TITUS
Biblia Udica, Versio Nizhensis: Vetus Testamentum
Part No. 305
Previous part

Chapter: 25 

Solomoni sa hemal mäsäloox
Solomoni sa hemal məsəloox


Verse: 1    Moroxal Solomoni mäsälooxe. Moṭoġo Iudeyani padčaġ Xizgiyay amdarxon efseynaḳ girbi camṭunpe.
   Moroxal Solomoni məsəlooxe. Mot'oğo İudeyani padçağ Xizgiyay amdarxon efseynak' girbi śamt'unpe.

Verse: 2    Amdarxon Buxaʒ́uġo ičoġoy haq̇əle nu ṗaq̇ala äšurxo biq̇suna göräṭun alxəšpsa,
   Amdarxon Buxačuğo içoğoy haq'ıle nu p'aq'ala əşurxo biq'suna görət'un alxışpsa,
    Padčaġa isä iz äšurxo tašṭuna görä.
    Padçağa isə iz əşurxo taşt'una görə.

Verse: 3    Göye alloyluġa q̇a oćali bä͑ġä͑loyluġa tam nu q̇amišakes bakala ḳinäḳ,
   Göye alloyluğa q'a oç̌ali bə̌ğə̌loyluğa tam nu q'amişakes bakala k'inək',
    Padčaġiyal üḳexun č̣ovakalṭoġo avabakes tene bakon.
    Padçağiyal ük'exun c'ovakalt'oğo avabakes tene bakon.

Verse: 4    Č̣ema gümüšäxun ǯöybayin,
   C'ema gümüşəxun cöybayin,
    Zärgärä sayǯä kiin äše mandon.
    Zərgərə saycə kiin əşe mandon.

Verse: 5    Šär amdara padčaġi ṭo͑ġo͑lxun ä͑xilbayin,
   Şər amdara padçaği t'ǒğǒlxun ə̌xilbayin,
    Šoṭay taxṭ düzgünluġen möhḳäme bakon.
    Şot'ay taxt' düzgünluğen möhk'əme bakon.

Verse: 6    Padčaġi be͑ś va ala ma biq̇a,
   Padçaği běš va ala ma biq'a,
    Kala amdarxoy ṭo͑ġo͑lal vaynaḳ ga maba.
    Kala amdarxoy t'ǒğǒlal vaynak' ga maba.

Verse: 7    Šoṭaynaḳ ki, va "bürmiša, ala č̣ovaka" upsun
   Şot'aynak' ki, va "bürmişa, ala c'ovaka" upsun
    C̣ila amdarxoy be͑ś oq̇a saksunaxun šaaṭe.
    S'ila amdarxoy běš oq'a saksunaxun şaat'e.



Aḳi šeyurxo görä
Ak'i şeyurxo görə


Verse: 8    Amdarxo taxsərkär č̣evksuna ma kapa.
   Amdarxo taxsırkər c'evksuna ma kapa.
    Oša ṭe amdaren va oṭṗesṭayin, ḳän bon?
    Oşa t'e amdaren va ot'p'est'ayin, k'ən bon?

Verse: 9    Šuxunesa vi äš bunesa, sayǯä vi divana divanba,
   Şuxunesa vi əş bunesa, saycə vi divana divanba,
    Šoṭay sirä ma qaypa.
    Şot'ay sirə ma qaypa.

Verse: 10    Tenesa ibakalṭin vi loxol pis piine be͑ġon,
   Tenesa ibakalt'in vi loxol pis piine běğon,
    Moṭin va exṭibäräxun sanekon.
    Mot'in va ext'ibərəxun sanekon.

Verse: 11    Iz gala pi äyit
   İz gala pi əyit
    Gümüši čärčüvin boš bakala q̇əzəli e͑śane ošq̇ar.
    Gümüşi çərçüvin boş bakala q'ızıli ěšane oşq'ar.

Verse: 12    Äyitbe͑ġaleynaḳal müdrik amdari töhmät
   Əyitběğaleynak'al müdrik amdari töhmət
    Q̣əzəli sərəġan, q̇əzəli bäzäy ḳinäḳe.
    Q'ızıli sırığan, q'ızıli bəzəy k'inək'e.

Verse: 13    Exe vädine ə͑źe särinluġ hetäre bakonsa,
   Exe vədine ı̌ǰe sərinluğ hetəre bakonsa,
    Exṭibärlu elčiyal šoṭo yaq̇abiṭaynaḳ hametäre:
    Ext'ibərlu elçiyal şot'o yaq'abit'aynak' hametəre:
    Šoṭo yaq̇absunen šo ičule eysa.
    Şot'o yaq'absunen şo içule eysa.

