TITUS
Notker, Psalter
Part No. 24
Previous part

Chapter: 24  

p. 73    

   IN FINEM PSALMVS IPSI DAVID .

Gloss line: 5        ^1stimma~1 ^2iê-uueles~2 ^3christânis~3
Line: 5     AD TE DOMINE ^1Uox~1 ^2uniuscuiusque~2 ^3fidelis~3 .

Line: 6     LEVAVI ANIMAM MEAM . Ze dir truhten huôb

Line: 7     ih ûf mina sêla . fóne írdischen gíredon ze gêist\líchen .

Line: 8     Deus meus in te confido non erubescam . Got mîn . an díh ke\trúuuen

Line: 9     ih . unde ne-scámo mih . uuanda ih mir selbemo getrú\endo

Line: 10     ze scámon uuárd . unde mih fóne diên scúlden . daz ih Got

Line: 11     uuolta uuerden . ioh êin uuúrmeli irsterbin mag . dannan ist

Line: 12     mir dir ze getrúenne . unde únscameg ze uuérdenne . Neque irri\deant

Line: 13     me inimici mei . Noh mîne fîenda ne-huôen min . Etenim

Line: 14     uniuersi qui sustinent te non confundentur . Alle diê dîn bîtent .

Line: 15     die ne-uuerdent ke-schendet . Confundantur iniqui facientes uana .

Line: 16     Ke-schéndet muôzzin uuérden unréhte . úmbederbe tuônte . Vias

Line: 17     tuas domine demonstra mihi . et semitas tuas doce me . Dîne uuéga

Line: 18     diê gréhten zêige mir . unde dîniu smálen phád . kelêre mih kân .

Line: 19     nals den brêiten uueg . der ze hello lêitet . Dirige me in ueritate

Line: 20     tua . et doce me . In dînero uuarhêite geríhte mih . unde lêre mih .

Gloss line: 21        ^1lugin~1
Line: 21     uuanda ih fone mir selbemo ecchert ^1mendacium~1 uuêiz . Quoniam

Line: 22     tu es deus saluator meus . et te sustinui tota die . Vuanda du bist

Line: 23     Got . mîn haltâre . unde din bêit ih . alla diê frist dirro uuerlte .

Line: 24     unz du mih uzer paradyso ferstôzenen uuídere lêittest . Remi\niscere

Line: 25     miserationum tuarum domine . Irhúge dînero irbármidon . uuan\da

Line: 26     ménnischen uuânent daz íro irgézzen sî . Et misericordiarum tu\arum


p. 74    

Page: 74  
Line: 1     quę a sęculo sunt . Vnde irhúge dinero ármehérzinôn . diê fóne

Line: 2     êrist uuérlte iêo uuâren . unde dû siê iêo schêindost . Delicta

Line: 3     iuuentutis meę . et ignorantię meę ne memineris . Die míssetate

Line: 4     mînero iugende unde minero unuuizzenthêite ne-hábe dû

Line: 5     in gehuhte . Secundum misericordiam tuam memento mei tu . Irhuge du mîn

Line: 6     nah dînero gnâdo . diû dir gerîset . nals nah déro abolgi diê

Line: 7     ih kefrêhtot hábo . Propter bonitatem tuam domine . Vmbe dîna guôti

Line: 8     truhten . uuanda ih kuôte frêhte ne-hábo . Dulcis et rectus dominus .

Line: 9     Suôzer unde gerehter ist unser truhten . Suôze . uuanda er fúre

Line: 10     fángot diê ménnischen mit gnâdon . aber greht . uuanda er

Line: 11     die fertîligot . die ímo des ne-dánchont . Propter hoc legem statu\it

Gloss line: 12        ^1suôzer~1 ^2grehter~2
Line: 12     delinquentibus in uia . Vuanda er ^1dulcis~1 unde ^2rectus~2 ist . umbe

Line: 13     daz fânt er êa . diû si rihti ze uuége . Diriget mites in iudicio .

