TITUS
Biblia Udica, Versio Nizhensis: Vetus Testamentum
Part No. 290
Previous part

Chapter: 10 

Solomoni mäsäloox
Solomoni məsəloox


Verse: 1    Solomoni mäsäloox:
   Solomoni məsəloox:
   \ Müdrik ġaren iz bava mu͑qedon,
   \ Müdrik ğaren iz bava mǔqedon,
    Axmaġ ġaren isä iz nanaynaḳ därde ečon.
    Axmağ ğaren isə iz nanaynak' dərde eçon.

Verse: 2    Pis yaq̇en gireci dövlätäxun xeyir exṭes tene bakon,
   Pis yaq'en gireśi dövlətəxun xeyir ext'es tene bakon,
    Ama düzgünluġen amdara bisunaxune čarḳesṭon.
    Ama düzgünluğen amdara bisunaxune çark'est'on.

Verse: 3    Q̣ONƷ́UĠON düzgün amdara busa tene efon,
   Q'ONČUĞON düzgün amdara busa tene efon,
    Puldešiluġbala šär amdari niyätä isä iz üḳe boše efon.
    Puldeşiluğbala şər amdari niyətə isə iz ük'e boşe efon.

Verse: 4    Tänbäl kulmoġon käsibluġane tašon,
   Tənbəl kulmoğon kəsibluğane taşon,
    Äšṗala kulmoġon isä dövläte q̇azayinšon.
    Əşp'ala kulmoğon isə dövləte q'azayinşon.

Verse: 5    Yäynul mähsul girbala ġaren iz müdrikluġane aḳesṭon,
   Yəynul məhsul girbala ğaren iz müdrikluğane ak'est'on,
    Exe vädine basḳala ġar isä biyabure bakon.
    Exe vədine bask'ala ğar isə biyabure bakon.

Verse: 6    Düzgün amdari loxol bol xeyir-bäräkäte eġon,
   Düzgün amdari loxol bol xeyir-bərəkəte eğon,
    Šär amdaren iz q̇äddarluġa muć̣a muzine č̣aṗbon.
    Şər amdaren iz q'əddarluğa muč'a muzine c'ap'bon.

Verse: 7    Düzgün amdarxo ṗuriṭuxun ošal eyex basṭunen xeyir-bäräkäte ečon,
   Düzgün amdarxo p'urit'uxun oşal eyex bast'unen xeyir-bərəkəte eçon,
    Šär amdari c̣i isä aći-bateḳon.
    Şər amdari s'i isə aç̌i-batek'on.

Verse: 8    Hägigi müdrik bakalṭin buyruġxo q̇abulebon,
   Həgigi müdrik bakalt'in buyruğxo q'abulebon,
    Axmaġa isä iz muzen äfčinebon.
    Axmağa isə iz muzen əfçinebon.

Verse: 9    Tämiz üḳen taraḳalo dinǯe yäšäyinšon,
   Təmiz ük'en tarak'alo dince yəşəyinşon,
    Ičoġoy yaq̇a ḳoribalṭoġoy ämälxo isä ćoyele č̣eġon.
    İçoğoy yaq'a k'oribalt'oğoy əməlxo isə ç̌oyele c'eğon.

Verse: 10    Pis niyäten pul q̇ič̣ḳalo bälinäne bafṭon,
   Pis niyəten pul q'ic'k'alo bəlinəne baft'on,
    Axmaġa isä iz muzen äfčinebon.
    Axmağa isə iz muzen əfçinebon.

Verse: 11    Düzgün amdari źomoxun č̣eġalorox amdara yäšäyinšesṭala orayine,
   Düzgün amdari ǰomoxun c'eğalorox amdara yəşəyinşest'ala orayine,
    Šär amdaren isä iz q̇äddarluġa muć̣a muzine č̣aṗbon.
    Şər amdaren isə iz q'əddarluğa muč'a muzine c'ap'bon.

Verse: 12    Nifräten davane ešṭa,
   Nifrəten davane eşt'a,
    Čuresunen isä bütüm günaxxoy loxolxune buṭḳsa.
    Çuresunen isə bütüm günaxxoy loxolxune but'k'sa.

Verse: 13    Q̣amišakala amdari muzexun müdrikluġe baron,
   Q'amişakala amdari muzexun müdrikluğe baron,
    Q̣ammazi bać̣aneynaḳ isä sa xaźile kam.
    Q'ammazi bač'aneynak' isə sa xaǰile kam.

Verse: 14    Müdrik amdarxon avabaksunṭun girbon,
   Müdrik amdarxon avabaksunt'un girbon,
    Säfey isä iz amc̣i äyiten usumluġen bälinäne bafṭon.
    Səfey isə iz ams'i əyiten usumluğen bəlinəne baft'on.

Verse: 15    Dövlätlüṭay var-dövlät izi q̇alalu šähäre,
   Dövlətlüt'ay var-dövlət izi q'alalu şəhəre,
    Käsibi käsibluġ isä ičeynaḳ bälä.
    Kəsibi kəsibluğ isə içeynak' bələ.

