TITUS
Biblia Udica, Versio Nizhensis: Vetus Testamentum
Part No. 297
Previous part

Chapter: 17 

Verse: 1    Q̣ari sa ḳoṭor śum bakala ser ḳož
   Q'ari sa k'ot'or šum bakala ser k'oj
    Käyi-u͑ġsunen buy höǯät bakala ḳožaxun šaaṭe.
    Kəyi-ǔğsunen buy höcət bakala k'ojaxun şaat'e.

Verse: 2    Müdrik nökär c̣ibiyaburbal ġare aġane bakon,
   Müdrik nökər s'ibiyaburbal ğare ağane bakon,
    Šoṭay vičimoġoxun barabar mirasi paye haq̇on.
    Şot'ay viçimoğoxun barabar mirasi paye haq'on.

Verse: 3    Q̣əzəl-gümüši tämizluġ gam buxarin boše ćoyel č̣eġon,
   Q'ızıl-gümüşi təmizluğ gam buxarin boşe ç̌oyel c'eğon,
    Üḳe boš bakalṭu isä Q̣ONƷ́UĠONE yoxlayinšon.
    Ük'e boş bakalt'u isə Q'ONČUĞONE yoxlayinşon.

Verse: 4    Pis amdaren šär bakalṭay exlätxone fikir tadon,
   Pis amdaren şər bakalt'ay exlətxone fikir tadon,
    Äfčiduġalen äšgaldali äyitmoġone u͑mu͑xlaxon.
    Əfçiduğalen əşgaldali əyitmoğone ǔmǔxlaxon.

Verse: 5    Käsibä masq̇arabalṭin šoṭo Yaraṭmišalṭune ṭo͑o͑xbon,
   Kəsibə masq'arabalt'in şot'o Yarat'mişalt'une t'ǒǒxbon,
    Q̣erṭay därdä mu͑q bakalo ǯazasuz tene mandon.
    Q'ert'ay dərdə mǔq bakalo cazasuz tene mandon.

Verse: 6    Q̣ožaṭoġoy biin taǯ ičoġoy nävooxe,
   Q'ojat'oğoy biin tac içoğoy nəvooxe,
    Ġarmoġoyal šäräf ičoġoy bavoox.
    Ğarmoğoyal şərəf içoğoy bavoox.

Verse: 7    Q̣ammaza haq̇ullu exlät nu yarayinšala ḳinäḳ
   Q'ammaza haq'ullu exlət nu yarayinşala k'inək'
    Kalaluġbalal äfči exlät sal tene yarayinšbsa.
    Kalaluğbalal əfçi exlət sal tene yarayinşbsa.

Verse: 8    Rüšvät tadalṭay piyes iz rüšvät sa piin čile,
   Rüşvət tadalt'ay piyes iz rüşvət sa piin çile,
    Šoṭaynaḳ ki, mani täräf taġayin, q̇azanǯe ešṭa.
    Şot'aynak' ki, mani tərəf tağayin, q'azance eşt'a.

Verse: 9    Günaxi looxun butḳalṭin serluġe qä͑veġon,
   Günaxi looxun butk'alt'in serluğe qə̌veğon,
    Šoṭo hämišä ćoyel duġalṭin isä iz ə͑śa dosṭurxone aćesṗon.
    Şot'o həmişə ç̌oyel duğalt'in isə iz ı̌ša dost'urxone aç̌esp'on.

Verse: 10    Q̣amiš amdara sa töhmäten,
   Q'amiş amdara sa töhməten,
    Axmaġa duġeġala sabać q̇apazaxun gelene täsirbsa.
    Axmağa duğeğala sabaç̌ q'apazaxun gelene təsirbsa.

Verse: 11    Pis amdaren insanxo sayǯä davinane ḳale,
   Pis amdaren insanxo saycə davinane k'ale,
    Q̣äddar elčinal šoṭaynaḳ yaq̇abalṭun.
    Q'əddar elçinal şot'aynak' yaq'abalt'un.

Verse: 12    Baloġo aćesṗi sa śuyena iräsṭeysun
   Baloğo aç̌esp'i sa šuyena irəst'eysun
    Q̣ammaza iz säfeyluġi boš iräsṭeysunaxun šaaṭe.
    Q'ammaza iz səfeyluği boş irəst'eysunaxun şaat'e.

Verse: 13    Šin šaaṭluġi gala pisluġ bayin,
   Şin şaat'luği gala pisluğ bayin,
    Iz ḳoyaxun pisluġ tene ǯöybakal.
    İz k'oyaxun pisluğ tene cöybakal.

