TITUS
Biblia Udica, Versio Nizhensis: Vetus Testamentum
Part No. 310
Previous part

Chapter: 30 

Aguri müdrik äyitmux
Aguri müdrik əyitmux


Verse: 1    Yaḳe ġare Aguri exlätxo, šoṭay äyitmux.
   Yak'e ğare Aguri exlətxo, şot'ay əyitmux.
    Me amdaren Yeṭuela, Yeṭuela saal Uḳala metäre pi: *
    Me amdaren Yet'uela, Yet'uela saal Uk'ala metəre pi: *

Verse: 2    Düzäl, zu bitoṭuxun haq̇əlsuzzu,
   Düzəl, zu bitot'uxun haq'ılsuzzu,
    Amdari q̇amišaksun zasṭa butene.
    Amdari q'amişaksun zast'a butene.

Verse: 3    Müdrikluġa tez zombake,
   Müdrikluğa tez zombake,
    Nääl ω͑vel Bakalṭay barada sa avabaksun tezax bu.
    Nəəl Ǐvel Bakalt'ay barada sa avabaksun tezax bu.

Verse: 4    Šuva göynul laci cire?
   Şuva göynul laśi śire?
    Šina muša iz kiyel toṗṗe?
    Şina muşa iz kiyel top'p'e?
    Šina xena iz paltari boš bäč̣ürṗe?
    Şina xena iz paltari boş bəc'ürp'e?
    Oćali ćo čarḳamin här ganu šina yaratmiše?
    Oç̌ali ç̌o çark'amin hər ganu şina yaratmişe?
    Šoṭay c̣i hiḳä? Iz ġare c̣i hiḳä?
    Şot'ay s'i hik'ə? İz ğare s'i hik'ə?
    Avanu? Avanusa, upa!
    Avanu? Avanusa, upa!

Verse: 5    Buxaʒ́uġoy äyitäsṭa särf butene, šo tämize,
   Buxačuğoy əyitəst'a sərf butene, şo təmize,
    Šoṭay ṭo͑ġo͑l eġalṭoġoynaḳ bać̣an Šone.
    Şot'ay t'ǒğǒl eğalt'oğoynak' bač'an Şone.

Verse: 6    Šoṭay pi äyitä hiḳḳal avuzmaba,
   Şot'ay pi əyitə hik'k'al avuzmaba,
    Tenesa, va töhmätebon, vi äfčinä ćoyele č̣eveḳon.
    Tenesa, va töhmətebon, vi əfçinə ç̌oyele c'evek'on.

Verse: 7    Ay Buxaʒ́ux, Vaxun ṗä͑ šeyez čuresa,
   Ay Buxačux, Vaxun p'ə̌ şeyez çuresa,
    Heq̇ädär ki bezi ömür bakale, zaxun šoṭoġo kammaba:
    Heq'ədər ki bezi ömür bakale, zaxun şot'oğo kammaba:

Verse: 8    Barta amc̣i, äfči äyitmux zaxun ä͑xilq̇an baki.
   Barta ams'i, əfçi əyitmux zaxun ə̌xilq'an baki.
    Saal za nä käsib, nääl varlu ma ba,
    Saal za nə kəsib, nəəl varlu ma ba,
    Sayǯä bezi ġiluġ śuma tada.
    Saycə bezi ğiluğ šuma tada.

Verse: 9    Šoṭaynaḳ ki, varlu bakayiz, "Q̣ONƷ́UX šuva?" pi Va bosson,
   Şot'aynak' ki, varlu bakayiz, "Q'ONČUX şuva?" pi Va bosson,
    Käsib bakayiz isä, oġriluġbi bezi Buxaʒ́uġoy c̣iya läkäläyinšezbon.
    Kəsib bakayiz isə, oğriluğbi bezi Buxačuğoy s'iya ləkələyinşezbon.

Verse: 10    Nökäri barada iz aġa pis äyit ma upa,
   Nökəri barada iz ağa pis əyit ma upa,
    Tenesa, šoṭay q̇arġiš vi loxole baron,
    Tenesa, şot'ay q'arğiş vi loxole baron,
    Ziyanal hunen zaṗḳon.
    Ziyanal hunen zap'k'on.

