TITUS
Biblia Udica, Versio Nizhensis: Vetus Testamentum
Part No. 286
Previous part

Chapter: 6 

Zamin ma čurpa
Zamin ma çurpa


Verse: 1    Bez ġar, q̇erṭay gala zamin čurpi,
   Bez ğar, q'ert'ay gala zamin çurpi,
    Šoṭay gala äyit tadenusa,
    Şot'ay gala əyit tadenusa,

Verse: 2    Vi źomoxun č̣eri äyitmoġoxun tälinä bafṭenusa,
   Vi ǰomoxun c'eri əyitmoğoxun təlinə baft'enusa,
    Vi äyitmoġone va läč̣ürde.
    Vi əyitmoğone va ləc'ürde.

Verse: 3    Mone, ene q̇erṭay kiyelnu.
   Mone, ene q'ert'ay kiyelnu.
    Ṭe vädä, ay bez ġar, va čarḳesṭeynaḳ
    T'e vədə, ay bez ğar, va çark'est'eynak'
    Taki šoṭay turin oq̇a bita, xoyinśba.
    Taki şot'ay turin oq'a bita, xoyinšba.

Verse: 4    Vi piyel neṗ eysa ma barta,
   Vi piyel nep' eysa ma barta,
    Vi pulmoġo ma q̇ič̣ṗa.
    Vi pulmoğo ma q'ic'p'a.

Verse: 5    Ǯeyranen iču o͑xä͑lbali kiyexun,
   Ceyranen içu ǒxə̌lbali kiyexun,
    Q̣ušen iču toraxun čarḳesṭala ḳinäḳ va čarḳesṭa
    Q'uşen içu toraxun çark'est'ala k'inək' va çark'est'a



Tänbäl ma baka
Tənbəl ma baka


Verse: 6    Ay tänbäl, xuritura be͑ġa,
   Ay tənbəl, xuritura běğa,
    Šoṭoxun müdrikluġa zombaka.
    Şot'oxun müdrikluğa zombaka.

Verse: 7    Šoṭay nä kalono,
   Şot'ay nə kalono,
    Nä näzärätči, nääl kalaluġbal.
    Nə nəzərətçi, nəəl kalaluğbal.

Verse: 8    Ama ṗurumal yäynul ukune girbon,
   Ama p'urumal yəynul ukune girbon,
    Exe vädine ičeynaḳ yeme topbon.
    Exe vədine içeynak' yeme topbon.

Verse: 9    P̣oy hun heq̇ädär basḳalnu?
   P'oy hun heq'ədər bask'alnu?
    Hevaxṭal ciriḳ neṗax mandalnu?
    Hevaxt'al śirik' nep'ax mandalnu?

Verse: 10    Samalal basḳi neṗax mandayin,
   Samalal bask'i nep'ax mandayin,
    Kula kiin loxol laxi arcayin,
    Kula kiin loxol laxi arśayin,

Verse: 11    Käsibluġ amdarfu͑q̇ḳal ḳinäḳ,
   Kəsibluğ amdarfǔq'k'al k'inək',
    Ehṭiyäǯäl mela amdar ḳinäḳ vi loxole eġon
    Eht'iyəcəl mela amdar k'inək' vi loxole eğon



Pis amdari axər
Pis amdari axır


Verse: 12    Yaramaz, šär amdar,
   Yaramaz, şər amdar,
    Äfči äyitḳane tarane,
    Əfçi əyitk'ane tarane,

Verse: 13    Himebsa, kiin-biine äyite.
   Himebsa, kiin-biine əyite.

Verse: 14    Šoṭay üḳe pis niyäte bu,
   Şot'ay ük'e pis niyəte bu,
   \ Iz fikir hämišä šäre, davane galsṭa.
   \ İz fikir həmişə şəre, davane galst'a.

