TITUS
Lamprecht, Alexander (Basler Bearbeitung)
Part No. 18
Previous part

Chapter: 27  
Alexander übernimmt die Herrschaft in Macedonien/ Griechenland


Verse: 883    Allexander nam sin besten man,
Verse: 884    den er getriuwet in aller not

Verse: 885    ..............................
Verse: 886    er sprach 'nun ratten, friunde min,

Verse: 887    daz ist min sin:
Verse: 888    wir süellent uns heben ze hant

Verse: 889    gegen dem küng Persarum lant,
Verse: 890    unser lob süellen wir meren

Verse: 891    krieschen landen zen eren
Verse: 892    und süellen si engeltten lan,

Verse: 893    die den zins woltten han.
Verse: 894    des helffen mir: komen wir der ab,

Verse: 895    all min guͦt und min hab
Verse: 896    wil ich mit iuch deillen,

Verse: 897    ich wil iuch büessen und heillen
Verse: 898    alle iuwer erbeit und not

Verse: 899    und bi iuch ligen dot.'
Verse: 900    do er daz also gesagt,

Verse: 901    ir keiner lenger do gedagt,
Verse: 902    sy sprachen mit gemeiner zungen

Verse: 903    'dissen küng jungen
Verse: 904    frist uns got zuͦ dem rich.

Verse: 905    wer im nun entwich
Verse: 906    und im niut helf siner er:

Verse: 907    der sy verrechttet jemer mer.'
Verse: 908    Allexander zehant

Verse: 909    sant botten in die lant:
Verse: 910    er hies gebietten her vart.

Verse: 911    noch helf do geschriben wart
Verse: 912    über all in Kriechen lant;

Verse: 913    Macedonyer wurden gemant;
Verse: 914    ze Kalap er oͮch enbot,

Verse: 915    daz sy im hulffen zuͦ der not,
Verse: 916    des wolt er in lonen ser.

Verse: 917    ein stat bi dem mer
Verse: 918    Nicomdyas genant

Verse: 919    santten im zwelff tusing wigant.
Verse: 920    über land hies er gebietten

Verse: 921    mit triuw und oͮch mit mietten,
Verse: 922    daz sy im ze helffe kemen

Verse: 923    .............................
Verse: 924    wer daz versmachtte,

Verse: 925    daz der von dem land achte.



Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.