TITUS
Lamprecht, Alexander (Basler Bearbeitung)
Part No. 10
Previous part

Chapter: 18  
Alexander tötet Nectanabus


Verse: 437     Als küng Pilip ersach
Verse: 438    des kindes frümdikeit, er sprach

Verse: 439    'lieber sune min,
Verse: 440    mir ist lieb die kreffte din,

Verse: 441    doch eines dinges turet mich,
Verse: 442    daz du mir niena bist gelich.'

Verse: 443    do Ollipya erhort
Verse: 444    ... disse wort,

Verse: 445    sy hies balde springen,
Verse: 446    Nektanibus heimlich bringen.

Verse: 447    als er nun komen was,
Verse: 448    zuͦ im sprach Ollipyas

Verse: 449    'meister, ich han gesant nach dir,
Verse: 450    daz du erfindest, lieber, mir,

Verse: 451    was nun der küng, min her, hab
Verse: 452    gedacht mit einer rede: do der knab

Verse: 453    Alexander vor im gieng,
Verse: 454    den er lieplich umb vieng,

Verse: 455    er sprach 'ich mine die kreffte din
Verse: 456    und hasse daz niut bist gelich der fruͦwen min.'

Verse: 457    als Nektanibus daz erhort,
Verse: 458    der küngin forcht er zerstort.

Verse: 459    'Ollipya, du solt früede tragen,
Verse: 460    ich wil dir sicherlichen sagen,

Verse: 461    daz guͦt sind die gedenk sin
Verse: 462    gen dir und dem kindelin.'

Verse: 463    an der selben stund
Verse: 464    Nektanibus begund

Verse: 465    eins sternen war nemen,
Verse: 466    der im wol begonde zemen.

Verse: 467    er sprach 'ich sich an dem stern
Verse: 468    daz und dem kind müessen mern

Verse: 469    aller einer selikeit.'
Verse: 470    nun stund der knab gemeit,

Verse: 471    Alexander, by in da;
Verse: 472    er sprach 'vatter min, la

Verse: 473    mich wissen, macht du gesehen
Verse: 474    an den sternen, was dir sol geschehen ?'

Verse: 475    'ja, vil liebes kint, wol.'
Verse: 476    'vatter, so weist du oͮch wol,

Verse: 477    wie din dot sol geschehen?'
Verse: 478    'ja, das wil ich dir verjhehen:

Verse: 479    ich stirb von dem eigen kint min.'
Verse: 480    'das mag anders niut gesin,

Verse: 481    vatter?' 'bis an allen wan.'
Verse: 482    'der kunst wolt ich gerne künde han.'

Verse: 483    Nektanibus sprach aber do
Verse: 484    'des bin ich an dir vil fro:

Verse: 485    so gang ze nacht mit mir,
Verse: 486    was ich sich, daz züeg ich dir.'

Verse: 487    nun giengen si vil trat
Verse: 488    des nachtes mit enander spat.

Verse: 489    Nektanibus vor gieng
Verse: 490    uf dem graben, der do vieng

Verse: 491    umb die selbi statt guͦt.
Verse: 492    er sprach mit wisem muͦt

Verse: 493    'Allexander, kint min,
Verse: 494    sich an der sternen schin,

Verse: 495    sich, wie trureklichen stat
Verse: 496    Hercules, und früede hat

Verse: 497    Mercurjus, der liechtte stern.
Verse: 498    Jovis stot oͮch, des wil ich wern,

Verse: 499    in ganczer früeden prise.'
Verse: 500    do also der wisse

Verse: 501    über sich ze himel sach,
Verse: 502    Alexander schuͦf im ungemach:

Verse: 503    er sties in in den tieffen graben.
Verse: 504    'du alter schalk, daz solt du haben,

Verse: 505    daz [du] wissen wilt so wol
Verse: 506    am himel, was geschehen sol.'

Verse: 507    Nektanibus sprach,
Verse: 508    do im geschach daz ungemach

Verse: 509    'kint, wiltu der worheit jhehen,
Verse: 510    ich seit dirs, als es ist beschehen:

Verse: 511    jch stirb von minem kind.'
Verse: 512    Alexander, der geswind,

Verse: 513    sprach 'bin ich denn der sunne din?'
Verse: 514    'ja, daz hab uf die triuwe min.'

Verse: 515    hie mit nam er sin ende.
Verse: 516    nach disser missewende

Verse: 517    Alexander kam in riuwe;
Verse: 518    er gedacht an vetterliche triuwe

Verse: 519    und nam in an den arm sin;
Verse: 520    er truͦg in für die küngin.

Verse: 521    als in Ollipya ersach
Verse: 522    erschrokenlich sy sprach

Verse: 523    'was treist du, lieber sun min?'
Verse: 524    'Nektanibo, den meister din.'

Verse: 525    'we mir' sprach Olinpyas
Verse: 526    'er din rechtter vatter was.'

Verse: 527    die red was Allexander leit.
Verse: 528    er sprach 'frouw, ivwer tumpheit,

Verse: 529    hand ir gevolget sere
Verse: 530    wider iuch und iuwer ere.'

Verse: 531    ze der rede kuͦnd sy stil getagen.
Verse: 532    do hies si Nektanibum tragen,

Verse: 533    die vil leide ...
Verse: 534    da er begraben wurd.





Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.