch ir lage,
Verse: 1850    die sy hetten dar bracht.

Verse: 1851    sy hatten vestenklich gedacht
Verse: 1852    ze vechtten uff den schiffen,

Verse: 1853    ................................
Verse: 1854    und stuͦnden uf ir brust wer.

Verse: 1855    nun kam oͮch Allexanders her
Verse: 1856    und sach sy uf dem mer,

Verse: 1857    do in in die stat enbot er:
Verse: 1858    do sy bedoͤrfften daz mer niut bewarn

Verse: 1859    ..............................
Verse: 1860    'hand die stat in huͦt,

Verse: 1861    daz ist nun guͦt.
Verse: 1862    ich wil an iuch rechen,

Verse: 1863    daz ir je getorstet stechen
Verse: 1864    Erxsers den getriuwen,

Verse: 1865    der muͦs mich jemer riuwen.'
Verse: 1866    do gieng daz her

Verse: 1867    vast bis an die bruken,
Verse: 1868    Allexander ze fordrest,

Verse: 1869    daz gab sinen helden drost.
Verse: 1870    mit siner hant

Verse: 1871    zer hiuwe [er] menges schilttes want
Verse: 1872    und mengen liechtten helm glancz,

Verse: 1873    den er det da ungancz.
Verse: 1874    ir was anne allen zal,

Verse: 1875    die da bliben uf der wal.
Verse: 1876    die nacht scheid da den strit,

Verse: 1877    do hatten sy niut lenger gebeit.
Verse: 1878    ... morgendes ...

Verse: 1879    griffen sy wider zuͦ.
Verse: 1880    do wart der sturm vil swer:

Verse: 1881    sy wurffen die tor uf, mit wer
Verse: 1882    tratten sy da für

Verse: 1883    mit vil werlicher kür;
Verse: 1884    sy sluͦgen und stachent,

Verse: 1885    manig brünye sy brachent
Verse: 1886    und spieltten mangen stahel huͦt

Verse: 1887    ..............................
Verse: 1888    ... Mecidones

Verse: 1889    danket den burgeren des:
Verse: 1890    mit glicher wog hin wider

Verse: 1891    sluͦg er so vil do nider,
Verse: 1892    daz daz bluͦt von dem her

Verse: 1893    ran ze tal in daz mer.
Verse: 1894    do Allexander sach,

Verse: 1895    daz im so gros schad beschach
Verse: 1896    an sinen jüngelingen,

Verse: 1897    daz fiur hies er bringen
Verse: 1898    und warf das an

Verse: 1899    bi einer wil und verbran
Verse: 1900    was schiffen uf dem mer ran.

Verse: 1901    und do inen menger küener man,
Verse: 1902    ..............................

Verse: 1903    weller wolte swimen us,
Verse: 1904    die verdurben an der frist,

Verse: 1905    sy mochtte erneren kein list
Verse: 1906    für schos und fiur.

Verse: 1907    ..............................
Verse: 1908    si brantten in die wighus.

Verse: 1909    die da warent her us,
Verse: 1910    die erwurben do

Verse: 1911    ein fride zuͦ Allexandro,
Verse: 1912    daz er in die sant

Verse: 1913    und die stat lies unverbrant
Verse: 1914    und ims ze eigen hetti

Verse: 1915    und inen oͮch niut tette
Verse: 1916    an lib und an guͦt.

Verse: 1917    ..........................
Verse: 1918    der küng in sinen friden sant

Verse: 1919    und zoch da durch al ze hant
Verse: 1920    und fuͦr in Persyam.





Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.