TITUS
Lamprecht, Alexander (Basler Bearbeitung)
Part No. 19
Previous part

Chapter: 29  
Alexander erobert Italien (Rom)


Verse: 926    sibenzig tusing gewan er in sin her,

Verse: 927    mit den zoch er über mer
Verse: 928    in ein gebiette rich,

Verse: 929    die dient Daryo loblich.
Verse: 930    do hies er sin man

Verse: 931    umb den zins griffen an.
Verse: 932    er betwang sy mit gewalt

Verse: 933    und nam in richtum manig valt;
Verse: 934    dar nach in Sittiren lant

Verse: 935    fuͦr er mit ellenthafter hant,
Verse: 936    die betwang er manlich.

Verse: 937    sy sworen im all gelich
Verse: 938    ze varn die hervart:

Verse: 939    des sin vatter erlossen ward.
Verse: 940    sus mert er da sin er

Verse: 941    [unde] nam die wider ker,
Verse: 942    er schiffte wider an lant

Verse: 943    und kam in Ittallya gerant.
Verse: 944    do die Roͤmer daz vernomen,

Verse: 945    gen im si balde komen,
Verse: 946    si schankten im ze stund

Verse: 947    silbers hundert tusing pfund
Verse: 948    und einen mantel rich

Verse: 949    von gold durch slagen koͤstlich,
Verse: 950    oͮch schankten sy im schon

Verse: 951    ein guldin kron,
Verse: 952    sus enpfingen sy den meren.

Verse: 953    des dankte er den Roͤmeren.
Verse: 954    zehen hundert er us in nam,

Verse: 955    die fuͦrtte er die reisse von dan



Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.