TITUS
Lamprecht, Alexander (Basler Bearbeitung)
Part No. 12
Previous part

Chapter: 15  
Alexander reitet Bucephalus und wird als Philipps Nachfolger prophezeit


Verse: 570     Da nach in kurczen tagen

Verse: 571    Pilipo begonden wissagen
Verse: 572    die goͤtter all gemein,

Verse: 573    daz in der weltte moͤnschs dehein
Verse: 574    daz selb ros soltte ritten

Verse: 575    und über schritten,
Verse: 576    denne der daz künkerich

Verse: 577    nach im besiczen soltte gewalttenklich
Verse: 578    und nach sinem dote ...

Verse: 579    solt wessen her.
Verse: 580    do der küng daz vernam,

Verse: 581    vil ser er sin erkam:
Verse: 582    ich enweis, ob es im lieb wer,

Verse: 583    oder ob es im brechtte swer.
Verse: 584    Alexander was us gewessen

Verse: 585    und was ein küng userlesen
Verse: 586    und an krefften niut las;

Verse: 587    uf zwenzig jor alt er was;
Verse: 588    do kam er wider hein

Verse: 589    und bedorfe meisterschaft enkein.
Verse: 590    er hat noch niut vernomen,

Verse: 591    wie daz ros dar was komen.
Verse: 592    eins tages fuͦgt sich daz,

Verse: 593    daz er uf dem palas sas,
Verse: 594    do hort er winhellen daz ros.

Verse: 595    zuͦ den sinen sprach er 'losa los,
Verse: 596    was schalles mag daz sin,

Verse: 597    daz so lut hilt in die oren min ?
Verse: 598    ob es ros oder leow tuͦt,

Verse: 599    des ist veriret mir min muͦt.'
Verse: 600    do sprach Potolomeus zuͦ dem kint

Verse: 601    'her, es ist ein ros geswind,
Verse: 602    daz mit unsitte lebet alle moll

Verse: 603    und ist geheissen Bucival,
Verse: 604    daz hat iuwer vatter in getan.

Verse: 605    kein stuͦt mag soͤlichs niut gehan,
Verse: 606    kein marschalk hat es in siner huͦt,

Verse: 607    wand es bisset übel und guͦt.
Verse: 608    here, ich dir niut vertagen,

Verse: 609    ein teil siner wis sagen:
Verse: 610    wer im kunt so nache

Verse: 611    daz es in mag gevahen,
Verse: 612    der wirt niut lenger gespart,

Verse: 613    er wird vil klein zerzart.'
Verse: 614    do Alexander daz vernan,

Verse: 615    vil balde er zuͦ dem stalle kan.
Verse: 616    er hies die knechte springen,

Verse: 617    die slüssel balde bringen.
Verse: 618    si begonden alle fliechen:

Verse: 619    si forchten daz er si hies her us ziehen;
Verse: 620    des er sy wol erlies. sy sprachen 'her, zürnen niut,

Verse: 621    wir kenen wol des ros sit:
Verse: 622    es lept niut als küen ein man,

Verse: 623    der zuͦ dem ros türe gan.'
Verse: 624    do er ir zagheit ersach,

Verse: 625    vor zorne die tür er brach,
Verse: 626    er det ir mit dem fuͦs ein stos,

Verse: 627    daz die türe in den stal schos.
Verse: 628    er hies sy alle hoͤcher stan,

Verse: 629    er wolt allein bin in gan.
Verse: 630    daz ros woltte gegen im varn;

Verse: 631    als es in begunde anstarn,
Verse: 632    von siner gesicht es erschrak,

Verse: 633    daz alle sin freidikeit gelag.
Verse: 634    es erzittret an der stund

Verse: 635    und wadlet mit dem swancz als ein hunt,
Verse: 636    es kniuwete vor im nider

Verse: 637    und det kein freidikeit sider.
Verse: 638    daz ros begond er streichen,

Verse: 639    daz nie man mocht erweichen
Verse: 640    und nie zuͦm an is kam

Verse: 641    ..............................
Verse: 642    gar kuntlich ward sin gedank,

Verse: 643    uf daz ros er sprang,
Verse: 644    er reit es us dem stal,

Verse: 645    daz duchtte sy wunder all.
Verse: 646    ein bot iltte dem kunge sagen

Verse: 647    und wolte niut vertagen.
Verse: 648    mit sinem gesind er gein im gie,

Verse: 649    sin hercz des gros früed enpfie.
Verse: 650    als Allexander daz vernam,

Verse: 651    daz der küng gegen im kam,
Verse: 652    vom rosse er do sprang und gieng.

Verse: 653    Vestyana in daz ros enpfieng,
Verse: 654    daz ward ze stund gezemet hie.

Verse: 655    sin vatter in wol enpfie,
Verse: 656    er sprach 'heil si dir, sun min,

Verse: 657    nach mir solt du küng sin.'



Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.