TITUS
Biblia Udica, Versio Nizhensis: Vetus Testamentum
Part No. 303
Previous part

Chapter: 23 

Verse: 1    Kalaluġbalaxun sa sulfina arcaṭan
   Kalaluğbalaxun sa sulfina arśat'an
    Vi be͑ś bakalṭu yönbäri fikir tada.
    Vi běš bakalt'u yönbəri fikir tada.

Verse: 2    Vi išṭaġ šaaṭal bakayin,
   Vi işt'ağ şaat'al bakayin,
    Vi ukalṭay q̇ärälä avabaka.
    Vi ukalt'ay q'ərələ avabaka.

Verse: 3    Šoṭay muć̣a xorayxo tamax ma ba,
   Şot'ay muč'a xorayxo tamax ma ba,
    Šoṭaynaḳ ki, me ukunen amdara fereṭedon.
    Şot'aynak' ki, me ukunen amdara feret'edon.

Verse: 4    Dövlät q̇azayinšbseynaḳ vi elmoġo ma laxa,
   Dövlət q'azayinşbseynak' vi elmoğo ma laxa,
    Müdrik baka, me fikiräxun kul haq̇a.
    Müdrik baka, me fikirəxun kul haq'a.

Verse: 5    Vi pula dövlätä tikbala ḳinäḳ, šo äfčibakale,
   Vi pula dövlətə tikbala k'inək', şo əfçibakale,
    Müṭläḳ q̇änädläyinšaki,
    Müt'lək' q'ənədləyinşaki,
    Q̣irġi ḳinäḳ purpi göynul e͑qeġale.
    Q'irği k'inək' purpi göynul ěqeğale.

Verse: 6    Xäsis amdari tadala śuma ma uka,
   Xəsis amdari tadala šuma ma uka,
    Šoṭay muć̣a xorayxo tamaxmaba,
    Şot'ay muč'a xorayxo tamaxmaba,

Verse: 7    Šoṭaynaḳ ki, šoṭin iz üḳe boš här šeye hesabane bon.
   Şot'aynak' ki, şot'in iz ük'e boş hər şeye hesabane bon.
    Muzen va "uka, u͑ġä͑" uḳale,
    Muzen va "uka, ǔğə̌" uk'ale,
    Ama iz üḳ q̇a uḳalorox sa tene.
    Ama iz ük' q'a uk'alorox sa tene.

Verse: 8    Käyi loq̇minal äsäḳenḳon,
   Kəyi loq'minal əsək'enk'on,
    Vi pi bütüm muć̣a äyitmuxal amc̣inane taġon.
    Vi pi bütüm muč'a əyitmuxal ams'inane tağon.

Verse: 9    Q̣ammaza äyit ma upa,
   Q'ammaza əyit ma upa,
    Šoṭaynaḳ ki, vi müdrik äyitmoġo toy tene laxon.
    Şot'aynak' ki, vi müdrik əyitmoğo toy tene laxon.

Verse: 10    Damna zahmani źe͑ne ganu ma badalba,
   Damna zahmani ǰěne ganu ma badalba,
    Yetimxoy äkinä ma baki.
    Yetimxoy əkinə ma baki.

Verse: 11    Axəri šoṭoġo Q̣orišalo zorbane,
   Axıri şot'oğo Q'orişalo zorbane,
    Šoṭoġoy vaxun bakala divanal Šoṭine be͑ġon.
    Şot'oğoy vaxun bakala divanal Şot'ine běğon.

Verse: 12    Vi üḳä tärbiyineynaḳ,
   Vi ük'ə tərbiyineynak',
    U͑mu͑xxo zombala äyitmoġoynaḳ qaypa.
    Ǔmǔxxo zombala əyitmoğoynak' qaypa.

Verse: 13    Äylin tärbiyinä hämišä fikir tada, ǯazasuz ma efa,
   Əylin tərbiyinə həmişə fikir tada, cazasuz ma efa,
    Tärbiyineynaḳ bakala ṭaṗen šoṭo bestenebon.
    Tərbiyineynak' bakala t'ap'en şot'o bestenebon.

Verse: 14    Ama šoṭo ṭaṗsunen,
   Ama şot'o t'ap'sunen,
    Iz elmoġo bisunaxunen čarḳesṭon.
    İz elmoğo bisunaxunen çark'est'on.

Verse: 15    Bez ġar, hun müdrik bakayin,
   Bez ğar, hun müdrik bakayin,
    Bez üḳäl qayeġon.
    Bez ük'əl qayeğon.

Verse: 16    Vi muzexun düz äyitmux č̣eġayin,
   Vi muzexun düz əyitmux c'eğayin,
    Bezi bütüm elmux mu͑qebakon.
    Bezi bütüm elmux mǔqebakon.

Verse: 17    Günaxkärxo paxəlluġbsuna vi beynä ma eča,
   Günaxkərxo paxılluğbsuna vi beynə ma eça,
    Ama vi här ġina Q̣ONƷ́UĠO čalxsunen yäšäyinša.
    Ama vi hər ğina Q'ONČUĞO çalxsunen yəşəyinşa.

Verse: 18    Ṭe vädä vi gäläǯäy bakale,
   T'e vədə vi gələcəy bakale,
    Vi umudal amc̣ina tene č̣eġal.
    Vi umudal ams'ina tene c'eğal.