Verse: 14    Iz nu tadi payurxoxun forsbalo
   İz nu tadi payurxoxun forsbalo
    Aġala nu ečala asoy q̇a muš ḳinäḳe.
    Ağala nu eçala asoy q'a muş k'inək'e.

Verse: 15    Säbiren kalaluġbalal ve͑dese bakon,
   Səbiren kalaluğbalal vědese bakon,
    Muć̣a muzen tärs amdaral äyitäle ečon.
    Muč'a muzen tərs amdaral əyitəle eçon.

Verse: 16    Uć̣ bä͑ġä͑bayin, vi q̇ärälä uka,
   Uč' bə̌ğə̌bayin, vi q'ərələ uka,
    Puldeši ḳinäḳ ukayin, äsäkḳalnu.
    Puldeşi k'inək' ukayin, əsəkk'alnu.

Verse: 17    Q̣onšin ḳoya usum-usum ma taki,
   Q'onşin k'oya usum-usum ma taki,
    Tenesa, bezär baki, vaxun iz zähläne baron.
    Tenesa, bezər baki, vaxun iz zəhləne baron.

Verse: 18    Iz q̇onšin barada äfči šahidluġbalo
   İz q'onşin barada əfçi şahidluğbalo
    Sa güpun, q̇ələnǯ, šiš ox ḳinäḳe.
    Sa güpun, q'ılınc, şiş ox k'inək'e.

Verse: 19    Baśay uluġoxun, axsaġ turaxun sa xeyir nu bakala ḳinäḳ,
   Bašay uluğoxun, axsağ turaxun sa xeyir nu bakala k'inək',
    Ṭar ġineyal xäyanätkäräxun sa xeyir tene bakon.
    T'ar ğineyal xəyanətkərəxun sa xeyir tene bakon.

Verse: 20    Iz üḳ buy amdareynaḳ mä͑ġ mä͑ġpsun
   İz ük' buy amdareynak' mə̌ğ mə̌ğpsun
    Šoṭay paltara čax havina č̣eq̇sun,
    Şot'ay paltara çax havina c'eq'sun,
    Nääl ki, iz yarin loxol oq̇oy lapsun ḳinäḳe.
    Nəəl ki, iz yarin loxol oq'oy lapsun k'inək'e.

Verse: 21    Vi düšmän busanesa, šoṭo ukesṭa,
   Vi düşmən busanesa, şot'o ukest'a,
    Xenezanesa, šoṭo xe tada.
    Xenezanesa, şot'o xe tada.

Verse: 22    Metär ba ki, šoṭin oṭṗi toobabane, *
   Metər ba ki, şot'in ot'p'i toobabane, *
    Q̣ONƷ́UĠONAL va iz äväzäne tadon.
    Q'ONČUĞONAL va iz əvəzəne tadon.

Verse: 23    Q̣uzey täräfäxun eġala mušen aġala ečala ḳinäḳ,
   Q'uzey tərəfəxun eğala muşen ağala eçala k'inək',
    Äyittaradali muzenal amdarxoy äǯuġane iz loxol ečon.
    Əyittaradali muzenal amdarxoy əcuğane iz loxol eçon.

Verse: 24    Davabala čuġoxun sa ḳožin oq̇a yäšäyinšbsaxunsa,
   Davabala çuğoxun sa k'ojin oq'a yəşəyinşbsaxunsa,
    U͑ġu͑l sa dönbine yäšäyinšbsun šaaṭe.
    Ǔğǔl sa dönbine yəşəyinşbsun şaat'e.

Verse: 25    Xenezaluġaxun boḳalṭaynaḳ čax xe hetäresa,
   Xenezaluğaxun bok'alt'aynak' çax xe hetəresa,
    Ä͑xil ganuxun eġala mu͑q xavaral hametäre.
    Ə̌xil ganuxun eğala mǔq xavaral hametəre.

Verse: 26    Düzgün amdari pis amdara tabi baksun,
   Düzgün amdari pis amdara tabi baksun,
    Orayini ǯiyär baksun, kärizi murdarlayinšaksun ḳinäḳe.
    Orayini ciyər baksun, kərizi murdarlayinşaksun k'inək'e.

Verse: 27    Iz q̇äräläxun gele uć̣ uksun xeyirlu nu bakala ḳinäḳ,
   İz q'ərələxun gele uč' uksun xeyirlu nu bakala k'inək',
    Amdari ičeynaḳ dim tärif qä͑vesunal šaaṭ tene.
    Amdari içeynak' dim tərif qə̌vesunal şaat' tene.

Verse: 28    Iču idarabes nu bakala amdar
   İçu idarabes nu bakala amdar
    Careci, q̇alasuz šähär ḳinäḳe.
    Üareśi, q'alasuz şəhər k'inək'e.


Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.