TITUS
Biblia Udica, Versio Nizhensis: Vetus Testamentum
Part No. 298
Previous part

Chapter: 18 

Verse: 1    Sayǯä ičeynaḳ yäšäyinšalṭin ḳä čuresa bsane,
   Saycə içeynak' yəşəyinşalt'in k'ə çuresa bsane,
    Šaaṭ maslaatal q̇abul tenebsa.
    Şaat' maslaatal q'abul tenebsa.

Verse: 2    Q̣ammazen q̇amišaksun tää,
   Q'ammazen q'amişaksun təə,
    Iz avabakalṭune aḳesṭun čuresa.
    İz avabakalt'une ak'est'un çuresa.

Verse: 3    Šär äšlen hörmätsuzluġe ečon,
   Şər əşlen hörmətsuzluğe eçon,
    Habursuzluġen isä biyaburčuluġ.
    Habursuzluğen isə biyaburçuluğ.

Verse: 4    Amdari äyitmux bä͑ġä͑loy xeyurxone,
   Amdari əyitmux bə̌ğə̌loy xeyurxone,
    Müdrikluġi orayin - taġala oq.
    Müdrikluği orayin - tağala oq.

Verse: 5    Divanbaṭan pis amdara täräfkešluġbi
   Divanbat'an pis amdara tərəfkeşluğbi
    Taxsərsuz amdara haq̇suz č̣evksun šaaṭ tene.
    Taxsırsuz amdara haq'suz c'evksun şaat' tene.

Verse: 6    Q̣ammazi äyitmoġon iču bälinäne badon,
   Q'ammazi əyitmoğon içu bəlinəne badon,
    Iz muzen iču ṭapesedon.
    İz muzen içu t'apesedon.

Verse: 7    Q̣ammazi muzen iču äfčinebon,
   Q'ammazi muzen içu əfçinebon,
    Iz äyitmuxǯä ičeynaḳ täläne bakon.
    İz əyitmuxcə içeynak' tələne bakon.

Verse: 8    Äyittaradalṭay äyitmux läzätlu tikoox ḳinäḳe,
   Əyittaradalt'ay əyitmux ləzətlu tikoox k'inək'e,
    Q̣oq̇exun hasande č̣ovaksa.
    Q'oq'exun hasande c'ovaksa.

Verse: 9    Iz äšläsṭa tänbäl bakalo
   İz əşləst'a tənbəl bakalo
    Carḳal bakalṭuxun vičine.
    Üark'al bakalt'uxun viçine.

Verse: 10    Q̣ONƷ́UX möhḳäm sa q̇alane,
   Q'ONČUX möhk'əm sa q'alane,
    Düzgün amdareynaḳ bać̣ane.
    Düzgün amdareynak' bač'ane.

Verse: 11    Varlu amdareynaḳ iz dövlät sa q̇alala šähäre,
   Varlu amdareynak' iz dövlət sa q'alala şəhəre,
    Šo iz piyes nu careġala bari ḳinäḳe.
    Şo iz piyes nu śareğala bari k'inək'e.

Verse: 12    Amdari iču ala biq̇sunen iz aǯalane ṗaṗespsa,
   Amdari içu ala biq'sunen iz acalane p'ap'espsa,
    Oq̇a biq̇sunen isä hörmätä.
    Oq'a biq'sunen isə hörmətə.

Verse: 13    Ibakinuṭ ǯoġab tasṭun,
   İbakinut' coğab tast'un,
    Säfeyluġ saal biyaburčuluġe.
    Səfeyluğ saal biyaburçuluğe.

Verse: 14    Üḳäxun osṭaar amdara azarenal tene saksa,
   Ük'əxun ost'aar amdara azarenal tene saksa,
    Ama üḳ xä͑xä͑nesa, moṭo hetäre portbon?
    Ama ük' xə̌xə̌nesa, mot'o hetəre portbon?

Verse: 15    Ä͑xilaḳalṭin iz üḳe boš biliye topbon,
   Ə̌xilak'alt'in iz ük'e boş biliye topbon,
    Müdrik amdari u͑mu͑x biliyeynaḳ qaye.
    Müdrik amdari ǔmǔx biliyeynak' qaye.

Verse: 16    Pay tasṭunen amdareynaḳ yaq̇e qayḳon,
   Pay tast'unen amdareynak' yaq'e qayk'on,
    Šoṭo kakala amdarxoy be͑śe tašon.
    Şot'o kakala amdarxoy běše taşon.

Verse: 17    Ṭə͑yä͑mi täräfen hari äšlä silisṭbamin,
   T'ı̌yə̌mi tərəfen hari əşlə silist'bamin,
    Divanbala gala samǯi äyitḳalṭay uḳalorox düze aḳeġon.
    Divanbala gala samci əyitk'alt'ay uk'alorox düze ak'eğon.

Verse: 18    Buxaʒ́uġoy čureġalṭu avabakseynaḳ boseġala čöpen davina basḳesedon,
   Buxačuğoy çureğalt'u avabakseynak' boseğala çöpen davina bask'esedon,
    Davabalṭoġo sun-sunaxun ǯöyebon.
    Davabalt'oğo sun-sunaxun cöyebon.

Verse: 19    Vičimoġoy arane bakala dava ćomo šäfṭälü q̇ala ḳinäḳe,
   Viçimoğoy arane bakala dava ç̌omo şəft'əlü q'ala k'inək'e,
    Oro vičäxun barišaksun q̇alala šähärä haq̇sunaxun čätine.
    Oro viçəxun barişaksun q'alala şəhərə haq'sunaxun çətine.

Verse: 20    Amdaren iz uḳala äyitmoġoy,
   Amdaren iz uk'ala əyitmoğoy,
    Iz muze piṭoġoy nätiǯinäne aḳon.
    İz muze pit'oğoy nəticinəne ak'on.

Verse: 21    Muzen amdara yäšäyinšäl tanešon, bisunal,
   Muzen amdara yəşəyinşəl taneşon, bisunal,
    Äyitpsun čureġalṭinal iz uḳalṭoġoy bara aḳale.
    Əyitpsun çureğalt'inal iz uk'alt'oğoy bara ak'ale.

Verse: 22    Čuux haq̇sunen šaaṭluġen bä͑ġä͑bon,
   Çuux haq'sunen şaat'luğen bə̌ğə̌bon,
    Q̣ONƷ́UĠOY iräziluġan haq̇on.
    Q'ONČUĞOY irəziluğan haq'on.

Verse: 23    Käsiben xoyinśene äyitḳon,
   Kəsiben xoyinšene əyitk'on,
    Varlunen isä särt ǯoġabe tadon.
    Varlunen isə sərt coğabe tadon.

Verse: 24    Dosṭurxo gelebsunen amdara sanekon,
   Dost'urxo gelebsunen amdara sanekon,
    Ama äsil dosṭ vičäxunal ə͑śane.
    Ama əsil dost' viçəxunal ı̌šane.


Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.