TITUS
Biblia Udica, Versio Nizhensis: Vetus Testamentum
Part No. 296
Previous part

Chapter: 16 

Verse: 1    Amdaren iz üḳe boš fikirebon,
   Amdaren iz ük'e boş fikirebon,
    Axərənǯi äyitä isä Q̣ONƷ́UĠONE uḳon.
    Axırınci əyitə isə Q'ONČUĞONE uk'on.

Verse: 2    Amdari bütüm yaq̇mux iz piyes tämize aḳeġon,
   Amdari bütüm yaq'mux iz piyes təmize ak'eğon,
    Q̣ONƷ́UĠON isä üḳe boš bakalṭoġone yoxlayinšon.
    Q'ONČUĞON isə ük'e boş bakalt'oğone yoxlayinşon.

Verse: 3    Vi biq̇ala äšurxo Q̣ONƷ́UĠO tapšurba,
   Vi biq'ala əşurxo Q'ONČUĞO tapşurba,
    Ṭe vädä vi niyätxo bex ṗaṗale.
    T'e vədə vi niyətxo bex p'ap'ale.

Verse: 4    Q̣ONƷ́UĠON här šeya Iz mäksädeynaḳe yaratmiše,
   Q'ONČUĞON hər şeya İz məksədeynak'e yaratmişe,
    Pis amdaral bälä ġineynaḳ.
    Pis amdaral bələ ğineynak'.

Verse: 5    Q̣ONƷ́UĠON ičoġo ala efalṭoġoxun iriṭene,
   Q'ONČUĞON içoğo ala efalt'oğoxun irit'ene,
    Avabaka, šorox ǯazasuz teṭun mandal.
    Avabaka, şorox cazasuz tet'un mandal.

Verse: 6    Buxaʒ́uġo čuresunen q̇a Šoṭo ġać baksunen günaxxo oc̣eḳsa,
   Buxačuğo çuresunen q'a Şot'o ğaç̌ baksunen günaxxo os'ek'sa,
    Q̣ONƷ́UĠO čalxsunenal pisluġaxun qayesṭa.
    Q'ONČUĞO çalxsunenal pisluğaxun qayest'a.

Verse: 7    Amdari yäšäyinšaxunQ̣ONƷ́UX iräzi mandayin,
   Amdari yəşəyinşaxunQ'ONČUX irəzi mandayin,
    Düšmänxoval šoṭoxun barišdirišebsa.
    Düşmənxoval şot'oxun barişdirişebsa.

Verse: 8    Düzgünluġen q̇azayinšala mal šey
   Düzgünluğen q'azayinşala mal şey
    Haq̇suz yaq̇en topbi gele q̇azanǯaxun šaaṭe.
    Haq'suz yaq'en topbi gele q'azancaxun şaat'e.

Verse: 9    Amdaren iz yaq̇a č̣äḳeḳon,
   Amdaren iz yaq'a c'ək'ek'on,
    Ama Q̣ONƷ́UĠON tadi yaq̇ene taġon.
    Ama Q'ONČUĞON tadi yaq'ene tağon.

Verse: 10    Padčaġen iz ä͑xilaksunluġene äyitḳon,
   Padçağen iz ə̌xilaksunluğene əyitk'on,
    Divanbsunasṭal särf tenebon.
    Divanbsunast'al sərf tenebon.

Verse: 11    Düzgün täräziḳen ayzapsun Q̣ONƷ́UĠOXUNE,
   Düzgün tərəzik'en ayzapsun Q'ONČUĞOXUNE,
    Torayin boš bakala här ayzaṗḳala źe͑yal Šoṭay kiin äše.
    Torayin boş bakala hər ayzap'k'ala ǰěyal Şot'ay kiin əşe.

Verse: 12    Šär äšur biq̇sunaxun padčaġxon iriṭṭunḳon,
   Şər əşur biq'sunaxun padçağxon irit't'unk'on,
    Šoṭaynaḳ ki, düzgünluġene taxṭa möhḳämbon.
    Şot'aynak' ki, düzgünluğene taxt'a möhk'əmbon.

Verse: 13    Padčaġxo düzgün amdari äyitḳalṭuxunṭun iräzi mandon,
   Padçağxo düzgün amdari əyitk'alt'uxunt'un irəzi mandon,
    Šoṭoġon düz äyitḳala amdaraṭun čureġon.
    Şot'oğon düz əyitk'ala amdarat'un çureğon.

Verse: 14    Padčaġi äǯuġon bisuni xavare ečon,
   Padçaği əcuğon bisuni xavare eçon,
    Müdrik amdaren isä me äǯuġa basḳesedon.
    Müdrik amdaren isə me əcuğa bask'esedon.

Verse: 15    Padčaġi ćoyen axśumenesa, avabaka, yäšäyinš bune,
   Padçaği ç̌oyen axšumenesa, avabaka, yəşəyinş bune,
    Šoṭay iräziluġ här šeya göyünbala źoġulin aġalinane ošq̇ar.
    Şot'ay irəziluğ hər şeya göyünbala ǰoğulin ağalinane oşq'ar.

Verse: 16    Q̣əzəlaxunsa müdrikluġ q̇azayinšbsun šaaṭe,
   Q'ızılaxunsa müdrikluğ q'azayinşbsun şaat'e,
    Gümüš tää, avabaksun topbsun šaaṭe.
    Gümüş təə, avabaksun topbsun şaat'e.

