TITUS
Lamprecht, Alexander (Basler Bearbeitung)
Part No. 17
Previous part

Chapter: 24  
Philipps Tod


Verse: 824    do daz ward geendet,

Verse: 825    ein bot da ward gesendet
Verse: 826    Pilipo, der im seitte die mer,

Verse: 827    wie ze Talomone wer
Verse: 828    die herschafft in untriuwen

Verse: 829    gen im, es moͤcht si riuwen,
Verse: 830    ob ers niut under für

Verse: 831    ee man einem andren swüer,
Verse: 832    den hetten sy al da geladen.

Verse: 833    uf sin schand und uf sin schaden
Verse: 834    woltten si vast stellen.

Verse: 835    Allexander sin gesellen
Verse: 836    nam zuͦ im friuntlich,

Verse: 837    zuͦ der veste huͦb er sich,
Verse: 838    in die burg er gieng,

Verse: 839    den burgraffen fieng,
Verse: 840    die boͤsen alle dar ab sties,

Verse: 841    die sinen er dar uffe lies.
Verse: 842    er nam do schacz, was er sin vant,

Verse: 843    er gab in sinen dieneren ze hand;
Verse: 844    da mit er wider hein reit.

Verse: 845    nu wider fuͦr im herze leit
Verse: 846    uf der hein fert,

Verse: 847    daz in vil zorns wert:
Verse: 848    im wider reit Pausonias,

Verse: 849    der ein richer margroff was,
Verse: 850    und fuͦrtte mit gewalt Ollipyas,

Verse: 851    die Allexanders muͦtter was;
Verse: 852    den küng hat er gewundet:

Verse: 853    daz was Allexandro gekündet.
Verse: 854    er sprach 'er gilt mir daz ungemach,'

Verse: 855    den schilt truͦg er für sich
Verse: 856    und reit uf in manlich;

Verse: 857    den spies er durch den groffen stach,
Verse: 858    ze der erden dot in warff

Verse: 859    'keins stieffatter ich bedarf.'
Verse: 860    ein botte für vil balde reit,

Verse: 861    dem küng die mer er seit,
Verse: 862    daz Allexander wider brecht

Verse: 863    die küngin ungesmecht,
Verse: 864    und der margroff wer erslagen.

Verse: 865    der küng sprach 'ich sol niut klagen
Verse: 866    nun fürbas all min not,

Verse: 867    sid Pasonias ist gelegen dot.'
Verse: 868    Allexander oͮch nun kam, er gieng ze hant

Verse: 869    do er den küng, sin vatter, vant,
Verse: 870    er klate in vil ser. der küng mit züchtten sprach,

Verse: 871    do er sin ungehab ersach
Verse: 872    'nun la din truren sin,

Verse: 873    hastu erslagen den vigent min,
Verse: 874    so wil ich froͤlich sterben

Verse: 875    ..............................
Verse: 876    got geruͦche dir glük geben.'

Verse: 877    alsus endet er sin leben.
Verse: 878    er ward nach sinem recht begraben,

Verse: 879    Allexander ze künge erhaben.
Verse: 880    nu begunde wachsen sin gewalt,

Verse: 881    wie er niut wer an den joren alt.
Verse: 882    nun hoͤrent wes er von erst began.





Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.