Verse: 11    Amdaro ki, iz baval, nanal q̇arġišebsa.
   Amdaro ki, iz baval, nanal q'arğişebsa.

Verse: 12    Amdaro ki, iču tämize hesabbsa,
   Amdaro ki, içu təmize hesabbsa,
    Ama iz murdarluġaxun tene tämizbake.
    Ama iz murdarluğaxun tene təmizbake.

Verse: 13    Amdaro ki, ṭə͑yä͑minṭoġoy loxol hämišä alaxun oq̇ane be͑ġsa,
   Amdaro ki, t'ı̌yə̌mint'oğoy loxol həmişə alaxun oq'ane běğsa,
    Gelene göynuxun taysa.
    Gelene göynuxun taysa.

Verse: 14    Amdaro ki, iz uluxxo q̇ələnǯ ḳinäḳ ġayine,
   Amdaro ki, iz uluxxo q'ılınc k'inək' ğayine,
    Čänäl q̇ässäbi meyurxo ḳinäḳe.
    Çənəl q'əssəbi meyurxo k'inək'e.
    Šoṭin oćali ćoyexun käsibxo q̇uč̣bsun,
    Şot'in oç̌ali ç̌oyexun kəsibxo q'uc'bsun,
    Amdarxoy aranexun faġərxo äfčibsune čuresa.
    Amdarxoy aranexun fağırxo əfçibsune çuresa.

Verse: 15    Zälin ṗä͑ xuyäro,
   Zəlin p'ə̌ xuyəro,
    "Tada! Tada!" pi harayṭunne.
    "Tada! Tada!" pi harayt'unne.
    Xib šeyo ki, sal sa vädä botenešṭa,
    Xib şeyo ki, sal sa vədə boteneşt'a,
    Lap biṗ šeyo, manu ki, "Bäse!" tene uḳon:
    Lap bip' şeyo, manu ki, "Bəse!" tene uk'on:

Verse: 16    Gärämzäluġ, q̇əsər tapan,
   Gərəmzəluğ, q'ısır tapan,
    Xenaxun nu bošala oćal,
    Xenaxun nu boşala oç̌al,
    "Bäse" nu uḳala arux.
    "Bəse" nu uk'ala arux.

Verse: 17    Bavay loxol laġen,
   Bavay loxol lağen,
    Nanay loxolal alaxun oq̇a be͑ġala pulmoġo
    Nanay loxolal alaxun oq'a běğala pulmoğo
    Däräne bakala ġä͑ynoġone dešibon,
    Dərəne bakala ğə̌ynoğone deşibon,
    Q̣irġin baloġone šoṭoġo ṭuḳṭi ukon.
    Q'irğin baloğone şot'oğo t'uk't'i ukon.

Verse: 18    Xib šeyo ki, bez haq̇əle ṗaq̇esṭes tez baksa.
   Xib şeyo ki, bez haq'ıle p'aq'est'es tez baksa.
    Lap biṗ šeyo ki, q̇amištez:
    Lap bip' şeyo ki, q'amiştez:

Verse: 19    Q̣irġin göynul,
   Q'irğin göynul,
    Diziḳi q̇ayin loxol,
    Dizik'i q'ayin loxol,
    Gämin dänizi bə͑yex baksuna,
    Gəmin dənizi bı̌yex baksuna,
    Saal išq̇ari ǯäyil xuyäri ṭo͑ġo͑l taysuna.
    Saal işq'ari cəyil xuyəri t'ǒğǒl taysuna.

Verse: 20    Äxlagsuz čuġoy yaq̇ metäre:
   Əxlagsuz çuğoy yaq' metəre:
    Käyi, źomo tämizebon,
    Kəyi, ǰomo təmizebon,
    "Ḳä pis äšez biq̇e ki?" uneḳon.
    "K'ə pis əşez biq'e ki?" unek'on.

