TITUS
Biblia Udica, Versio Nizhensis: Vetus Testamentum
Part No. 315
Previous part

Chapter: 4 
Buxaʒ́uġoy üḳ boḳospsuna aḳi Ionay äǯuġon biq̇sun
Buxačuğoy ük' bok'ospsuna ak'i İonay əcuğon biq'sun


Verse: 1    Ionay isä me äšur sal xošel tene hari, šoṭay äǯoġone biq̇i.
   İonay isə me əşur sal xoşel tene hari, şot'ay əcoğone biq'i.

Verse: 2    Afərəpi Q̣ONƷ́UĠO metäre pi: "Ay Q̣ONƷ́UX, zu hälä bez oćalin boš bakaṭan me äšlin metär čarḳsuna avazuy! Šoṭo göräz Taršiša ṭiṭeri. Avazuy, Hun üḳ boḳosṗal, gele säbürlu, čuresun gele bakala Buxaʒ́uxnu, bälä yaq̇absunal Vi kul tene taġal! *
   Afırıpi Q'ONČUĞO metəre pi: "Ay Q'ONČUX, zu hələ bez oç̌alin boş bakat'an me əşlin metər çark'suna avazuy! Şot'o görəz Tarşişa t'it'eri. Avazuy, Hun ük' bok'osp'al, gele səbürlu, çuresun gele bakala Buxačuxnu, bələ yaq'absunal Vi kul tene tağal! *

Verse: 3    Isä haq̇a bez elmoġo, ay Q̣ONƷ́UX! Zaynaḳ ene mansṭaxunsa bisun šaaṭe".
   İsə haq'a bez elmoğo, ay Q'ONČUX! Zaynak' ene manst'axunsa bisun şaat'e".

Verse: 4    Q̣ONƷ́UĠON isä xavare haq̇i: "Va gelene lafṭi me äš?"
   Q'ONČUĞON isə xavare haq'i: "Va gelene laft'i me əş?"

Verse: 5    Ionan šähärin bel ḳä eysuna tamašabsune čuresay, šoṭo göräl šähärexun č̣eri be͑ġ č̣eġalač ičeynaḳ sa täräž düzbi šoṭay xožina areci.
   İonan şəhərin bel k'ə eysuna tamaşabsune çuresay, şot'o görəl şəhərexun c'eri běğ c'eğalaç içeynak' sa tərəj düzbi şot'ay xojina areśi.

Verse: 6    Q̣ONƷ́UX Buxaʒ́uġon isä ṭetäre bi ki, düz Ionay besṭa sa xode eq̇eci. Šo kalabaki xožine saḳi, Ionaynaḳ särinluġ ečeri šoṭo eġariġoxune q̇oriši. Ional me xoda görä gelene mu͑qbaki.
   Q'ONČUX Buxačuğon isə t'etəre bi ki, düz İonay best'a sa xode eq'eśi. Şo kalabaki xojine sak'i, İonaynak' sərinluğ eçeri şot'o eğariğoxune q'orişi. İonal me xoda görə gelene mǔqbaki.

Verse: 7    Äyč̣indäri išiġ bitaṭan isä Q̣ONƷ́UĠON me xodin tumeynaḳ sa meqe yaq̇abi. Meq̇en xoda tumexun ḳac̣epi, šoval šerenebaki.
   Əyc'indəri işiğ bitat'an isə Q'ONČUĞON me xodin tumeynak' sa meqe yaq'abi. Meq'en xoda tumexun k'as'epi, şoval şerenebaki.

Verse: 8    Beġ e͑qeciṭuxun oša, Buxaʒ́uġon beġ č̣eġala täräfäxun eġala gam muše yaq̇abi, be͑ġenal Ionay bula ṭetäre ǯärdi ki, tamam halnuxune biti. Bisun čureci metäre pi: "Mansṭaxunsa biyayiz šo šaate".
   Beğ ěqeśit'uxun oşa, Buxačuğon beğ c'eğala tərəfəxun eğala gam muşe yaq'abi, běğenal İonay bula t'etəre cərdi ki, tamam halnuxune biti. Bisun çureśi metəre pi: "Manst'axunsa biyayiz şo şaate".

Verse: 9    Buxaʒ́uġon Ioanaxun xavare haq̇i: "Me xode därden metär äǯoġon biq̇suna lafesṭa?" Ionanal "hoo, lafesṭa, häysä zaynaḳ bisun moṭoxun šaaṭe!" pine.
   Buxačuğon İoanaxun xavare haq'i: "Me xode dərden metər əcoğon biq'suna lafest'a?" İonanal "hoo, lafest'a, həysə zaynak' bisun mot'oxun şaat'e!" pine.

Verse: 10    Ṭe vädä Q̣ONƷ́UĠON metäre ǯoġab tadi: "Sa xodeynaḳ vi üḳe boḳsa - vi nu kalabi, iz loxol äzyät nu aḳi, sa ġiin boš kalabaki ošin ġineyal q̇aribaki sa xodeynaḳ!
   T'e vədə Q'ONČUĞON metəre coğab tadi: "Sa xodeynak' vi ük'e bok'sa - vi nu kalabi, iz loxol əzyət nu ak'i, sa ğiin boş kalabaki oşin ğineyal q'aribaki sa xodeynak'!

Verse: 11    P̣oy Bez üḳ hetär maq̇an boḳi Ninevaynaḳ? Sabać q̇a hazar tanaxun gele iz yaq̇a aćesṗi amdar, sahäkätal heyvan bakala ṭe kala šähäreynaḳ bez üḳ hetär maq̇an boḳi?"
   P'oy Bez ük' hetər maq'an bok'i Ninevaynak'? Sabaç̌ q'a hazar tanaxun gele iz yaq'a aç̌esp'i amdar, sahəkətal heyvan bakala t'e kala şəhəreynak' bez ük' hetər maq'an bok'i?"



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.