TITUS
Biblia Udica, Versio Nizhensis: Vetus Testamentum
Part No. 300
Previous part

Chapter: 20 

Verse: 1    Finen amdari loxol axśumpesedon, ičḳinen davabesedon,
   Finen amdari loxol axšumpesedon, içk'inen davabesedon,
    Šoṭoġo feretbakalo müdrik tene ḳaleġon.
    Şot'oğo feretbakalo müdrik tene k'aleğon.

Verse: 2    Padčaġi äǯuġ aslani ġərəlti ḳinäḳe,
   Padçaği əcuğ aslani ğırılti k'inək'e,
    Šoṭo ičuxun č̣evḳalṭin iz elmoġone aćesṗon.
    Şot'o içuxun c'evk'alt'in iz elmoğone aç̌esp'on.

Verse: 3    Davinaxun ṭisṭunen amdareynaḳ šäräfe ečon,
   Davinaxun t'ist'unen amdareynak' şərəfe eçon,
    Säfey isä davineynaḳ mušṭaġe.
    Səfey isə davineynak' muşt'ağe.

Verse: 4    Iz vädine nu ezbala tänbäl äkinčinen
   İz vədine nu ezbala tənbəl əkinçinen
    Exe vädine hiḳḳal tene bä͑ġä͑bon.
    Exe vədine hik'k'al tene bə̌ğə̌bon.

Verse: 5    Üḳe fikirxo bä͑ġä͑loya bakala xe ḳinäḳe,
   Ük'e fikirxo bə̌ğə̌loya bakala xe k'inək'e,
    Q̣amišakala amdaren šoṭo zapi č̣eveḳon.
    Q'amişakala amdaren şot'o zapi c'evek'on.

Verse: 6    Amdarxoy geleṭine izi exṭibärlu baksunaxun däm duġsa,
   Amdarxoy gelet'ine izi ext'ibərlu baksunaxun dəm duğsa,
    Ama hägigi metär bakala amdara mayina bä͑ġä͑bes bakon?
    Ama həgigi metər bakala amdara mayina bə̌ğə̌bes bakon?

Verse: 7    Düzgün amdar tämiz üḳene yäšäyinšbsa,
   Düzgün amdar təmiz ük'ene yəşəyinşbsa,
    Ičuxun oša eġala näsiläl bäxṭäväre bakon.
    İçuxun oşa eğala nəsiləl bəxt'əvəre bakon.

Verse: 8    Padčaġ divanbseynaḳ iz taxṭa arcaṭan,
   Padçağ divanbseynak' iz taxt'a arśat'an,
    Iz piin šaaṭa pisäxun č̣äḳeḳon.
    İz piin şaat'a pisəxun c'ək'ek'on.

Verse: 9    Šina pes bakon ki, bezi üḳ tämize,
   Şina pes bakon ki, bezi ük' təmize,
    Bezi günax butene?
    Bezi günax butene?

Verse: 10    Äfči usḳunal, äfči ayzapsunal -
   Əfçi usk'unal, əfçi ayzapsunal -
    Moṭoġoy ṗrannaxunal Q̣ONƷ́UĠON iriṭene.
    Mot'oğoy p'rannaxunal Q'ONČUĞON irit'ene.

Verse: 11    Lap äyläl iz ämälxone čalxesṭa,
   Lap əyləl iz əməlxone çalxest'a,
    Šoṭoġoy tämiz, düzgün nääl ḳori baksunene aḳesṭa.
    Şot'oğoy təmiz, düzgün nəəl k'ori baksunene ak'est'a.

Verse: 12    Ibakala u͑mu͑xxoval, aḳala pulmoġoval -
   İbakala ǔmǔxxoval, ak'ala pulmoğoval -
    Moṭoġoy ṗrannal Yaratmišiyo Q̣ONƷ́UXE.
    Mot'oğoy p'rannal Yaratmişiyo Q'ONČUXE.

Verse: 13    Basksuna ma čureki, tene käsib bakalnu,
   Basksuna ma çureki, tene kəsib bakalnu,
    Ayəġ baka ki, bolluġa ṗaṗavax.
    Ayığ baka ki, bolluğa p'ap'avax.

Verse: 14    Müštärinen "Pise, pis male", uneḳon,
   Müştərinen "Pise, pis male", unek'on,
    Haq̇i taciṭuxun oša isä tärifebon.
    Haq'i taśit'uxun oşa isə tərifebon.

Verse: 15    Q̣əzəle, toyexlu źe͑ne, morox bütüm bune,
   Q'ızıle, toyexlu ǰěne, morox bütüm bune,
    Müdrik äyit isä här šeyaxun däyärlune.
    Müdrik əyit isə hər şeyaxun dəyərlune.