Line: 14     Er geríhtet die mámenden in sînero urtêildo . Er gíbet in_dâr

Gloss line: 15        ^1stât-rihti .~1
Line: 15     sólchen ^1ordinem~1 . daz sie fúrder firuuórren ne-uuérdent . Do\cebit

Line: 16     mansuetos uias suas . Er lêret diê zámen sîne uuéga . diê sîn

Line: 17     ioh trágen uuéllen . Vniuersę uię domini misericordię et ueritas . Alle sî\ne

Line: 18     uuéga . diê er siê lêret . sint gnâda unde uuarhêit . Déro sint ze\uuêne .

Line: 19     Án_demo eînen cham er iu . an_démo ánderen sól er

Line: 20     noh chómen . Also in_dô téta gnâda ze fergébenne placabilem .

Line: 21     daz chît holdlîchen . so tuôt ín nóh uuârheit ze irtêilenne in\corruptum .

Line: 22     daz chît únferméreten . Requirentibus testamen\tum

Line: 23     eius . et testimonia eivs . Er lêret sîne uuéga . unde tuôt siê óf\fen

Line: 24     diên . diê sina benêimeda suôchent unde sîniu úrchunde .

Gloss line: 25        ^1mámminte~1 ^2záme~2 ^3niûuua~3 ^4êa~4
Line: 25     Also ^1mites~1 tuônt unde ^2mansueti~2 . die ^3nouum~3 ^4testamentum~4 unde

Gloss line: 26       ^1uuort~1 ^2uuizigon~2
Line: 26     ^1uerba~1 ^2prophetarum~2 scródont . Ze RÔMO uuas síto . daz die fór\deren


p. 75    

Page: 75  
Gloss line: 1       ^1uuahs-tablo~1
Line: 1     hiêzen ^1in tabulis~1 al gescrîben . daz sie beneîmdon íro áfter\chómon .

Gloss line: 2        ^1urchundin~1
Line: 2     unde uuanda íro ^1testes~1 dar ána gescríben uuâren . be

Gloss line: 3        ^1urchunde~1 ^2glichnisso~2
Line: 3     dîu hiêz diû scríft ^1testamentum~1 . Ze déro ^2similitudine~2 hêizet

Gloss line: 4        ^1êa~1 ^2alt~2 ^3êa~3
Line: 4     diû ^1lex~1 . diêa Got diên alten benêimda ^2uetus~2 ^3testamentum~3 . unde

Gloss line: 5        ^1niûuue~1 ^2êa~2
Line: 5     diâ er uns benêimda ^1nouum~1 ^2testamentum~2 . Propter nomen tuum

Line: 6     domine propitiaberis peccato meo . multum est enim . Vmbe dînen ná\men

Line: 7     uuanda dû háltâre heîzest . lîbest dû truhten mînen sun\don .

Line: 8     iro ist fílo . Sie uuáhsent tágolîches . bediû ist íro fílo .

Line: 9     Quis est homo qui timeat dominum? Vuer menniscon ist der Got furhte?

Line: 10     Legem statuit ei in uia quam elegit . Démo hábet ér êa gesezzet . an

Gloss line: 11        ^1benêimido~1 ^2hêiligi~2
Line: 11     démo uuége . daz chît an démo ^1proposito~1 ^2sanctitatis~2 . daz er durch

Line: 12     sîna fórhtun eruuéleta . Anima eius in bonis demorabitur .

Gloss line: 13        ^1sin~1 ^2uuerch~2
Line: 13     Sin sêla uuónet in liêbe . Et semen eius idest ^2opus~2 ^1eius~1 . hereditabit

Gloss line: 14        ^1in~1\ ^2unfermerid~2
Line: 14     terram . Vnde sin uuerch érbet dén irstánden lîchamen ^1in~1 ^2in\corruptione~2 .

Line: 15     Firmamentum est dominus timentibus eum . Truhten ist fe\stenunga

Line: 16     diên . diê in fúrhten . Mennischon forhta machot

Gloss line: 17        ^1plúchêit unde uírchúnst~1
Line: 17     únbaldi . diu ^1diffidentia~1 heîzzet . aber Gotes

Line: 18     forhta féstinot daz muôt . Et testamentum ipsius ut manifestetur

Line: 19     illis . Vnde er tuôt . daz ín geóffenot uuérde sin êa . diê er in

Line: 20     benêimda . Oculi mei semper ad dominum . quoniam ipse euellet de laqueo

Line: 21     pedes meos . Mîniu ougen sêhent iêo ze Góte uuanda er lôset

Line: 22     mîne fuôzze ûzer demo strícche . An dén ih siêho . der lôset

Line: 23     mih . Respice in me . et miserere mei . quoniam unicus et pauper sum ego .