Verse: 21    Oćal xib šeyaxune źəḳesa,
   Oç̌al xib şeyaxune ǰık'esa,
    Lap biṗ šeyo ki, šoṭo tene portbsa:
    Lap bip' şeyo ki, şot'o tene portbsa:

Verse: 22    Nökäri padčaġ baksuna,
   Nökəri padçağ baksuna,
    Q̣ammazi boššamin śum uksuna,
    Q'ammazi boşşamin šum uksuna,

Verse: 23    Nifrätä layiġ čuġoy išq̇ara taysuna,
   Nifrətə layiğ çuğoy işq'ara taysuna,
    Saal čuux nökäri iz xanəmi ganu č̣ovaksuna.
    Saal çuux nökəri iz xanımi ganu c'ovaksuna.

Verse: 24    Oćali ćoyel biṗ elmuxlono ki,
   Oç̌ali ç̌oyel bip' elmuxlono ki,
    Mic̣iḳal bakayṭun, ičoġosṭa müdrikluġ gelene:
    Mis'ik'al bakayt'un, içoğost'a müdrikluğ gelene:

Verse: 25    Xuriturxo, manu ki zorsuz sa azuḳe,
   Xuriturxo, manu ki zorsuz sa azuk'e,
    Ama ičoġoy ə͑źenin ukuna yäynuxunṭun girbsa;
    Ama içoğoy ı̌ǰenin ukuna yəynuxunt'un girbsa;

Verse: 26    Buruġoy me͑lurxoval zorba azuḳ tene,
   Buruğoy mělurxoval zorba azuk' tene,
    Ama ičoġoy ḳožurxo q̇ayin bošṭun biq̇sa;
    Ama içoğoy k'ojurxo q'ayin boşt'un biq'sa;

Verse: 27    Čärṭḳänxoyal padčaġ teno,
   Çərt'k'ənxoyal padçağ teno,
    Ama taġaṭan däsṭinenṭun taysa;
    Ama tağat'an dəst'inent'un taysa;

Verse: 28    Saal dereval, manu ki kiin biq̇es bakala sa heyvane,
   Saal dereval, manu ki kiin biq'es bakala sa heyvane,
    Ama šo padčaġi sarayinal baneksa.
    Ama şo padçaği sarayinal baneksa.

Verse: 29    Xib heyvano ki, ičoġoy lä͑ngbsunal gözäle,
   Xib heyvano ki, içoğoy lə̌ngbsunal gözəle,
    Lap biṗono, manu ki ičoġoy taysunaxunṭun č̣äḳesa:
    Lap bip'ono, manu ki içoğoy taysunaxunt'un c'ək'esa:

Verse: 30    Heyvanxoy än zorba bakala,
   Heyvanxoy ən zorba bakala,
    Šuḳḳalaxun nu q̇ə͑bala šir,
    Şuk'k'alaxun nu q'ı̌bala şir,

Verse: 31    Cilluġ dadal, ärkäy keči,
   Üilluğ dadal, ərkəy keçi,
    Saal iz q̇ošuni be͑ś taġala padčaġ.
    Saal iz q'oşuni běš tağala padçağ.

Verse: 32    Ägär q̇ammaz baksunen va ala hesabbenusa,
   Əgər q'ammaz baksunen va ala hesabbenusa,
    Vi fikiresṭa pis niyät biq̇esṭenusa,
    Vi fikirest'a pis niyət biq'est'enusa,
    Vi muza girba.
    Vi muza girba.

Verse: 33    Šoṭaynaḳ ki, muć̣anaq̇a buyḳaṭan č̣äyin č̣eġala ḳinäḳ,
   Şot'aynak' ki, muč'anaq'a buyk'at'an c'əyin c'eğala k'inək',
    Bo͑xmo͑ġo duġaṭan ṗi č̣eġala ḳinäḳ
    Bǒxmǒğo duğat'an p'i c'eğala k'inək'
    Äǯuġo biq̇esṭaṭanal davane bakon.
    Əcuğo biq'est'at'anal davane bakon.



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.