Verse: 19    Bez ġar, u͑mu͑xlaxa, müdrik baka,
   Bez ğar, ǔmǔxlaxa, müdrik baka,
    Hämišä düz yaq̇a baka.
    Həmişə düz yaq'a baka.

Verse: 20    Fine ṭaġar bakalxoy arane ma baka,
   Fine t'ağar bakalxoy arane ma baka,
    Yeq̇ ukala tapanxorxo gärmabaka.
    Yeq' ukala tapanxorxo gərmabaka.

Verse: 21    Axəri u͑ġä͑lxo q̇a tapanxorxo käsibṭun bakon,
   Axıri ǔğə̌lxo q'a tapanxorxo kəsibt'un bakon,
    Käyi-u͑ġi neṗax mandalorox axərda č̣ər-č̣ənṭəri bošṭun mandon.
    Kəyi-ǔği nep'ax mandalorox axırda c'ır-c'ınt'ıri boşt'un mandon.

Verse: 22    Vi bava u͑mu͑xlaxa, axəri šoṭine va yäšäyinš tade,
   Vi bava ǔmǔxlaxa, axıri şot'ine va yəşəyinş tade,
    Vi nanal iz q̇oža vädine saymiša.
    Vi nanal iz q'oja vədine saymişa.

Verse: 23    Müdrikluġa, tärbiyinä, q̇amišaksuna q̇a serina topba.
   Müdrikluğa, tərbiyinə, q'amişaksuna q'a serina topba.
    Šoṭoġo ma toyda.
    Şot'oğo ma toyda.

Verse: 24    Metär amdari bava färäxläyinšebakon,
   Metər amdari bava fərəxləyinşebakon,
    Müdrik ġaren šoṭo mu͑qedon.
    Müdrik ğaren şot'o mǔqedon.

Verse: 25    Barta vi bava-nana mu͑qbakeq̇an,
   Barta vi bava-nana mǔqbakeq'an,
    Va dünyäne ečeriyo färäxläyinšakeq̇an!
    Va dünyəne eçeriyo fərəxləyinşakeq'an!

Verse: 26    Bez ġar, za fikir tada,
   Bez ğar, za fikir tada,
    Bezi taġala yaq̇en taki.
    Bezi tağala yaq'en taki.

Verse: 27    Be͑ġa, taraḳala čuux bä͑ġä͑loy sa čuq̇ur,
   Běğa, tarak'ala çuux bə̌ğə̌loy sa çuq'ur,
    Äxlagsuz čuux q̇ač̣ käriz ḳinäḳe.
    Əxlagsuz çuux q'ac' kəriz k'inək'e.

Verse: 28    Šoṭin ḳuldur ḳinäḳ busq̇une biq̇on,
   Şot'in k'uldur k'inək' busq'une biq'on,
    Amdarxoy arane xayinxone avuzbon.
    Amdarxoy arane xayinxone avuzbon.

Verse: 29    Yaslu bakalo šuva? Därdlü bakalo šuva?
   Yaslu bakalo şuva? Dərdlü bakalo şuva?
    Šuva davin boš bakalo? Šuva šikäätbalo?
    Şuva davin boş bakalo? Şuva şikəətbalo?
    Šuva amc̣i gala yaralayinšakiyo?
    Şuva ams'i gala yaralayinşakiyo?
    Iz pulmux ć̣oć̣a bakalo šuva?
    İz pulmux č'oč'a bakalo şuva?

Verse: 30    Mo fi u͑ġsa arcalo,
   Mo fi ǔğsa arśalo,
    Taci ǯürbäǯür fine tada be͑ġalone!
    Taśi cürbəcür fine tada běğalone!

Verse: 31    Hun fine ć̣oć̣a irängä,
   Hun fine č'oč'a irəngə,
    Ayaq̇i boš c̣alsṭuna, iräät u͑ġe͑suna ma be͑ġa!
    Ayaq'i boş s'alst'una, irəət ǔğěsuna ma běğa!

Verse: 32    Šoṭin axərda va diziḳ ḳinäḳ duneġon,
   Şot'in axırda va dizik' k'inək' duneğon,
    Gürzä ḳinäḳ zähärläyinšebon.
    Gürzə k'inək' zəhərləyinşebon.

Verse: 33    Vi piyes q̇äribä šeyurxone aḳeġon,
   Vi piyes q'əribə şeyurxone ak'eğon,
    Haq̇əleyal ḳori fikirxone eġon.
    Haq'ıleyal k'ori fikirxone eğon.

Verse: 34    Vi basḳi gala va dänizi bə͑yex,
   Vi bask'i gala va dənizi bı̌yex,
    Gämin boš ḳinäḳen hisbon.
    Gəmin boş k'inək'en hisbon.

Verse: 35    Uḳalnu: "Za duġeṭun, his tezbe,
   Uk'alnu: "Za duğet'un, his tezbe,
    Za ṭapeṭun, sal avabakiyaltezu.
    Za t'apet'un, sal avabakiyaltezu.
    He vädä muġurbakoz ki, ṗurum u͑ġä͑z?"
    He vədə muğurbakoz ki, p'urum ǔğə̌z?"


Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.