TITUS
Biblia Udica, Versio Nizhensis: Vetus Testamentum
Part No. 306
Previous part

Chapter: 26 

Verse: 1    Yäyä ə͑ź, exe vädine aġala nu yarayinšala ḳinäḳ,
   Yəyə ı̌ǰ, exe vədine ağala nu yarayinşala k'inək',
    Q̣ammazal šäräf tene yarayinšbsa.
    Q'ammazal şərəf tene yarayinşbsa.

Verse: 2    Čovali ṭaġay-maġay purbsun,
   Çovali t'ağay-mağay purbsun,
    Bać̣ayna hari-taysun ḳinäḳ,
    Bač'ayna hari-taysun k'inək',
    Nahaq̇ q̇arġišal amc̣i šeye.
    Nahaq' q'arğişal ams'i şeye.

Verse: 3    E͑ka tatar, elema q̇antarġa hetäre yarayinšbsasa,
   Üka tatar, elema q'antarğa hetəre yarayinşbsasa,
    Q̣ammazi bać̣anal xaźil hametäre yarayinšbsa.
    Q'ammazi bač'anal xaǰil hametəre yarayinşbsa.

Verse: 4    Q̣ammazaxun iz muzin ma äyitṗa,
   Q'ammazaxun iz muzin ma əyitp'a,
    Tenesa šoṭay tayen bakon.
    Tenesa şot'ay tayen bakon.

Verse: 5    Ama šoṭo ṭetär ǯoġab tada ki,
   Ama şot'o t'etər coğab tada ki,
    Ič iz piyes müdrik maq̇an aḳeci.
    İç iz piyes müdrik maq'an ak'eśi.

Verse: 6    Axmaġaxun xavar yaq̇abalo,
   Axmağaxun xavar yaq'abalo,
    Ičin iz tura boṭi ziyan zaṗḳala amdar ḳinäḳe.
    İçin iz tura bot'i ziyan zap'k'ala amdar k'inək'e.

Verse: 7    Q̣ammazi źomoxun č̣eġala mäsälä
   Q'ammazi ǰomoxun c'eğala məsələ
    Topali axsaġlayinšala tur ḳinäḳe.
    Topali axsağlayinşala tur k'inək'e.

Verse: 8    Q̣ammaza tärifläyinšbsun
   Q'ammaza tərifləyinşbsun
    Źena ragatḳina ġaćbsun ḳinäḳe.
    J̌ena ragatk'ina ğaç̌bsun k'inək'e.

Verse: 9    Q̣ammazi mäsälä ešṭun
   Q'ammazi məsələ eşt'un
    Finaġoyen iz kiyel cac biq̇sun ḳinäḳe.
    Finağoyen iz kiyel śaś biq'sun k'inək'e.

Verse: 10    Q̣ammaza, nääl här yaq̇axun č̣ovakalṭu äšlä exsṭun
   Q'ammaza, nəəl hər yaq'axun c'ovakalt'u əşlə exst'un
    Iz äšlä nu avabakala oxbosali ox bosṭun ḳinäḳe.
    İz əşlə nu avabakala oxbosali ox bost'un k'inək'e.

Verse: 11    Iz säfeyluġa saal qaybakala q̇ammaz,
   İz səfeyluğa saal qaybakala q'ammaz,
    Xä͑ye iz äsäḳṗuna qaybaksun ḳinäḳe.
    Xə̌ye iz əsək'p'una qaybaksun k'inək'e.

Verse: 12    Iču iz piyes müdrik hesabbalṭu aḳenu?
   İçu iz piyes müdrik hesabbalt'u ak'enu?
    Šoṭoxunsa q̇ammaza gele umudo.
    Şot'oxunsa q'ammaza gele umudo.

Verse: 13    Tänbälen uneḳon: "Yaq̇a aslano!
   Tənbəlen unek'on: "Yaq'a aslano!
    Šir küčämoġone tarane!".
    Şir küçəmoğone tarane!".

