TITUS
Biblia Udica, Versio Nizhensis: Vetus Testamentum
Part No. 294
Previous part

Chapter: 14 

Verse: 1    Müdrik čuġon iz ḳoža osṭaarebon,
   Müdrik çuğon iz k'oja ost'aarebon,
    Q̣ammaz čuġon isä šoṭo iz kiin careḳon.
    Q'ammaz çuğon isə şot'o iz kiin śarek'on.

Verse: 2    Düz yaq̇en taġalṭinQ̣ONƷ́UĠO čalexon,
   Düz yaq'en tağalt'inQ'ONČUĞO çalexon,
    Ḳori yaq̇a bakalṭin isä Šoṭo ṭo͑o͑xebon.
    K'ori yaq'a bakalt'in isə Şot'o t'ǒǒxebon.

Verse: 3    Q̣ammazi bać̣anen iz lovġa äyitmoġo görä ṭaṗe ukon,
   Q'ammazi bač'anen iz lovğa əyitmoğo görə t'ap'e ukon,
    Müdrikṭoġoy muzen isä ičoġo q̇orišebon.
    Müdrikt'oğoy muzen isə içoğo q'orişebon.

Verse: 4    Käl nu bakala gala nä͑val amc̣ine bakon,
   Kəl nu bakala gala nə̌val ams'ine bakon,
    Ama käle zorene bol mähsul ečon.
    Ama kəle zorene bol məhsul eçon.

Verse: 5    Düzgün šahiden äfči tene uḳon,
   Düzgün şahiden əfçi tene uk'on,
    Äfči šahiden isä iz äfčinene näfäs haq̇on.
    Əfçi şahiden isə iz əfçinene nəfəs haq'on.

Verse: 6    Q̣ammazen müdrikluġ qä͑vä͑lġayin šoṭo tene bä͑ġä͑bon,
   Q'ammazen müdrikluğ qə̌və̌lğayin şot'o tene bə̌ğə̌bon,
    Ama q̇amišakala amdara usume ṗaṗon.
    Ama q'amişakala amdara usume p'ap'on.

Verse: 7    Axmaġaxun ä͑xil baka,
   Axmağaxun ə̌xil baka,
    Šoṭoxun haq̇ullu äyit ten ibakal.
    Şot'oxun haq'ullu əyit ten ibakal.

Verse: 8    Ä͑xilaḳalṭay müdrikluġ - iz yaq̇a q̇amišaksunasṭane,
   Ə̌xilak'alt'ay müdrikluğ - iz yaq'a q'amişaksunast'ane,
    Q̣ammazi säfeyluġ isä ičin-iču feretsṭunasṭa.
    Q'ammazi səfeyluğ isə için-içu feretst'unast'a.

Verse: 9    Säfeyxon taxsəra oc̣kseynaḳ ečala paye loxol axśumṭunḳon,
   Səfeyxon taxsıra os'kseynak' eçala paye loxol axšumt'unk'on,
    Düzgünṭoġo isä Q̣onʒ́uġon xeyir-bäräkäte tadon.
    Düzgünt'oğo isə Q'ončuğon xeyir-bərəkəte tadon.

Verse: 10    Amdaren iz därdä sayǯä ičine ava,
   Amdaren iz dərdə saycə içine ava,
    Šoṭay mu͑qluġal iz hama šuḳḳalen tene hisbon.
    Şot'ay mǔqluğal iz hama şuk'k'alen tene hisbon.

Verse: 11    Šär amdarxoy ḳož careġon,
   Şər amdarxoy k'oj śareğon,
    Üḳtämizṭoġoy yurden isä varde qayḳon.
    Ük'təmizt'oğoy yurden isə varde qayk'on.

Verse: 12    Ṭetär yaq̇o ki, amdari piyes düze aḳesa,
   T'etər yaq'o ki, amdari piyes düze ak'esa,
    Ama šoṭay axər bisune.
    Ama şot'ay axır bisune.

Verse: 13    Axśumḳaṭanal amdari üḳ q̇ać̣eḳon,
   Axšumk'at'anal amdari ük' q'ač'ek'on,
    Mu͑qluġi axərasṭal därde bakes bakon.
    Mǔqluği axırast'al dərde bakes bakon.

Verse: 14    Šär bakalṭu iz biq̇i yaq̇a görä tadeġale,
   Şər bakalt'u iz biq'i yaq'a görə tadeğale,
    Šaaṭ amdara isä iz äšurxo šaaṭ baksuna görä.
    Şaat' amdara isə iz əşurxo şaat' baksuna görə.

Verse: 15    Nu q̇amišakalo här äyitä fereṭebaksa,
   Nu q'amişakalo hər əyitə feret'ebaksa,
    Ä͑xilaḳala amdaren isä iz här lä͑ngäne fikir tasṭa.
    Ə̌xilak'ala amdaren isə iz hər lə̌ngəne fikir tast'a.

Verse: 16    Müdrik amdar ehṭiyätlü baki pisluġaxun zaṗeġon,
   Müdrik amdar eht'iyətlü baki pisluğaxun zap'eğon,
    Axmaġ isä usum ičuxun č̣eri ičune güväyinšakon.
    Axmağ isə usum içuxun c'eri içune güvəyinşakon.

Verse: 17    Usum posḳalṭin haq̇əlsuz äše biq̇on,
   Usum posk'alt'in haq'ılsuz əşe biq'on,
    Pisniyätlü amdaral nifrätṭunbsa.
    Pisniyətlü amdaral nifrətt'unbsa.

