TITUS
Lamprecht, Alexander (Basler Bearbeitung)
Part No. 11
Previous part

Chapter: 15  
Bucephalus


Verse: 535     In der selben zit,
Verse: 536    des mir die gescrift urkunde git,

Verse: 537    ein fürst us Kabadocyen lant
Verse: 538    Pilipo ein ros sant.

Verse: 539    daz was ungezamt freislich
Verse: 540    wild und daz geschoͤfte wunderlich:

Verse: 541    es bies die liut und sluͦg;
Verse: 542    es was tuͦbhaft genuͦg;

Verse: 543    sin mul als ein essel was,
Verse: 544    vast uf geslagen sin nas;

Verse: 545    sin oren woren im lang,
Verse: 546    sin huͦbt mager und swach;

Verse: 547    sin oͮgen waren als ein bluͦt
Verse: 548    vor bescheidenheit wol behuͦt.

Verse: 549    es mocht löewen geslechtte sin:
Verse: 550    sin hals als ein loͤwin.

Verse: 551    uf dem ruken hat es rindes har,
Verse: 552    an den sitten sunderbar

Verse: 553    geschaffen als ein lechbart.
Verse: 554    es was mit issen gebunden:

Verse: 555    es dobt zuͦ allen stunden.
Verse: 556    für künig Pilipo ward es geleit.

Verse: 557    als er sach sin gelegenheit,
Verse: 558    er sprach 'Burzival es heissen sol.'

Verse: 559    der name geviel in allen wol.
Verse: 560    zuͦ im getorste nieman gan:

Verse: 561    wand wer die schulde hat getan,
Verse: 562    daz im verteilet was daz leben,

Verse: 563    der ward dem ros denne gegeben:
Verse: 564    wond es sin niut enspart,

Verse: 565    er wart von im zerzart.
Verse: 566    es woltte nur essen liut.

Verse: 567    wer im kam so nache iut
Verse: 568    daz es in mocht gevachen,

Verse: 569    des dot muͦst sich do nachen.



Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.