TITUS
Biblia Udica, Versio Nizhensis: Vetus Testamentum
Part No. 308
Previous part

Chapter: 28 

Verse: 1    Šär amdara šäṗeġal nuval bakayin, ṭinesṭa,
   Şər amdara şəp'eğal nuval bakayin, t'inest'a,
    Düzgün amdar isä aslan ḳinäḳ märd čurene.
    Düzgün amdar isə aslan k'inək' mərd çurene.

Verse: 2    Ölkinä gärgürčiluġ bakaṭan kalaluġbalxoval gelene bakon,
   lkinə gərgürçiluğ bakat'an kalaluğbalxoval gelene bakon,
    Q̣amišakala q̇a iz äšlä avabakala amdaren isä ölkinä enefon.
    Q'amişakala q'a iz əşlə avabakala amdaren isə ölkinə enefon.

Verse: 3    Käsibä inǯitmišala c̣ila kala amdar
   Kəsibə incitmişala s'ila kala amdar
    Äkinä oc̣ḳi tašala sel ḳinäḳe.
    Əkinə os'k'i taşala sel k'inək'e.

Verse: 4    Ḳanuna pozmišalṭin pis amdarxone tärifbon,
   K'anuna pozmişalt'in pis amdarxone tərifbon,
    Ḳanuna ämälbalxo isä šoṭoġoy be͑śṭun čurḳon.
    K'anuna əməlbalxo isə şot'oğoy běšt'un çurk'on.

Verse: 5    Pis amdarxon düzgünluġi ḳä baksuna teṭun avabakon,
   Pis amdarxon düzgünluği k'ə baksuna tet'un avabakon,
    Q̣ONƷ́UĠON laxi yaq̇en taġalṭoġon isä moṭo šaaṭṭun q̇amišakon.
    Q'ONČUĞON laxi yaq'en tağalt'oğon isə mot'o şaat't'un q'amişakon.

Verse: 6    Tämiz üḳen yäšäyinšala käsib amdar
   Təmiz ük'en yəşəyinşala kəsib amdar
    Šär yaq̇en taġala varlu amdaraxun šaaṭe.
    Şər yaq'en tağala varlu amdaraxun şaat'e.

Verse: 7    Tärbiyinä q̇abulbala ġar q̇amiš ġare,
   Tərbiyinə q'abulbala ğar q'amiş ğare,
    Iz ġina tapanxorxoxun č̣ovakesṭalo isä bava biyaburbal.
    İz ğina tapanxorxoxun c'ovakest'alo isə bava biyaburbal.

Verse: 8    Šin ki tänginä kala faizen tasṭunene dövlät girbsasa,
   Şin ki tənginə kala faizen tast'unene dövlət girbsasa,
    Šoṭay girbalo axərda käsibxoynaḳ üḳ boḳosṗalṭune mandon.
    Şot'ay girbalo axırda kəsibxoynak' ük' bok'osp'alt'une mandon.

Verse: 9    Ḳanuna ibaksun nu čureġalṭay afərənenal iriṭṗesesṭa.
   K'anuna ibaksun nu çureğalt'ay afırınenal irit'p'esest'a.

Verse: 10    Düzgünṭoġo pis yaq̇a zaṗḳalo iz kaśṗi kurane bafṭon,
   Düzgünt'oğo pis yaq'a zap'k'alo iz kašp'i kurane baft'on,
    Üḳ tämizṭoġon isä šaaṭ ġiṭun aḳon.
    Ük' təmizt'oğon isə şaat' ğit'un ak'on.

Verse: 11    Varlu amdaren iču müdrike hesabbon,
   Varlu amdaren içu müdrike hesabbon,
    Ama q̇amiš käsiben šoṭay üḳäne ḳale.
    Ama q'amiş kəsiben şot'ay ük'əne k'ale.

Verse: 12    Düzgünṭoġoy ooren bitoṭaynaḳ mu͑qluġe ečon,
   Düzgünt'oğoy ooren bitot'aynak' mǔqluğe eçon,
    Ama pis amdarxo kalaluġa eġayṭun, bito č̣aṗebakon.
    Ama pis amdarxo kalaluğa eğayt'un, bito c'ap'ebakon.

Verse: 13    Iz günaxxo č̣aṗbalṭin šaaṭ ġi tene aḳon,
   İz günaxxo c'ap'balt'in şaat' ği tene ak'on,
    Šoṭo iz ozane haq̇i ene nu balṭin isä baġəšlayinšaksune bä͑ġä͑bon.
    Şot'o iz ozane haq'i ene nu balt'in isə bağışlayinşaksune bə̌ğə̌bon.

