TITUS
Biblia Udica, Versio Nizhensis: Vetus Testamentum
Part No. 299
Previous part

Chapter: 19 

Verse: 1    Käsib, ama iz üḳ tämiz amdar,
   Kəsib, ama iz ük' təmiz amdar,
    Äfči äyitḳala q̇ammazaxun šaaṭe.
    Əfçi əyitk'ala q'ammazaxun şaat'e.

Verse: 2    Avabaksun nu bakayin, sayǯä häväsen
   Avabaksun nu bakayin, saycə həvəsen
    Hiḳḳal bes tene bakon.
    Hik'k'al bes tene bakon.
    Kapḳalṭay turel lamanedon.
    Kapk'alt'ay turel lamanedon.

Verse: 3    Amdaren iz säfeyluġa göräne yaq̇a aćesṗon,
   Amdaren iz səfeyluğa görəne yaq'a aç̌esp'on,
    Üḳe boš isä Q̣ONƷ́UĠOY loxole äǯuġon biq̇on.
    Ük'e boş isə Q'ONČUĞOY loxole əcuğon biq'on.

Verse: 4    Var-dövläten dosṭurxo avuzebon,
   Var-dövləten dost'urxo avuzebon,
    Käsiben isä iz sa dosṭal aćesebon.
    Kəsiben isə iz sa dost'al aç̌esebon.

Verse: 5    Äfči äyitḳala šahid ǯazasuz tene mandon,
   Əfçi əyitk'ala şahid cazasuz tene mandon,
    Äfčiduġalen čarḳesun tene bä͑ġä͑bon.
    Əfçiduğalen çark'esun tene bə̌ğə̌bon.

Verse: 6    Geleṭoġone c̣ila amdarxoy piyes aḳesun čureġon,
   Gelet'oğone s'ila amdarxoy piyes ak'esun çureğon,
    Pay tadalṭaynaḳal dosṭ hämišä bä͑ġä͑neġon.
    Pay tadalt'aynak'al dost' həmişə bə̌ğə̌neğon.

Verse: 7    Käsibäxun iz vičimoġoyal zähläne baron,
   Kəsibəxun iz viçimoğoyal zəhləne baron,
    Lap dosṭurxoval šoṭoxun ä͑xilṭun taraḳon,
    Lap dost'urxoval şot'oxun ə̌xilt'un tarak'on,
    Xoyinśbi bać̣anexun bafaldayin, iču ə͑śa teṭun biton.
    Xoyinšbi bač'anexun bafaldayin, içu ı̌ša tet'un biton.

Verse: 8    Iz elmoġo čureġalṭin müdrikluġe qä͑veġon,
   İz elmoğo çureğalt'in müdrikluğe qə̌veğon,
    Q̣amišaksuna ġaćeġalṭin oore q̇azayinšon.
    Q'amişaksuna ğaç̌eğalt'in oore q'azayinşon.

Verse: 9    Äfči äyitḳala šahid ǯazasuz tene mandon,
   Əfçi əyitk'ala şahid cazasuz tene mandon,
    Äfčinen ćoyel čurḳalo biyone.
    Əfçinen ç̌oyel çurk'alo biyone.

Verse: 10    Q̣ammaza tamtaraġlu yäšäyinš nu yarayinšala ḳinäḳ,
   Q'ammaza tamtarağlu yəşəyinş nu yarayinşala k'inək',
    Ḳula aġay loxol kalaluġbsunal tene yarayinšbsa.
    K'ula ağay loxol kalaluğbsunal tene yarayinşbsa.

Verse: 11    Amdari q̇amišaksunen äǯuġa basḳesedon,
   Amdari q'amişaksunen əcuğa bask'esedon,
    Ṭə͑yä͑minṭay iču inǯitmišbsuna fikir nu tasṭunen ičeynaḳ šäräfe ečon.
    T'ı̌yə̌mint'ay içu incitmişbsuna fikir nu tast'unen içeynak' şərəfe eçon.

Verse: 12    Padčaġi äǯuġ aslani ġərəlti,
   Padçaği əcuğ aslani ğırılti,
    Iz iräziluġ isä oye loxol bakala xo ḳinäḳe.
    İz irəziluğ isə oye loxol bakala xo k'inək'e.

Verse: 13    Axmaġ ġar bavaynaḳ bäläne,
   Axmağ ğar bavaynak' bələne,
    Dava qä͑veġala čuux isä nu boṭbakala xene ḳaṭpsun ḳinäḳe.
    Dava qə̌veğala çuux isə nu bot'bakala xene k'at'psun k'inək'e.

Verse: 14    Ḳož, var-dövlät bavoġoxun,
   K'oj, var-dövlət bavoğoxun,
    Müdrik čuux isä - Q̣ONƷ́UĠOXUNE.
    Müdrik çuux isə - Q'ONČUĞOXUNE.