Verse: 16    Düzgün amdari mükfät yäšäyinše,
   Düzgün amdari mükfət yəşəyinşe,
    Šär amdari q̇azanǯ isä ǯaza.
    Şər amdari q'azanc isə caza.

Verse: 17    Tärbiyinä q̇abulbalo yäšäyinši yaq̇ane bakon,
   Tərbiyinə q'abulbalo yəşəyinşi yaq'ane bakon,
    Töhmätä iradbalṭin isä iz yaq̇a aćesebon.
    Töhmətə iradbalt'in isə iz yaq'a aç̌esebon.

Verse: 18    Iz nifrätä č̣aṗṗalṭin äfčine äyitḳon,
   İz nifrətə c'ap'p'alt'in əfçine əyitk'on,
    Äyittaradala amdar q̇ammaze.
    Əyittaradala amdar q'ammaze.

Verse: 19    Gele äyitḳala amdar günaxane bafṭon,
   Gele əyitk'ala amdar günaxane baft'on,
    Izi źomo efalo isä müdrike.
    İzi ǰomo efalo isə müdrike.

Verse: 20    Düzgün amdari muz tämiz gümüšä barabare,
   Düzgün amdari muz təmiz gümüşə barabare,
    Šär amdari haq̇əl isä hiḳḳala laftenesṭa.
    Şər amdari haq'ıl isə hik'k'ala laftenest'a.

Verse: 21    Düzgün amdari äyitmoġon gele amdareynaḳe xeyir ečon,
   Düzgün amdari əyitmoğon gele amdareynak'e xeyir eçon,
    Q̣ammaz isä iz haq̇əlsuzluġaxune biyon.
    Q'ammaz isə iz haq'ılsuzluğaxune biyon.

Verse: 22    Q̣ONƷ́UĠOY xeyir-bäräkäte amdareynaḳ var-dövlät ečalo,
   Q'ONČUĞOY xeyir-bərəkəte amdareynak' var-dövlət eçalo,
    Šoṭo q̇azayinšbsunenal koruġ tene tadon.
    Şot'o q'azayinşbsunenal koruğ tene tadon.

Verse: 23    Q̣ammazeynaḳ šär äšur biq̇sunene mu͑qluġ ečon,
   Q'ammazeynak' şər əşur biq'sunene mǔqluğ eçon,
    Düzgün amdareynaḳ isä iz müdrikluġen.
    Düzgün amdareynak' isə iz müdrikluğen.

Verse: 24    Šär amdaren heṭuxun q̇ə͑nebsasa, šoval iz bel eġale,
   Şər amdaren het'uxun q'ı̌nebsasa, şoval iz bel eğale,
    Düzgün amdar isä iz arzuna ṗaṗale.
    Düzgün amdar isə iz arzuna p'ap'ale.

Verse: 25    Muš e͑qeci šär amdarxo fupi tanešon,
   Muş ěqeśi şər amdarxo fupi taneşon,
    Düzgün amdarxo isä hämišäluġe mandon.
    Düzgün amdarxo isə həmişəluğe mandon.

Verse: 26    Źomoynaḳ oq̇oy, pulmoġoynaḳ ḳüün hetäresa,
   J̌omoynak' oq'oy, pulmoğoynak' k'üün hetəresa,
    Tänbäläl iču äš bürüšalṭaynaḳ haṭetäre.
    Tənbələl içu əş bürüşalt'aynak' hat'etəre.

Verse: 27    Q̣ONƷ́UĠO čalxalṭay ömür boxoyebakon,
   Q'ONČUĞO çalxalt'ay ömür boxoyebakon,
    Šär amdarxoy ömüräxun isä usenxone malbakon.
    Şər amdarxoy ömürəxun isə usenxone malbakon.

Verse: 28    Düzgün amdarxoy yaq̇be͑ġsun mu͑qluġene čarḳon,
   Düzgün amdarxoy yaq'běğsun mǔqluğene çark'on,
    Šär amdarxoy umud isä amc̣inane č̣eġon.
    Şər amdarxoy umud isə ams'inane c'eğon.

Verse: 29    Üḳ tämiz amdarxoynaḳ Q̣ONƷ́UX bać̣ane baksa,
   Ük' təmiz amdarxoynak' Q'ONČUX bač'ane baksa,
    Šär amdarxo isä äfčinebsa.
    Şər amdarxo isə əfçinebsa.

Verse: 30    Düzgün amdarxo ičoġoy ganuxun teṭun galḳal,
   Düzgün amdarxo içoğoy ganuxun tet'un galk'al,
    Šär amdarxo isä me ölkinä teṭun mandal.
    Şər amdarxo isə me ölkinə tet'un mandal.

Verse: 31    Düzgün amdari źomoxun müdrikluġe barsṭa,
   Düzgün amdari ǰomoxun müdrikluğe barst'a,
    Ama äfči uḳalṭay muz boṭeġale.
    Ama əfçi uk'alt'ay muz bot'eğale.

Verse: 32    Düzgün amdari muzen iz äyitḳalṭu avane,
   Düzgün amdari muzen iz əyitk'alt'u avane,
    Šär amdari źomoxun isä äfči äyitmuxe č̣eġon.
    Şər amdari ǰomoxun isə əfçi əyitmuxe c'eğon.


Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.