TITUS
Lamprecht, Alexander (Basler Bearbeitung)
Part No. 16
Previous part

Chapter: 23  
Alexander fertigt Darius' Zinsboten ab


Verse: 796    ze lande wider hein kam,

Verse: 797    er vant vor sinem vatter stan
Verse: 798    botten von Persya, dem land,

Verse: 799    die Daryus hat dar gesant,
Verse: 800    der da ein richer küng was,

Verse: 801    mit brieffen, die man do las:
Verse: 802    daz Daryus niut wolt enbern,

Verse: 803    man müesti den zins im wern,
Verse: 804    als es von alter her was komen,

Verse: 805    und als er in oͮch hette genomen.
Verse: 806    Allexander sprach gerichtte

Verse: 807    zuͦ der botten angesichte.
Verse: 808    er hies die botten ritten

Verse: 809    und sprach 'bi minen zitten
Verse: 810    wirt im der zins niut me gesant

Verse: 811    von uns us Kriechen lant.
Verse: 812    duͦnt iuwerem heren von mir kunt

Verse: 813    nun zuͦ dire stund,
Verse: 814    sid er des zins niut wel enbern

Verse: 815    so wil ich in in sinem land wern
Verse: 816    den zins in soͤlicher mosse:

Verse: 817    ich muͦs im daz leben lassen
Verse: 818    oder er git mir sin huͦbt.

Verse: 819    die botschaft si iuch erluͦbt.'
Verse: 820    danan scheiden sy do

Verse: 821    trurig und unfro
Verse: 822    und fro, daz si komen dan

Verse: 823    von dem grimen man.



Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.