TITUS
Biblia Udica, Versio Nizhensis: Vetus Testamentum
Part No. 313
Previous part

Chapter: 2 
Ionay afərə
İonay afırı


Verse: 1    Ionan čälin tapanexun iz Buxaʒ́ux bakala Q̣ONƷ́UĠO ḳalpi metäre afərəpi:
   İonan çəlin tapanexun iz Buxačux bakala Q'ONČUĞO k'alpi metəre afırıpi:

Verse: 2    "Bez ṭar ġine Q̣ONƷ́UĠOZ ḳalpi zu,
   "Bez t'ar ğine Q'ONČUĞOZ k'alpi zu,
   Šoṭinal za ǯoġabe tadi.
   Şot'inal za coğabe tadi.
   Ṭe dünyäni bayinq̇luġaxunez haraypi,
   T'e dünyəni bayinq'luğaxunez haraypi,
   Hunal za inbaki.
   Hunal za inbaki.

Verse: 3    Bä͑ġä͑loyluġxon badi Hun za,
   Bə̌ğə̌loyluğxon badi Hun za,
   Dänizi tumaz aḳi.
   Dənizi tumaz ak'i.
   Xenene tašeri za,
   Xenene taşeri za,
   Bito Vi läpoox, Vi dalġooxe
   Bito Vi ləpoox, Vi dalğooxe
   Hari bez loxolxun č̣ovaki.
   Hari bez loxolxun c'ovaki.

Verse: 4    Fikirezbi ki, bisti zu Vi piyexun, ama tää!
   Fikirezbi ki, bisti zu Vi piyexun, ama təə!
   Aḳoz zu hälä Vi ə͑vel *xrama, bul ḳoc̣ṗoz ṭiya!
   Ak'oz zu hələ Vi ı̌vel *xrama, bul k'os'p'oz t'iya!

Verse: 5    Xenen za q̇uč̣epi,
   Xenen za q'uc'epi,
   Zapi tanešeri za.
   Zapi taneşeri za.
   Dänizi ile bez bel läč̣ureci.
   Dənizi ile bez bel ləc'ureśi.

Verse: 6    Xene oq̇az taci, buruxmoġoy tumaz aḳi zu,
   Xene oq'az taśi, buruxmoğoy tumaz ak'i zu,
   Išiġ bitala gane hämišäluġ buṭeci bez bać̣anexun!
   İşiğ bitala gane həmişəluğ but'eśi bez bač'anexun!
   Ama Hun, ay bez Buxaʒ́ux bakala Q̣ONƷ́UX,
   Ama Hun, ay bez Buxačux bakala Q'ONČUX,
   Za čarkesendi, za ṭe dünyänexunen zapi č̣evḳi!
   Za çarkesendi, za t'e dünyənexunen zapi c'evk'i!

Verse: 7    Bez elmux bez bošṭan č̣eġaṭan,
   Bez elmux bez boşt'an c'eğat'an,
   Q̣ONƷ́UĠOZ eyex badi zu,
   Q'ONČUĞOZ eyex badi zu,
   Bez afərəyal hari Va,
   Bez afırıyal hari Va,
   Vi ə͑vel *xrama ṗaneṗi.
   Vi ı̌vel *xrama p'anep'i.

Verse: 8    Äfči buxaʒ́uxxo bul ḳoc̣balṭoġoy
   Əfçi buxačuxxo bul k'os'balt'oğoy
   Šaaṭluġi ḳä baksunaxun xavar butene!
   Şaat'luği k'ə baksunaxun xavar butene!

Verse: 9    Ama zu Vi c̣iya alabala mä͑ġur mä͑gbsun
   Ama zu Vi s'iya alabala mə̌ğur mə̌gbsun
   Vaynaḳ qurbanxo ečoz!
   Vaynak' qurbanxo eçoz!
   Bez elasṗi niyätṗiṭoġo bitova bex ṗaṗesṗoz.
   Bez elasp'i niyətp'it'oğo bitova bex p'ap'esp'oz.
   Čarkesun Vaxune eysa, ay Q̣ONƷ́UX!"
   Çarkesun Vaxune eysa, ay Q'ONČUX!"

Verse: 10    Ṭe vädä Q̣ONƷ́UĠON ṭe kala čälinä bürüšebi, šoṭinal Iona izi źomoxun qaydi q̇ariluġane boseri.
   T'e vədə Q'ONČUĞON t'e kala çəlinə bürüşebi, şot'inal İona izi ǰomoxun qaydi q'ariluğane boseri.



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.