TITUS
Biblia Udica, Versio Nizhensis: Vetus Testamentum
Part No. 288
Previous part

Chapter: 8 

Müdrikluġi ḳalpsun
Müdrikluği k'alpsun


Verse: 1    Müdrikluġen tene ḳale ki?
   Müdrikluğen tene k'ale ki?
    Q̣amišaksunen iz säsä tene alloybsa ki?
    Q'amişaksunen iz səsə tene alloybsa ki?

Verse: 2    Axəri šoṭin alloy ganxo, yaq̇e ṭo͑ġu͑rxo,
   Axıri şot'in alloy ganxo, yaq'e t'ǒğǔrxo,
    Yaq̇ ǯöybakala gala,
    Yaq' cöybakala gala,

Verse: 3    Šähäre baġala darvazin be͑ś,
   Şəhəre bağala darvazin běš,
    Ṭiya taġala yaq̇e boš čurpi metär ḳalene:
    T'iya tağala yaq'e boş çurpi metər k'alene:

Verse: 4    "Ay amdarxo, zu vä͑xez ḳale,
   "Ay amdarxo, zu və̌xez k'ale,
    Ay ǯamaat, bezi säs vä͑ynaḳe,
    Ay camaat, bezi səs və̌ynak'e,

Verse: 5    Ay nu q̇amišakalxo, q̇ani bakanan,
   Ay nu q'amişakalxo, q'ani bakanan,
    Ay axmaġxo, ä͑xilaḳal bakanan.
    Ay axmağxo, ə̌xilak'al bakanan.

Verse: 6    U͑mu͑x laxanan, däyärlü šeyurxoxunez äyite,
   Ǔmǔx laxanan, dəyərlü şeyurxoxunez əyite,
    Bezi źomoxun düz äyitmuxe č̣eysa.
    Bezi ǰomoxun düz əyitmuxe c'eysa.

Verse: 7    Bezi muzen serinäne nex,
   Bezi muzen serinəne nex,
    Šoṭaynaḳ ki, šoṭin šäräxun iriṭene.
    Şot'aynak' ki, şot'in şərəxun irit'ene.

Verse: 8    Bezi źomoxun sayǯä düz äyitmuxe č̣eysa,
   Bezi ǰomoxun saycə düz əyitmuxe c'eysa,
    Nä ḳori äyit teno, nääl äfči.
    Nə k'ori əyit teno, nəəl əfçi.

Verse: 9    Q̣amišakalṭoġon moṭoġo q̇amiše,
   Q'amişakalt'oğon mot'oğo q'amişe,
    Avabaksun q̇azayinšalṭoġoynaḳal morox bütüm düze.
    Avabaksun q'azayinşalt'oğoynak'al morox bütüm düze.

Verse: 10    Gümüšä tää, bezi tärbiyinä č̣äḳṗanan,
   Gümüşə təə, bezi tərbiyinə c'ək'p'anan,
    Avabaksuna tämiz q̇əzəlaxun üsṭün biq̇anan.
    Avabaksuna təmiz q'ızılaxun üst'ün biq'anan.

Verse: 11    Šoṭaynaḳ ki, müdrikluġ toyexlu źe͑yurxoxunal däyärlune,
   Şot'aynak' ki, müdrikluğ toyexlu ǰěyurxoxunal dəyərlune,
    Ef üḳen čureġalṭoġoy sayǯo šoṭay tay tene.
    Ef ük'en çureğalt'oğoy sayco şot'ay tay tene.

Verse: 12    Zu müdrikluġzu, ä͑xilaksunen zasṭa mäsḳäne sake,
   Zu müdrikluğzu, ə̌xilaksunen zast'a məsk'əne sake,
    Avabaksuna q̇a q̇amišaksuna ṗaṗezu.
    Avabaksuna q'a q'amişaksuna p'ap'ezu.

Verse: 13    Q̣ONƷ́UĠO čalxsun pisluġa nifrätbsun upsune.
   Q'ONČUĞO çalxsun pisluğa nifrətbsun upsune.
    Lovġaluġa, alaxun oq̇a be͑ġsuna, pis yaq̇a,
    Lovğaluğa, alaxun oq'a běğsuna, pis yaq'a,
    Äfči muza nifrätezbsa.
    Əfçi muza nifrətezbsa.

Verse: 14    Näsyät, šaaṭ maslaat zasṭane,
   Nəsyət, şaat' maslaat zast'ane,
    Q̣amišaksun q̇a zoral zasṭane.
    Q'amişaksun q'a zoral zast'ane.

Verse: 15    Bezi kömäyen padčaġxon kalaluġṭunbsa,
   Bezi köməyen padçağxon kalaluğt'unbsa,
    Kalaluġbalxon düz ämirṭun tasṭa.
    Kalaluğbalxon düz əmirt'un tast'a.

Verse: 16    Düzgün divanbalxon q̇a c̣ila amdarxon,
   Düzgün divanbalxon q'a s'ila amdarxon,
    Bezi kömäyenṭun kalaluġbsa.
    Bezi köməyent'un kalaluğbsa.

Verse: 17    Za čureġalṭoġo čurezsa,
   Za çureğalt'oğo çurezsa,
    Za üḳen qä͑veġalṭin bä͑ġä͑nebsa.
    Za ük'en qə̌veğalt'in bə̌ğə̌nebsa.

Verse: 18    Bolluġ q̇a šäräf,
   Bolluğ q'a şərəf,
    Nu careġala var-dövlät q̇a düzgünluġ zaxune.
    Nu śareğala var-dövlət q'a düzgünluğ zaxune.