Verse: 16    Q̣erṭay gala zamin čurḳalṭin iz paltaral girove tadon, *
   Q'ert'ay gala zamin çurk'alt'in iz paltaral girove tadon, *
    Haketäräl q̇ärib amdari gala zamin čurḳalṭine bon.
    Haketərəl q'ərib amdari gala zamin çurk'alt'ine bon.

Verse: 17    Feretsṭunen q̇azayinšala śum süfṭä muć̣ane bakon,
   Feretst'unen q'azayinşala šum süft'ə muč'ane bakon,
    Axərda isä źomo q̇umene buybakon.
    Axırda isə ǰomo q'umene buybakon.

Verse: 18    Šaaṭ q̇ärar č̣evkseynaḳ näsyätxo u͑mu͑xlaxa,
   Şaat' q'ərar c'evkseynak' nəsyətxo ǔmǔxlaxa,
    Davina baṭanal maslaaten ba.
    Davina bat'anal maslaaten ba.

Verse: 19    Äyittaradalen sirurxo qaypi yäymišebon,
   Əyittaradalen sirurxo qaypi yəymişebon,
    Šoṭaynaḳal metär amdaraxun ä͑xil baka.
    Şot'aynak'al metər amdaraxun ə̌xil baka.

Verse: 20    Bava, nana q̇arġišbalo
   Bava, nana q'arğişbalo
    Zülmätäq̇an baci, iz čiraġ aćeq̇an.
    Zülmətəq'an baśi, iz çirağ aç̌eq'an.

Verse: 21    Puldešiluġen haq̇eġala mirasen
   Puldeşiluğen haq'eğala mirasen
    Axərda xeyir tene ečon.
    Axırda xeyir tene eçon.

Verse: 22    "Me pisluġi äväzä č̣eġoz" ma upa,
   "Me pisluği əvəzə c'eğoz" ma upa,
    Q̣ONƷ́UĠO exṭibärba, Šoṭinal va q̇orišale.
    Q'ONČUĞO ext'ibərba, Şot'inal va q'orişale.

Verse: 23    Düz nu ayzaṗḳala źe͑naxun Q̣ONƷ́UĠON iriṭene,
   Düz nu ayzap'k'ala ǰěnaxun Q'ONČUĞON irit'ene,
    Šoṭin fereṭṭala täräziḳäl pise be͑ġsa.
    Şot'in feret't'ala tərəzik'əl pise běğsa.

Verse: 24    Amdari lä͑nge tüšäl aḳesṭalo Q̣ONƷ́UXE.
   Amdari lə̌nge tüşəl ak'est'alo Q'ONČUXE.
    P̣oy šina iz taġala yaq̇a q̇amišakon?
    P'oy şina iz tağala yaq'a q'amişakon?

Verse: 25    Amdara tälinä badalo šone ki,
   Amdara təlinə badalo şone ki,
    Buxaʒ́uġo niyätṗi, ošane šoṭay barada fikirbsa.
    Buxačuğo niyətp'i, oşane şot'ay barada fikirbsa.

Verse: 26    Müdrik padčaġen pisṭoġo č̣äḳṗi,
   Müdrik padçağen pist'oğo c'ək'p'i,
    Šoṭoġo dingen arum ṭaṗḳalṭullariḳ ṭaṗeḳon.
    Şot'oğo dingen arum t'ap'k'alt'ullarik' t'ap'ek'on.

Verse: 27    Q̣ONƷ́UĠON amdari viždanen
   Q'ONČUĞON amdari vijdanen
    Üḳe boš bakalṭoġone išiġbi ćoyel č̣evḳon.
    Ük'e boş bakalt'oğone işiğbi ç̌oyel c'evk'on.

Verse: 28    Padčaġa xeyirxaxluġen q̇a iz azuḳa ġać baksunene q̇orišon,
   Padçağa xeyirxaxluğen q'a iz azuk'a ğaç̌ baksunene q'orişon,
    Iz taxṭa xeyirxaxluġene möhḳäm efon.
    İz taxt'a xeyirxaxluğene möhk'əm efon.

Verse: 29    Zor ǯäyilxoy šäräfe,
   Zor cəyilxoy şərəfe,
    Mac̣i pop q̇ožoġoy.
    Mas'i pop q'ojoğoy.

Verse: 30    Yaroġon q̇a ṭaṗen amdara pisluġaxun tämizebon,
   Yaroğon q'a t'ap'en amdara pisluğaxun təmizebon,
    Ṭaṗesunen üḳäl düzebon.
    T'ap'esunen ük'əl düzebon.


Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.