TITUS
Biblia Udica, Versio Nizhensis: Vetus Testamentum
Part No. 314
Previous part

Chapter: 3 
Ionay Ninevina taysun q̇a ninevaluġoy toobabsun
İonay Ninevina taysun q'a ninevaluğoy toobabsun


Verse: 1    Q̣ONƷ́UĠON Ionaynaḳ ṗä͑mǯi kärämäl Iz äyitä ṗaṗesebi.
   Q'ONČUĞON İonaynak' p'ə̌mci kərəməl İz əyitə p'ap'esebi.

Verse: 2    "Hayza, Ninevina taki! Ṭe kala šähäre Bezi va piṭoġo ǯar ḳalṗi bayanba!"
   "Hayza, Ninevina taki! T'e kala şəhəre Bezi va pit'oğo car k'alp'i bayanba!"

Verse: 3    Ional hayzeri Q̣ONƷ́UĠOY äyiten Ninevina yaq̇ane bafṭi. Nineva isä kala šähärey, šoṭay sa belxun baci ṭe belxun č̣eyseynaḳ xib ġiney lazəm.
   İonal hayzeri Q'ONČUĞOY əyiten Ninevina yaq'ane baft'i. Nineva isə kala şəhərey, şot'ay sa belxun baśi t'e belxun c'eyseynak' xib ğiney lazım.

Verse: 4    Ama Ionay hälä süftin ġine šähäre baci "Nineva q̇ərx ġinaxun oša oćalen sa bakale!" upsun bäsebaki.
   Ama İonay hələ süftin ğine şəhəre baśi "Nineva q'ırx ğinaxun oşa oç̌alen sa bakale!" upsun bəsebaki.

Verse: 5    Ninevaluyox Buxaʒ́uġo ve͑ṭunbaki, *ġurux efi busaṭun čurpi. Kala-mic̣ik, bitoṭin čul lapi ičoġoy heq̇ädär pe͑śman baksunaṭun aḳesṭi.
   Ninevaluyox Buxačuğo vět'unbaki, *ğurux efi busat'un çurpi. Kala-mis'ik, bitot'in çul lapi içoğoy heq'ədər pěšman baksunat'un ak'est'i.

Verse: 6    Me exlät taci Ninevin padčaġi u͑mo͑ġo͑ ṗaṗaṭan šo iz taxte loxolxune hayzeri, šoṭinal iz padčaġi paltara č̣evḳi čul lapi žeq̇e boše arci. *
   Me exlət taśi Ninevin padçaği ǔmǒğǒ p'ap'at'an şo iz taxte loxolxune hayzeri, şot'inal iz padçaği paltara c'evk'i çul lapi jeq'e boşe arśi. *

Verse: 7    Izi c̣iyen ämir č̣evḳi bayanbesedi: "Barta šuḳkalen iz źomo nä ukun, nä u͑ġu͑n maq̇an duġi. Barta heyvanxoval nä oṭṭaġa, nääl xe u͑ġsa maq̇aṭun tašeri.
   İzi s'iyen əmir c'evk'i bayanbesedi: "Barta şuk'kalen iz ǰomo nə ukun, nə ǔğǔn maq'an duği. Barta heyvanxoval nə ot't'ağa, nəəl xe ǔğsa maq'at'un taşeri.

Verse: 8    Barta amdarxon ičoġoy loxol čul lapi, ičoġoy eġel beliġoy loxolal čul lapesṭi üše-ġena Buxaʒ́uġoq̇aṭun ḳalpi. Pis yaq̇en taġalo, šär äš biq̇alo iz ämälxoxun kul haq̇eq̇an!
   Barta amdarxon içoğoy loxol çul lapi, içoğoy eğel beliğoy loxolal çul lapest'i üşe-ğena Buxačuğoq'at'un k'alpi. Pis yaq'en tağalo, şər əş biq'alo iz əməlxoxun kul haq'eq'an!

Verse: 9    Avabakes tenebakon, bärkä ṭe vädä Q̣ONƷ́UĠON yax goroxe hari, Izi boḳosṗi cikala äǯoġo baskesṭi yax tene äfčibi".
   Avabakes tenebakon, bərkə t'e vədə Q'ONČUĞON yax goroxe hari, İzi bok'osp'i śikala əcoğo baskest'i yax tene əfçibi".

Verse: 10    Ṭe vädä Buxaʒ́uġon šoṭoġoy me biṭoġo, ičoġoy pis yaq̇axun č̣eri *toobabsuna aneḳi. Šoṭoġo gorox hariyal yaq̇absun čureġala bälinä tene yaq̇abi.
   T'e vədə Buxačuğon şot'oğoy me bit'oğo, içoğoy pis yaq'axun c'eri *toobabsuna anek'i. Şot'oğo gorox hariyal yaq'absun çureğala bəlinə tene yaq'abi.



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.