TITUS
Notker, Psalter
Part No. 125
Previous part

Chapter: 125  

p. 491    

Line: 7     CANTICVM GRADVVM . facti sumvs sicut consolati .

Line: 8     CVM CONVERTIT DOMINVS CAPTIVITATEM SYON .

Line: 9     Dô Got peuuánta daz éllende syon . do uuurden

Line: 10     uuir samo so getrôstet . Vuir uuurden ge-éllendot

Line: 11     fone unseren súndon . unde irlôset mit christes pluô\te .

Line: 12     unde birn uuir samo so getrôstet . uuanda uuir noh hiêr uuêi\nonde

Line: 13     dára gedingên ze stîginne . dâr uuir folle-trôstet uuérdên .

Line: 14     Daz ist in resurrectione iustorum . Tunc repletum est gaudio os

Line: 15     nostrum . et lingua nostra exultatione . Do uuard fol mendi unde fréuui

Line: 16     únsêr munt . unde únsêr zúnga . Daz herza hábet sînen munt

Line: 17     unde sîna zungun . fóne diên ist iz kespróchen . Tunc dicent in\ter

Line: 18     gentes . °magnificauit dominus facere nobiscum . facti sumus iocun\dati .

Line: 19     Danne chedent sie under diêtin . trúhten gechréftigôta

Line: 20     sin tuôn mit uns . uuir bin geuuúnnesamot . Vuanda er nu chît

Line: 21     in futuro dicent . fone diu sint ouh pręterita . conuertit . unde re\pletum

Line: 22     est . diu er fore spráh . in futuro ze firnémenne . In prophe\tiis

Line: 23     ist so getân gechôse émizîg . Nû ist daz zit . daz uuir cheden

Line: 24     suln . MAGNIFICAVIT DOMINVS FACERE NOBISCVM . uuanda

Line: 25     uuir hábeton getân ubelo uns selben . do cham aber Gotes sun

Line: 26     unde teta uns daz chréftigosta . daz er sih selben gab umbe unsih .


p. 492    

Page: 492  
Line: 1     Conuerte domine captiuitatem nostram . sicut torrentes in austro . Dô diz

Line: 2     keuuîzegot uuard in uerbis pręteriti temporis . noh dô uuas iz

Line: 3     chúmftîg . pediu betôt er daz iz uuerde . alsus . Peuuénde truhten

Line: 4     únsera geéllendôti . also die chlínga beuuendet uuerdent in de\mo

Line: 5     súnt-uuínde . Diê chlínga sint uuínteres pefróren . so der uuár\mo

Line: 6     uuint chúmet . so smilzet daz îs . unde loûfent danne diê

Line: 7     chlínga . Also uuâren uuir erfróren in diên sundon . unz der

Line: 8     uuint chám spiritus sancti . unde únsere sunda ze-liêz . unde unsih téta

Line: 9     loûfen ad patriam . Vuanda daz mit lacrimis uuerden sol . déro

Line: 10     geheîzzet er uns ouh trost . sus chedendo . Qui seminant in la\crimis .

Line: 11     in gaudio metent . Die mit trânen sâhent . die árnont mit

Line: 12     mendi . Diê hiêr sâhent elemosinam . unde bona opera . die arnont .

Line: 13     so sie uitam ęternam ze lône inphâhent . Euntes ibant et flebant

Line: 14     mittentes semina sua . Venientes autem uenient cum exultatione

Line: 15     portantes manipulos suos . Siê fárent uueinonde unz sîe sâheNT .

Line: 16     sie choment aber fróuue mit íro garbôn . so sîe arnont . V́be siê

Line: 17     hiêr uueînont . sie uuerdent is aber ergézzet . so sie inphâhent

Line: 18     coronam uitę .

Next part


This text is part of the TITUS edition of Notker, Psalter.

Copyright TITUS Project, Frankfurt a/M, 15.10.2021. No parts of this document may be republished in any form without prior permission by the copyright holder.