Verse: 15    Tänbälluġen bä͑ġä͑loy neṗe ečon,
   Tənbəlluğen bə̌ğə̌loy nep'e eçon,
    Avaraluġen amdara busane efon.
    Avaraluğen amdara busane efon.

Verse: 16    Ämirä ämälbalṭin iz elmoġone efon,
   Əmirə əməlbalt'in iz elmoğone efon,
    Iz yaq̇a nu fikir tadalo isä biyone.
    İz yaq'a nu fikir tadalo isə biyone.

Verse: 17    Käsibä kul boxodalṭin Q̣ONƷ́UĠONE borǯ tadi baksa,
   Kəsibə kul boxodalt'in Q'ONČUĞONE borc tadi baksa,
    Šoṭaynaḳ ki, Q̣ONƷ́UĠON ičin me äšlin äväzä tadale.
    Şot'aynak' ki, Q'ONČUĞON için me əşlin əvəzə tadale.

Verse: 18    Heq̇ädär ki č̣äyi tene vi ġara tärbiyä tada,
   Heq'ədər ki c'əyi tene vi ğara tərbiyə tada,
    Šoṭay äfčibaksuna hun taxsərkär ma baka.
    Şot'ay əfçibaksuna hun taxsırkər ma baka.

Verse: 19    Ičuxun usum č̣eġala amdaren iz ǯazina zaṗḳalane,
   İçuxun usum c'eğala amdaren iz cazina zap'k'alane,
    Šoṭo ćo tadayin, asṭaral čureġale.
    Şot'o ç̌o tadayin, ast'aral çureğale.

Verse: 20    Näsyätä u͑mu͑xlaxa, tärbiyinäl q̇abulba,
   Nəsyətə ǔmǔxlaxa, tərbiyinəl q'abulba,
    Metär bsunen müdriken bakon.
    Metər bsunen müdriken bakon.

Verse: 21    Amdaren iz üḳe boš gele šeye fikirbon,
   Amdaren iz ük'e boş gele şeye fikirbon,
    Axərənǯi äyit isä Q̣ONƷ́UĠOXUNE.
    Axırınci əyit isə Q'ONČUĞOXUNE.

Verse: 22    Amdara iz exṭibärlu baksunene čurecesṭa,
   Amdara iz ext'ibərlu baksunene çureśest'a,
    Käsib baksun fərəldaġči baksunaxun šaaṭe.
    Kəsib baksun fırıldağçi baksunaxun şaat'e.

Verse: 23    Q̣ONƷ́UĠO čalxsunen amdara yäšäyinšesedon,
   Q'ONČUĞO çalxsunen amdara yəşəyinşesedon,
    Šoṭo šär ə͑śa bakes tene bakon, šo arxayine basḳon.
    Şot'o şər ı̌ša bakes tene bakon, şo arxayine bask'on.

Verse: 24    Tänbälen iz kula q̇ave boš banedon,
   Tənbəlen iz kula q'ave boş banedon,
    Iz źomo tašṭuna isä ärikmišebakon.
    İz ǰomo taşt'una isə ərikmişebakon.

Verse: 25    Ćoboćuna ṭaṗenḳon - q̇ammazene ičeynaḳ därs exṭon,
   Ç̌oboç̌una t'ap'enk'on - q'ammazene içeynak' dərs ext'on,
    Ä͑xilaḳala töhmätbsunen isä, šoṭay müdrikluġane avuzbon.
    Ə̌xilak'ala töhmətbsunen isə, şot'ay müdrikluğane avuzbon.

Verse: 26    Bavay ćoyel qaybaki iz nana šäṗeġala ġar,
   Bavay ç̌oyel qaybaki iz nana şəp'eğala ğar,
    C̣i biyaburbala, šoṭoġoy ćoya mä͑yinbala ġare.
    S'i biyaburbala, şot'oğoy ç̌oya mə̌yinbala ğare.

Verse: 27    Bez ġar, näsyätä nu u͑mu͑xlaxayin,
   Bez ğar, nəsyətə nu ǔmǔxlaxayin,
    Müdrik äyitmoġoxun ä͑xil bakalnu!
    Müdrik əyitmoğoxun ə̌xil bakalnu!

Verse: 28    Rüšvät exṭala šahiden düzgünluġa laġane haq̇on,
   Rüşvət ext'ala şahiden düzgünluğa lağane haq'on,
    Pisṭoġon šärenṭun näfäs haq̇on.
    Pist'oğon şərent'un nəfəs haq'on.

Verse: 29    Ṭə͑yä͑minṭoġo masq̇arabalṭoġoynaḳ ǯaza,
   T'ı̌yə̌mint'oğo masq'arabalt'oğoynak' caza,
    Axmaġxoy bać̣aneynaḳal ṭape häzirbaksa.
    Axmağxoy bač'aneynak'al t'ape həzirbaksa.


Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.