Line: 24     Sih an mih . an dînen christianum populum . unde habe min irbarme\da

Gloss line: 25        ^1under~1
Line: 25      . uuanda ih dîn êinigo bin . rehta gelôuba beháltendo ^1inter~1

Gloss line: 26       ^2manigen~2 ^3gelôub-írron~3
Line: 26     ^2multas~2 ^3hereses~3 . unde dîn armo . ne-hêina uuérltkíreda hábendo .


p. 76    

Page: 76  
Line: 1     Tribulationes cordis mei multiplicatę sunt . Manigfalte bîna sint

Gloss line: 2        ^1úber-sueîfigemo~1 ^2únrehte~2 ^3cháltentiro~3
Line: 2     mînes herzen . fóne ^1abundante~1 ^2iniquitate~2 . ^3unde refrigescente~3

Gloss line: 3       ^1minno~1
Line: 3     ^1caritate~1 . De necessitatibus meis eripe me . Vuanda ih diê nôte lî\do .

Line: 4     fóne diên lôse mih . Vide humilitatem meam et laborem meum . Sih

Line: 5     ána mîna diemûoti . uuîe unferrûomet ih pin . unde sih mîna

Gloss line: 6        ^1únzuhtige~1
Line: 6     árbeit . diu mir ána líget ándere fertrágendo . die ^1indisciplina\ti~1

Line: 7     sáment mir sint . Et dimitte omnia peccata mea . Vnde mit dé\mo

Gloss line: 8        ^1óphere~1
Line: 8     ^1sacrificio~1 gehúlther . fergíb mir mîne súnda alle . Respice

Line: 9     inimicos meos quoniam multiplicati sunt . Sih an_mîne fíenda . unde ne\lâz

Line: 10     sîe ferlóren uuerden . uuanda íro mánige sint . unde ih íro

Line: 11     déste uuírseren trôst háben mag . Et odio iniquo oderunt me . Vn\de

Line: 12     sih . daz siê mih pe únrehto házzeton . uuánda ih siê mín\nota .

Line: 13     unde bediû gehôre mih . Custodi animam meam et erue me .

Line: 14     Behuôte mîna sêla . daz sî ín gelîh ne-sî . unde lôse mih . fone íro

Gloss line: 15        ^1férulóhtini~1
Line: 15     feruuúndeni diû ^1perplexitas~1 hêizet . in déro ôuh ih háften .

Line: 16     uuanda ih sáment ín uuírbo . Ne confundar quoniam inuocoui te .

Line: 17     Ne-lâz mih scámeg uuérden . uuanda ih dih ze helfo bat . unde ih

Line: 18     dir getrúeta . nals mir sélbemo . Innocentes et recti adheserunt mi\hi .

Gloss line: 19        ^1unrehte~1
Line: 19     Vnsúndige unde gréhte haftent ze mir . nals niêht so ^1iniqui~1 .

Line: 20     diê oûh sáment mir uuerbent . núbe íro herzen sint sáment

Line: 21     mir . Quoniam sustinui te . Vuanda ih hína nefiêng . ze diên úbelen .

Gloss line: 22        ^1uuánnoth~1
Line: 22     unde ih dîn bêit . unz dîn ^1uentilatio~1 chóme . diû diû spriûuuer

Line: 23     hína uuánnot . Libera deus israhel ex omnibus tribulationibus suis .

Gloss line: 24        ^1noh uuenno~1
Line: 24     Lôse Got den liût . den dû dih lâzest ke-sêhen ^1in futuro~1 . fóne allen

Line: 25     sînen bînon diê er lîdet . nîeht êin ûzuuert nube ouh ínuuert .

Next part


This text is part of the TITUS edition of Notker, Psalter.

Copyright TITUS Project, Frankfurt a/M, 15.10.2021. No parts of this document may be republished in any form without prior permission by the copyright holder.