Verse: 18    Q̣ammaza mandalo iz säfeyluġe,
   Q'ammaza mandalo iz səfeyluğe,
    Ä͑xilaḳalṭay biin taǯal iz avabaksun.
    Ə̌xilak'alt'ay biin tacal iz avabaksun.

Verse: 19    Pis amdarxo šaaṭṭoġoy be͑ś ḳoc̣ṭunbakon,
   Pis amdarxo şaat't'oğoy běš k'os't'unbakon,
    Šär amdarxoval düzgünṭoġoy ćomone taġon.
    Şər amdarxoval düzgünt'oğoy ç̌omone tağon.

Verse: 20    Käsibä q̇onšinenal nifrätebon,
   Kəsibə q'onşinenal nifrətebon,
    Varluna isä gele amdarene čureġon.
    Varluna isə gele amdarene çureğon.

Verse: 21    Ṭə͑yä͑minṭay loxol alaxun oq̇a be͑ġalṭin günaxebsa,
   T'ı̌yə̌mint'ay loxol alaxun oq'a běğalt'in günaxebsa,
    Ehṭiyäǯ bakalṭu kömäybalo isä he bäxṭäväre!
    Eht'iyəc bakalt'u köməybalo isə he bəxt'əvəre!

Verse: 22    Šär äš biq̇alxo yaq̇axun azmišakiyorox tene ki?
   Şər əş biq'alxo yaq'axun azmişakiyorox tene ki?
    Xeyirxaxluġ balṭin isä šaaṭluġ q̇a čuresune bä͑ġä͑bon.
    Xeyirxaxluğ balt'in isə şaat'luğ q'a çuresune bə̌ğə̌bon.

Verse: 23    Här zähmäten q̇azanǯe ečon,
   Hər zəhməten q'azance eçon,
    Amc̣i äyitpsunen isä amdara ehṭiyäǯi boše efon.
    Ams'i əyitpsunen isə amdara eht'iyəci boşe efon.

Verse: 24    Var-dövlät müdrik amdarxoy biin taǯe,
   Var-dövlət müdrik amdarxoy biin tace,
    Säfeyluġ isä axmaġxoy.
    Səfeyluğ isə axmağxoy.

Verse: 25    Düzgün šahiden bisunaxune čarḳesṭon,
   Düzgün şahiden bisunaxune çark'est'on,
    Äfči šahiden isä fereṭedon.
    Əfçi şahiden isə feret'edon.

Verse: 26    Q̣ONƷ́UĠO čalxalṭaynaḳ q̇ə͑ butene,
   Q'ONČUĞO çalxalt'aynak' q'ı̌ butene,
    Q̣onʒ́ux šoṭay äyloġoynaḳal umudi gane.
    Q'ončux şot'ay əyloğoynak'al umudi gane.

Verse: 27    Q̣ONƷ́UĠO čalxsun yäšäyinšesṭala orayine,
   Q'ONČUĞO çalxsun yəşəyinşest'ala orayine,
    Amdara bisunaxune čarḳesṭon.
    Amdara bisunaxune çark'est'on.

Verse: 28    Padčaġi kalaluġ azuḳi geleluġaxune aḳesa,
   Padçaği kalaluğ azuk'i geleluğaxune ak'esa,
    Iz azuḳ mal bakala padčaġ isä hiḳḳale.
    İz azuk' mal bakala padçağ isə hik'k'ale.

Verse: 29    Usum ičuxun nu č̣eġalo haq̇ullune,
   Usum içuxun nu c'eğalo haq'ullune,
    Hövsäläsuzo isä säfey.
    Hövsələsuzo isə səfey.

Verse: 30    Arxayinluġen amdara yäšäyinšesedon,
   Arxayinluğen amdara yəşəyinşesedon,
    Paxəlluġen isä u͑q̇e͑nxone baśaybon.
    Paxılluğen isə ǔq'ěnxone bašaybon.

Verse: 31    Käsibä zülüm tadalṭin Buxaʒ́uġo tene čalxon,
   Kəsibə zülüm tadalt'in Buxačuğo tene çalxon,
    Käsibä kul biq̇alṭin isä šoṭo Yaratmišalṭu hörmätebon.
    Kəsibə kul biq'alt'in isə şot'o Yaratmişalt'u hörmətebon.

Verse: 32    Šär amdara iz pisluġen sanekon,
   Şər amdara iz pisluğen sanekon,
    Düzgünṭay düzgünluġen isä bisunasṭal umude tadon.
    Düzgünt'ay düzgünluğen isə bisunast'al umude tadon.

Verse: 33    Müdrikluġen haq̇ullu amdari üḳe mese biq̇on.
   Müdrikluğen haq'ullu amdari ük'e mese biq'on.
    Šo lap axmaġxoy araneyal č̣äḳeġon.
    Şo lap axmağxoy araneyal c'ək'eğon.

Verse: 34    Düzgünluġen azuḳa e͑qeveḳon,
   Düzgünluğen azuk'a ěqevek'on,
    Günaxen isä sanekon.
    Günaxen isə sanekon.

Verse: 35    Padčaġ müdrik ḳulaxun iräzine mandon,
   Padçağ müdrik k'ulaxun irəzine mandon,
    Iču biyaburbalṭay loxol isä iz äǯuġone biq̇on.
    İçu biyaburbalt'ay loxol isə iz əcuğone biq'on.


Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.