Verse: 14    Ćomo iz hänǯämin loxol hetäre fərənesa,
   Ç̌omo iz həncəmin loxol hetəre fırınesa,
    Tänbäläl iz basḳi gala hametäre fərəḳon.
    Tənbələl iz bask'i gala hametəre fırık'on.

Verse: 15    Tänbälen iz kula q̇ave boš banedon,
   Tənbəlen iz kula q'ave boş banedon,
    Iz źomo ešṭeynaḳ äriḳmiše bakon.
    İz ǰomo eşt'eynak' ərik'mişe bakon.

Verse: 16    Tänbäl iz piyes
   Tənbəl iz piyes
    Müdrik ǯoġab tadala vu͑ġ tanaxunal müdrike aḳeġon.
    Müdrik coğab tadala vǔğ tanaxunal müdrike ak'eğon.

Verse: 17    Q̣erṭay davina gärbaksun
   Q'ert'ay davina gərbaksun
    Küčinä xä͑ye u͑mu͑ġo zapsun ḳinäḳe.
    Küçinə xə̌ye ǔmǔğo zapsun k'inək'e.

Verse: 18-19    Q̣onšina feretṭi "zarafaṭezbi" upsun
   Q'onşina ferett'i "zarafat'ezbi" upsun
    Giže boḳala ox bosi bisun ešṭun ḳinäḳe.
    Gije bok'ala ox bosi bisun eşt'un k'inək'e.

Verse: 20    Uś čarḳaṭan arux aćala ḳinäḳ,
   Uš çark'at'an arux aç̌ala k'inək',
    Äyittaradal nu bakala galal davane čarḳon.
    Əyittaradal nu bakala galal davane çark'on.

Verse: 21    C̣ileynaḳ kömür, aruġeynaḳ uś hetäresa,
   S'ileynak' kömür, aruğeynak' uš hetəresa,
    Davina bäč̣üḳsṭeynaḳal äšgaldala amdar hametäre.
    Davina bəc'ük'st'eynak'al əşgaldala amdar hametəre.

Verse: 22    Äyittaradalṭay äyitmux läzätlu tikoox ḳinäḳe,
   Əyittaradalt'ay əyitmux ləzətlu tikoox k'inək'e,
    Q̣oq̇exun hasande č̣ovakon.
    Q'oq'exun hasande c'ovakon.

Verse: 23    Muć̣a muzin, iz üḳ isä šären buy amdar
   Muč'a muzin, iz ük' isə şəren buy amdar
    Gümüši xena čäpeci q̇ä͑liḳ ḳinäḳe.
    Gümüşi xena çəpeśi q'ə̌lik' k'inək'e.

Verse: 24    Düšmäni muzexun uć̣e barsṭa,
   Düşməni muzexun uč'e barst'a,
    Ama iz üḳ bič̣luġen buye.
    Ama iz ük' bic'luğen buye.

Verse: 25    Šoṭin ǯügü äyitalḳayin, ve͑mabaka,
   Şot'in cügü əyitalk'ayin, věmabaka,
    Iz üḳ vu͑ġ ǯürä murdarluġen buye.
    İz ük' vǔğ cürə murdarluğen buye.

Verse: 26    Iz pisluġa ćoyexun nuval aḳesṭayin,
   İz pisluğa ç̌oyexun nuval ak'est'ayin,
    Ama axərda ǯamaati be͑ś šo ćoyel č̣eġale.
    Ama axırda camaati běš şo ç̌oyel c'eğale.

Verse: 27    Q̣erṭaynaḳ kur kaśḳalo iče ṭe kura bafṭon,
   Q'ert'aynak' kur kašk'alo içe t'e kura baft'on,
    Źeyal šoṭo ṭəḳərdalṭay loxole eġon.
    J̌eyal şot'o t'ık'ırdalt'ay loxole eğon.

Verse: 28    Äfčiduġalen iz äfči duġala amdara nifrätebon,
   Əfçiduğalen iz əfçi duğala amdara nifrətebon,
    Yaltaġlayinšakala muzenal bäläne ečon.
    Yaltağlayinşakala muzenal bələne eçon.


Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.