Verse: 19    Bezi tadala bar q̇əzəlaxun, tämiz q̇əzəlaxun däyärlune,
   Bezi tadala bar q'ızılaxun, təmiz q'ızılaxun dəyərlune,
    Tämiz gümüšäxunal šaaṭe.
    Təmiz gümüşəxunal şaat'e.

Verse: 20    Zu düzgünluġi yaq̇en,
   Zu düzgünluği yaq'en,
    Haq̇q̇a tašala yaq̇enez taysa.
    Haq'q'a taşala yaq'enez taysa.

Verse: 21    Za čureġalṭoġo varluzbon,
   Za çureğalt'oğo varluzbon,
    Ičoġoy xäzinoġo buyezbon.
    İçoğoy xəzinoğo buyezbon.

Verse: 22    Q̣ONƷ́UĠON Iz äšurxo burqaṭan,
   Q'ONČUĞON İz əşurxo burqat'an,
    Här šeyaxun be͑ś zane yaratmiši.
    Hər şeyaxun běš zane yaratmişi.

Verse: 23    Burqesunasṭa,
   Burqesunast'a,
    Dünyä yaranmišakalṭuxun be͑ś zu buzuy.
    Dünyə yaranmişakalt'uxun běš zu buzuy.

Verse: 24    Bä͑ġä͑loy xeyur bakalṭuxun be͑ś,
   Bə̌ğə̌loy xeyur bakalt'uxun běš,
    Bol xene orayinxo bakalṭuxun be͑ś buzuy.
    Bol xene orayinxo bakalt'uxun běš buzuy.

Verse: 25    Buruxmuġ yaranmišakalṭuxun be͑ś,
   Buruxmuğ yaranmişakalt'uxun běš,
    Täpoox bakalṭuxun be͑ś zu buzuy.
    Təpoox bakalt'uxun běš zu buzuy.

Verse: 26    Šoṭin dünyänä, čölä-biyavana,
   Şot'in dünyənə, çölə-biyavana,
    Oćalxo yaratmišaṭan,
    Oç̌alxo yaratmişat'an,

Verse: 27    Göyurxo yaratmišaṭan,
   Göyurxo yaratmişat'an,
    Šoṭo xene bä͑ġä͑loyluġxoxun ġic̣ zapi ǯöybaṭan,
    Şot'o xene bə̌ğə̌loyluğxoxun ğis' zapi cöybat'an,

Verse: 28    Alloyax asoyxo,
   Alloyax asoyxo,
    Bä͑ġä͑loyax orayinxo osṭaarbaṭan,
    Bə̌ğə̌loyax orayinxo ost'aarbat'an,

Verse: 29    Xeyur iču ämirbaki ganuxun maq̇an č̣eri pi,
   Xeyur içu əmirbaki ganuxun maq'an c'eri pi,
    Dänizä zahman zaṗḳaṭan,
    Dənizə zahman zap'k'at'an,
    Oćali binorina laxaṭan,
    Oç̌ali binorina laxat'an,

Verse: 30    Zu Iz ṭo͑o͑x memarzuy.
   Zu İz t'ǒǒx memarzuy.
    Här ġi färäxläyinšezbaksay,
    Hər ği fərəxləyinşezbaksay,
    Šoṭay piin be͑ś hämišä mu͑qezbaksay.
    Şot'ay piin běš həmişə mǔqezbaksay.

Verse: 31    Iz yaratmišiṭoġo görä mu͑qezbaksay,
   İz yaratmişit'oğo görə mǔqezbaksay,
    Amdarxo görä färäxläyinšezbaksay.
    Amdarxo görə fərəxləyinşezbaksay.

Verse: 32    Häysä, ay bezi ġarmux, za u͑mu͑xlaxanan:
   Həysə, ay bezi ğarmux, za ǔmǔxlaxanan:
    Bezi yaq̇a efalo he bäxṭäväre!
    Bezi yaq'a efalo he bəxt'əvəre!

Verse: 33    Bezi tadi tärbiyinä u͑mu͑xlaxi
   Bezi tadi tərbiyinə ǔmǔxlaxi
    Müdrikluġ exṭanan, šoṭo ṭo͑o͑x ma bosanan.
    Müdrikluğ ext'anan, şot'o t'ǒǒx ma bosanan.

Verse: 34    Za u͑mu͑xlaxalo,
   Za ǔmǔxlaxalo,
    Här ġi bezi darvazin be͑ś čurḳalo,
    Hər ği bezi darvazin běš çurk'alo,
    Bezi ćomxoy be͑ś čurpi yaq̇be͑ġalo he bäxṭäväre!
    Bezi ç̌omxoy běš çurpi yaq'běğalo he bəxt'əvəre!

Verse: 35    Šoṭaynaḳ ki, za bä͑ġä͑balṭin yäšäyinše bä͑ġä͑bon,
   Şot'aynak' ki, za bə̌ğə̌balt'in yəşəyinşe bə̌ğə̌bon,
    Q̣ONƷ́UĠOY piyesal šaaṭe aḳeġon.
    Q'ONČUĞOY piyesal şaat'e ak'eğon.

Verse: 36    Bezi äleyinä bakalṭin isä iz elmoġone q̇äsṭbon,
   Bezi əleyinə bakalt'in isə iz elmoğone q'əst'bon,
    Za nifrät balṭoġoy bitoṭin bisune čureġon".
    Za nifrət balt'oğoy bitot'in bisune çureğon".



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.