Verse: 14    Hämišä Q̣ONƷ́UĠO čalxalo bäxṭäväre,
   Həmişə Q'ONČUĞO çalxalo bəxt'əvəre,
    Iz üḳ inadkär bakalo isä bälinäne bafṭon.
    İz ük' inadkər bakalo isə bəlinəne baft'on.

Verse: 15    Ehṭiyäǯ bakala azuḳi pis kalaluġbal
   Eht'iyəc bakala azuk'i pis kalaluğbal
    Ġərəḳala aslan, hüǯümbala śuyen ḳinäḳe.
    Ğırık'ala aslan, hücümbala šuyen k'inək'e.

Verse: 16    Nu q̇amišakala kalaluġbal q̇äddar, zülümkäre bakon,
   Nu q'amişakala kalaluğbal q'əddar, zülümkəre bakon,
    Haram q̇azanǯa nifrätbalṭay ömür isä boxoye bakon.
    Haram q'azanca nifrətbalt'ay ömür isə boxoye bakon.

Verse: 17    Amdarbesṗal ič biyamin q̇ə͑ye boše.
   Amdarbesp'al iç biyamin q'ı̌ye boşe.
    Šuḳḳalenal šoṭo tene kömäybon.
    Şuk'k'alenal şot'o tene köməybon.

Verse: 18    Üḳ tämiz yäšäyinšalṭaynaḳ q̇ə͑ tene bu,
   Ük' təmiz yəşəyinşalt'aynak' q'ı̌ tene bu,
    Pis yaq̇en taġalo isä kurane bafṭon.
    Pis yaq'en tağalo isə kurane baft'on.

Verse: 19    Iz oćala äšṗalṭin boššamin śume ukon,
   İz oç̌ala əşp'alt'in boşşamin šume ukon,
    Amc̣i šeyurxoy qošṭan taġalṭin isä iz käsibluġa.
    Ams'i şeyurxoy qoşt'an tağalt'in isə iz kəsibluğa.

Verse: 20    Exṭibärlu amdaren bol bäräkät q̇azayinšale,
   Ext'ibərlu amdaren bol bərəkət q'azayinşale,
    Usum varlayinšaksun čureġalo isä ǯaza.
    Usum varlayinşaksun çureğalo isə caza.

Verse: 21    Täräfkäšluġbsun šaaṭ tene,
   Tərəfkəşluğbsun şaat' tene,
    Ama bäziṭoġon sa loq̇ma śumeynaḳal pisluġṭunbsa.
    Ama bəzit'oğon sa loq'ma šumeynak'al pisluğt'unbsa.

Verse: 22    Tamaxkär var-dövläti bać̣anexune ṭisṭa,
   Tamaxkər var-dövləti bač'anexune t'ist'a,
    Ama q̇amištene ki, käsibluġene iču yaq̇be͑ġsa.
    Ama q'amiştene ki, kəsibluğene içu yaq'běğsa.

Verse: 23    Töhmätbalṭin axərda äfčidän tärifbalṭuxun gele hörmäte q̇azayinšon.
   Töhmətbalt'in axırda əfçidən tərifbalt'uxun gele hörməte q'azayinşon.

Verse: 24    Bava-nana fu͑q̇ṗi "mo günax tene" uḳala amdar äfčibalṭay dosṭe.
   Bava-nana fǔq'p'i "mo günax tene" uk'ala amdar əfçibalt'ay dost'e.

Verse: 25    Tamaxkären davane galdon,
   Tamaxkəren davane galdon,
    Q̣ONƷ́UĠO güväyinšakalṭin isä šaaṭ ġine aḳon.
    Q'ONČUĞO güvəyinşakalt'in isə şaat' ğine ak'on.

Verse: 26    Iču güväyinšakalo q̇ammaze,
   İçu güvəyinşakalo q'ammaze,
    Müdrikluġi yaq̇en taġalṭaynaḳ isä q̇ə͑ tene bu.
    Müdrikluği yaq'en tağalt'aynak' isə q'ı̌ tene bu.

Verse: 27    Käsibä kul boxodalo hiḳḳala möhtäǯ tene bakon,
   Kəsibə kul boxodalo hik'k'ala möhtəc tene bakon,
    Šoṭo fikir nu tadalṭin isä läänäte q̇azayinšon.
    Şot'o fikir nu tadalt'in isə ləənəte q'azayinşon.

Verse: 28    Pis amdarxo kalaluġbal bakaṭan, bito č̣aṗebaksa,
   Pis amdarxo kalaluğbal bakat'an, bito c'ap'ebaksa,
    Šorox äfčibakaṭan isä düzgünṭoġoy zore avuzbaksa.
    Şorox əfçibakat'an isə düzgünt'oğoy zore avuzbaksa.


Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.