Verse: 14    Höǯäti burqesun xene bande qayesunane ošq̇ar,
   Höcəti burqesun xene bande qayesunane oşq'ar,
    Dava q̇əzəšakamin šoṭay be͑śinä͑mä͑ haq̇a.
    Dava q'ızışakamin şot'ay běšinə̌mə̌ haq'a.

Verse: 15    Ham taxsərkärṭu haq̇lu č̣evḳalo,
   Ham taxsırkərt'u haq'lu c'evk'alo,
    Ham düzgünṭu taxsərkär č̣evḳalo -
    Ham düzgünt'u taxsırkər c'evk'alo -
    Moṭoġoy ṗrannaṭuxunal Q̣ONƷ́UĠON iriṭene.
    Mot'oğoy p'rannat'uxunal Q'ONČUĞON irit'ene.

Verse: 16    Q̣ammazi tängä baksuni ḳä xeyiräbu?
   Q'ammazi təngə baksuni k'ə xeyirəbu?
    Haq̇əl nu bakala gala müdrikluġa hetär haq̇ale?
    Haq'ıl nu bakala gala müdrikluğa hetər haq'ale?

Verse: 17    Dosṭen hämišäne čureġon,
   Dost'en həmişəne çureğon,
    Vičiyal ṭar ġinene vi därdä šärik bakon.
    Viçiyal t'ar ğinene vi dərdə şərik bakon.

Verse: 18    Sayǯä haq̇əlsuzene ṭə͑yä͑minṭay gala äyit tadi
   Saycə haq'ılsuzene t'ı̌yə̌mint'ay gala əyit tadi
    Šoṭay gala zamin čurḳon.
    Şot'ay gala zamin çurk'on.

Verse: 19    Dava čureġalṭin günaxe čuresa,
   Dava çureğalt'in günaxe çuresa,
    Iču ala biq̇alṭin bisṭune qä͑vesa.
    İçu ala biq'alt'in bist'une qə̌vesa.

Verse: 20    Ičusṭa äfči bakalṭin xeyir tene bä͑ġä͑bon,
   İçust'a əfçi bakalt'in xeyir tene bə̌ğə̌bon,
    Bič̣luġ äšṗesṭi äyitḳaloval bälinäne bafṭon.
    Bic'luğ əşp'est'i əyitk'aloval bəlinəne baft'on.

Verse: 21    Axmaġi bavan därde bä͑ġä͑bon,
   Axmaği bavan dərde bə̌ğə̌bon,
    Sarsaġi bavay mu͑qluġ anećon.
    Sarsaği bavay mǔqluğ aneç̌on.

Verse: 22    Üḳe mu͑qluġ elmoġoynaḳ än šaaṭ därmäne,
   Ük'e mǔqluğ elmoğoynak' ən şaat' dərməne,
    Üḳ xä͑xä͑yesunen isä amdari elmoġone haq̇on.
    Ük' xə̌xə̌yesunen isə amdari elmoğone haq'on.

Verse: 23    Šär amdaren č̣äṗḳin rüšväte exṭon ki,
   Şər amdaren c'əp'k'in rüşvəte ext'on ki,
    Düzgünluġa pozmišane.
    Düzgünluğa pozmişane.

Verse: 24    Q̣amiš amdari fikir müdrikluġi loxole bakon,
   Q'amiş amdari fikir müdrikluği loxole bakon,
    Axmaġi isä ṭiya-miya.
    Axmaği isə t'iya-miya.

Verse: 25    Axmaġ ġar iz bavaynaḳ bäläne,
   Axmağ ğar iz bavaynak' bələne,
    Iz nanaynaḳal q̇ubar.
    İz nanaynak'al q'ubar.

Verse: 26    Nä düzgün amdara ǯärimäbsun,
   Nə düzgün amdara cəriməbsun,
    Nä c̣ila amdara iz düzgünluġa görä ṭaṗsun šaaṭ äš tene.
    Nə s'ila amdara iz düzgünluğa görə t'ap'sun şaat' əş tene.

Verse: 27    Gele avabakalṭin male äyite,
   Gele avabakalt'in male əyite,
    Müdrik amdaren iz äyiti q̇ädiräne ava.
    Müdrik amdaren iz əyiti q'ədirəne ava.

Verse: 28    Šiṗ čurḳayin, säfeyal müdrike hesab bakon,
   Şip' çurk'ayin, səfeyal müdrike hesab bakon,
    Źomo buṭḳayin, šoval haq̇ullune aḳeġon.
    J̌omo but'k'ayin, şoval haq'ullune ak'eğon.


Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.