Verse: 17    Üḳtämizorox pisluġi yaq̇axun ṭiṭunsṭa,
   Ük'təmizorox pisluği yaq'axun t'it'unst'a,
    Iz yaq̇a nu azdərišalṭinal iz elmoġone q̇orišbsa.
    İz yaq'a nu azdırişalt'inal iz elmoğone q'orişbsa.

Verse: 18    Äfčibaksuna tikbašluġene ečon,
   Əfçibaksuna tikbaşluğene eçon,
    Bisṭunal lovġaluġen.
    Bist'unal lovğaluğen.

Verse: 19    Faġərxoy arane vi sa ḳoṭor śuma uksun,
   Fağırxoy arane vi sa k'ot'or šuma uksun,
    Tikbašxoxun talanbi mala ǯöybsunaxun šaaṭe.
    Tikbaşxoxun talanbi mala cöybsunaxun şaat'e.

Verse: 20    Tärbiyinä u͑mu͑xlaxalṭin xeyire bä͑ġä͑bon,
   Tərbiyinə ǔmǔxlaxalt'in xeyire bə̌ğə̌bon,
    Q̣ONƷ́UĠO güväyinšakala amdar he bäxṭäväre!
    Q'ONČUĞO güvəyinşakala amdar he bəxt'əvəre!

Verse: 21    Iz üḳe müdrik bakalo ä͑xilaḳale ḳalesa,
   İz ük'e müdrik bakalo ə̌xilak'ale k'alesa,
    Amdarxoval muć̣a äyitä usume basksa.
    Amdarxoval muč'a əyitə usume basksa.

Verse: 22    Q̣amišaksun - yäšäyinšesṭala orayine,
   Q'amişaksun - yəşəyinşest'ala orayine,
    Axmaġi ǯaza isä iz säfeyluġ.
    Axmaği caza isə iz səfeyluğ.

Verse: 23    Müdrik äyitmux müdrik amdaraxune č̣eġon,
   Müdrik əyitmux müdrik amdaraxune c'eğon,
    Ṭe äyitmoġonal amdara ve͑desedon.
    T'e əyitmoğonal amdara vědesedon.

Verse: 24    Šaaṭ äyitmux - šame boš uć̣ ḳinäḳe,
   Şaat' əyitmux - şame boş uč' k'inək'e,
    Elmoġo q̇olayebon, u͑q̇e͑nxo osṭaarebon.
    Elmoğo q'olayebon, ǔq'ěnxo ost'aarebon.

Verse: 25    Ṭetär yaq̇o ki, amdari piyes düze aḳesa,
   T'etər yaq'o ki, amdari piyes düze ak'esa,
    Ama šoṭay axər bisune.
    Ama şot'ay axır bisune.

Verse: 26    Äšṗalen iz tapana boševkseynaḳe zähmät zaṗe,
   Əşp'alen iz tapana boşevkseynak'e zəhmət zap'e,
    Busaluġene šoṭo mäǯburbsa.
    Busaluğene şot'o məcburbsa.

Verse: 27    Yaramazen amdarxoynaḳ kure kaśe,
   Yaramazen amdarxoynak' kure kaše,
    Iz äyitmoġonal arux ḳinäḳ boḳosṗi-cinne.
    İz əyitmoğonal arux k'inək' bok'osp'i-śinne.

Verse: 28    Äfčiduġalen davane galdon,
   Əfçiduğalen davane galdon,
    Äyit tarasṭunen ə͑śa dosṭurxoval ǯöyebon.
    Əyit tarast'unen ı̌ša dost'urxoval cöyebon.

Verse: 29    Q̣äddar amdaren iz ə͑śaṭoġo fereṭedon,
   Q'əddar amdaren iz ı̌šat'oğo feret'edon,
    Šoṭoġo šaaṭ nu bakala yaq̇ane zaṗḳon.
    Şot'oğo şaat' nu bakala yaq'ane zap'k'on.

Verse: 30    Pis niyäten pul q̇ič̣ḳalṭay fikir šäre bakon,
   Pis niyəten pul q'ic'k'alt'ay fikir şəre bakon,
    Źomo ḳoribalṭay äšuruxal šaaṭ tene bakon.
    J̌omo k'oribalt'ay əşuruxal şaat' tene bakon.

Verse: 31    Mac̣i baki pop c̣aldala taǯe,
   Mas'i baki pop s'aldala tace,
    Düzgünluġi yaq̇e q̇azanǯe.
    Düzgünluği yaq'e q'azance.

Verse: 32    Q̣oččaġ baksunaxunsa säbürlu baksun šaaṭe,
   Q'oççağ baksunaxunsa səbürlu baksun şaat'e,
    Ičuxun usum nu č̣eġalo šähärä haq̇alṭuxun zorbane.
    İçuxun usum nu c'eğalo şəhərə haq'alt'uxun zorbane.

Verse: 33    Čöpä amdarene bosṭa,
   Çöpə amdarene bost'a,
    Ama här q̇ärara Q̣ONƷ́UĠONE tasṭa.
    Ama hər q'ərara Q'ONČUĞONE tast'a.


Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.