TITUS
Biblia Udica, Versio Nizhensis: Vetus Testamentum
Part No. 295
Previous part

Chapter: 15 

Verse: 1    Ǯügü ǯoġaben hirsä basḳesedon,
   Cügü coğaben hirsə bask'esedon,
    Särt äyiten isä äǯuġane bäč̣üḳton.
    Sərt əyiten isə əcuğane bəc'ük'ton.

Verse: 2    Müdrikṭoġoy muzen avabaksunane tärifbon,
   Müdrikt'oğoy muzen avabaksunane tərifbon,
    Axmaġxoy muzexun isä säfeyluġe baron.
    Axmağxoy muzexun isə səfeyluğe baron.

Verse: 3    Q̣ONƷ́UĠOY piin här šeya aneksa,
   Q'ONČUĞOY piin hər şeya aneksa,
    Iz pul pisṭoġoyal, šaaṭṭoġoyal loxole baksa.
    İz pul pist'oğoyal, şaat't'oğoyal loxole baksa.

Verse: 4    Muć̣a äyitmoġon amdara yäšäyinšesedon,
   Muč'a əyitmoğon amdara yəşəyinşesedon,
    Äfči äyitmoġon isä üḳe xä͑xä͑ḳon.
    Əfçi əyitmoğon isə ük'e xə̌xə̌k'on.

Verse: 5    Säfeyen bavay tadala tärbiyinä laġane haq̇on,
   Səfeyen bavay tadala tərbiyinə lağane haq'on,
    Töhmätä u͑mu͑xlaxalo isä ä͑xilaḳale bakon.
    Töhmətə ǔmǔxlaxalo isə ə̌xilak'ale bakon.

Verse: 6    Düzgünṭay ḳoya kala dövläto,
   Düzgünt'ay k'oya kala dövləto,
    Šär amdari isä q̇azanǯenal iču äzabe tadon.
    Şər amdari isə q'azancenal içu əzabe tadon.

Verse: 7    Müdrikṭay muzen avabaksune yäymišon,
   Müdrikt'ay muzen avabaksune yəymişon,
    Axmaġi isä moṭo haq̇əl tene ṗoyeġon.
    Axmaği isə mot'o haq'ıl tene p'oyeğon.

Verse: 8    Q̣ONƷ́UĠON šär amdari ečala q̇urbanaxunal iriṭene,
   Q'ONČUĞON şər amdari eçala q'urbanaxunal irit'ene,
    Üḳtämizṭoġoy isä afərənaxun iräzine mansṭa.
    Ük'təmizt'oğoy isə afırınaxun irəzine manst'a.

Verse: 9    Q̣ONƷ́UĠON šär amdari taġala yaq̇axun iriṭene,
   Q'ONČUĞON şər amdari tağala yaq'axun irit'ene,
    Düzgünluġi bać̣anexun taġalṭu isä čuresa.
    Düzgünluği bač'anexun tağalt'u isə çuresa.

Verse: 10    Düz yaq̇axun č̣eġalṭu bə͑hi ǯazane tadeġon,
   Düz yaq'axun c'eğalt'u bı̌hi cazane tadeğon,
    Töhmätä nifrätbalṭaynaḳal bisune eġon.
    Töhmətə nifrətbalt'aynak'al bisune eğon.

Verse: 11    Bisuni q̇a ṗuriṭoġoy mäsḳänäl Q̣ONƷ́UĠOY piin be͑śe,
   Bisuni q'a p'urit'oğoy məsk'ənəl Q'ONČUĞOY piin běše,
    Mandene ki, amdari üḳ.
    Mandene ki, amdari ük'.

Verse: 12    Amdarxo laġa haq̇alṭin töhmätä tene q̇abulbon,
   Amdarxo lağa haq'alt'in töhmətə tene q'abulbon,
    Müdrik amdarxoxunal maslaat tene haq̇on.
    Müdrik amdarxoxunal maslaat tene haq'on.

Verse: 13    Üḳ mu͑qbakaṭan amdari ćoyenal axśumeḳon,
   Ük' mǔqbakat'an amdari ç̌oyenal axšumek'on,
    Därden isä amdara xä͑xä͑neḳon.
    Dərden isə amdara xə̌xə̌nek'on.

Verse: 14    Ä͑xilaḳalxon avabaksune qä͑veġon,
   Ə̌xilak'alxon avabaksune qə̌veğon,
    Axmaġxo isä ičoġoy säfeyluġ bäse bakon.
    Axmağxo isə içoğoy səfeyluğ bəse bakon.

Verse: 15    Faġəri här ġi mä͑yine,
   Fağıri hər ği mə̌yine,
    Izi här ġina müq bakala amdareynaḳ isä hämišä q̇onaxluġ.
    İzi hər ğina müq bakala amdareynak' isə həmişə q'onaxluğ.

Verse: 16    Q̣ONƷ́UĠO čalxsunen q̇azayinši mal šey
   Q'ONČUĞO çalxsunen q'azayinşi mal şey
    Narahatluġi boš gireci kala xäzininäxun šaaṭe.
    Narahatluği boş gireśi kala xəzininəxun şaat'e.

Verse: 17    Čuresun bakala gala göyin uksun
   Çuresun bakala gala göyin uksun
    Nifrät bakala gala č̣äyinäx araḳi yeq̇ uksunaxun šaaṭe.
    Nifrət bakala gala c'əyinəx arak'i yeq' uksunaxun şaat'e.

Verse: 18    Ičuxun usum č̣eġalṭin davina yaratmišebsa,
   İçuxun usum c'eğalt'in davina yaratmişebsa,
    Portbalṭin isä davina basḳesesṭa.
    Portbalt'in isə davina bask'esest'a.

Verse: 19    Tänbäli yaq̇a cacene haq̇on,
   Tənbəli yaq'a śaśene haq'on,
    Üḳtämizṭoġoy yaq̇ isä genge.
    Ük'təmizt'oğoy yaq' isə genge.

Verse: 20    Müdrik ġaren iz bava mu͑qedon,
   Müdrik ğaren iz bava mǔqedon,
    Axmaġen isä iz nana biyaburebon.
    Axmağen isə iz nana biyaburebon.

Verse: 21    Q̣ammaz säfeyluġaxune mu͑qbakon,
   Q'ammaz səfeyluğaxune mǔqbakon,
    Q̣amišakala amdar isä düz yaq̇ene taġon.
    Q'amişakala amdar isə düz yaq'ene tağon.

Verse: 22    Maslaat nu bakala gala amdari čureġalo bex tene ṗaṗon,
   Maslaat nu bakala gala amdari çureğalo bex tene p'ap'on,
    Düz näsyät tadal gele bakala gala isä, oore eġon.
    Düz nəsyət tadal gele bakala gala isə, oore eğon.

Verse: 23    Amdari ǯoġab tasṭeynaḳ äyit bakaṭan mu͑qe bakon,
   Amdari coğab tast'eynak' əyit bakat'an mǔqe bakon,
    Äyitä iz gala upsun he šaaṭe!
    Əyitə iz gala upsun he şaat'e!

Verse: 24    Müdrikṭay yaq̇en iču ala,
   Müdrikt'ay yaq'en içu ala,
    Gärämzoġoxun ä͑xil bakala yaq̇ene tašṭa.
    Gərəmzoğoxun ə̌xil bakala yaq'ene taşt'a.

Verse: 25    Q̣ONƷ́UĠON ičuxun iräzi amdari ḳožane carḳon,
   Q'ONČUĞON içuxun irəzi amdari k'ojane śark'on,
    Süpür čuġoy oćala isä q̇orišebon.
    Süpür çuğoy oç̌ala isə q'orişebon.

Verse: 26    Pis fikirxoxun Q̣ONƷ́UĠON iriṭene,
   Pis fikirxoxun Q'ONČUĞON irit'ene,
    Šaaṭ äyitmoġoxun isä Šo iräzine.
    Şaat' əyitmoğoxun isə Şo irəzine.

Verse: 27    Tamaxkären iz külfätä koruġane badon,
   Tamaxkəren iz külfətə koruğane badon,
    Rüšfätä nifrätbalṭay ömür isä boxoye bakon.
    Rüşfətə nifrətbalt'ay ömür isə boxoye bakon.

Verse: 28    Düzgün amdaren ǯoġaba fikirbine tadon,
   Düzgün amdaren coğaba fikirbine tadon,
    Šär amdari isä muzexun pisluġe baron.
    Şər amdari isə muzexun pisluğe baron.

Verse: 29    Q̣ONƷ́UX šär amdarxoxun ä͑xile čurḳon,
   Q'ONČUX şər amdarxoxun ə̌xile çurk'on,
    Düzgün amdarxoy isä afərəna inebakon.
    Düzgün amdarxoy isə afırına inebakon.

Verse: 30    Axśumḳala pulmoġon üḳäne mu͑qṭon,
   Axšumk'ala pulmoğon ük'əne mǔqt'on,
    Šaaṭ xavarenal amdara parvazlayinšebon.
    Şaat' xavarenal amdara parvazlayinşebon.

Verse: 31    Xeyir tadala töhmätä u͑mu͑xlaxalṭay ga
   Xeyir tadala töhmətə ǔmǔxlaxalt'ay ga
    Müdrik amdarxoy aranene bakon.
    Müdrik amdarxoy aranene bakon.

Verse: 32    Tärbiyinä iradbalṭin ičune zäräl tadon,
   Tərbiyinə iradbalt'in içune zərəl tadon,
    Töhmätä u͑mu͑xlaxalṭin isä avabaksune q̇azayinšon.
    Töhmətə ǔmǔxlaxalt'in isə avabaksune q'azayinşon.

Verse: 33    Q̣ONƷ́UĠO čalxsunen müdrikluġane zombon,
   Q'ONČUĞO çalxsunen müdrikluğane zombon,
    Äyitä be͑ġsunenal hörmäte ečon.
    Əyitə běğsunenal hörməte eçon.


Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.