Verse: 15    Koṭo göräl šoṭay bel bäläne eġon,
   Kot'o görəl şot'ay bel bələne eğon,
    Bürdän biti čarasuze mandon
    Bürdən biti çarasuze mandon



Q̣ONƷ́UĠOY nifrätbala vu͑ġ šey
Q'ONČUĞOY nifrətbala vǔğ şey


Verse: 16    Q̣ONƷ́UĠON u͑q šeyaxun nifrätṗi iriṭene,
   Q'ONČUĞON ǔq şeyaxun nifrətp'i irit'ene,
    Lap vu͑ġ šeyaxun:
    Lap vǔğ şeyaxun:

Verse: 17    Alaxun oq̇a be͑ġala pulmoġoxun;
   Alaxun oq'a běğala pulmoğoxun;
    Äfči äyitḳala muzaxun;
    Əfçi əyitk'ala muzaxun;
    Taxsərsuzṭay ṗiya ciḳala kulmoġoxun;
    Taxsırsuzt'ay p'iya śik'ala kulmoğoxun;

Verse: 18    Niyät šär bakala üḳäxun;
   Niyət şər bakala ük'əxun;
    Šärä ṗaṗseynaḳ mušṭaġ bakala turmoġoxun;
    Şərə p'ap'seynak' muşt'ağ bakala turmoğoxun;

Verse: 19    Iz äfčinen näfäs haq̇ala äfči šahidaxun,
   İz əfçinen nəfəs haq'ala əfçi şahidaxun,
    Saal vičimoġoy arane dava sakala amdaraxun
    Saal viçimoğoy arane dava sakala amdaraxun



Q̣erṭay čuġoxun ä͑xil baka
Q'ert'ay çuğoxun ə̌xil baka


Verse: 20    Bezi ġar, vi bavay ämirxo eyexun ma č̣evḳa,
   Bezi ğar, vi bavay əmirxo eyexun ma c'evk'a,
    Vi nanan zombiṭoġo ma bosa.
    Vi nanan zombit'oğo ma bosa.

Verse: 21    Šoṭoġo vi üḳe boš efa,
   Şot'oğo vi ük'e boş efa,
    Šoṭoġo hämišä vi q̇oq̇exun suruḳṗa.
    Şot'oğo həmişə vi q'oq'exun suruk'p'a.

Verse: 22    Taġaṭan šoṭoġon va yaq̇ aḳesṭalṭun,
   Tağat'an şot'oğon va yaq' ak'est'alt'un,
    Basḳaṭan va q̇orišalṭun,
    Bask'at'an va q'orişalt'un,
    Muġurbakaṭan va maslaat tadalṭun.
    Muğurbakat'an va maslaat tadalt'un.

Verse: 23    Me ämirxo čiraġe,
   Me əmirxo çirağe,
    Me maslaat išiġe,
    Me maslaat işiğe,
    Tärbiyineynaḳ bakala töhmät yäšäyinšesṭala yaq̇e.
    Tərbiyineynak' bakala töhmət yəşəyinşest'ala yaq'e.

Verse: 24    Moṭoġon va taraḳala čuġoxun,
   Mot'oğon va tarak'ala çuğoxun,
    Muć̣a muzla q̇erṭay čuġoxun q̇orišebon.
    Muč'a muzla q'ert'ay çuğoxun q'orişebon.

Verse: 25    Šoṭay gözälluġa bänd ma baka,
   Şot'ay gözəlluğa bənd ma baka,
    Šoṭay pul q̇ič̣bsunen va maq̇an feretṭi.
    Şot'ay pul q'ic'bsunen va maq'an ferett'i.

Verse: 26    Axəri taraḳala čuġoy toy sa loq̇ma śume,
   Axıri tarak'ala çuğoy toy sa loq'ma šume,
    P̣oy šoṭaynaḳ vi elmoġo heṭaynaḳ laxavax?
    P'oy şot'aynak' vi elmoğo het'aynak' laxavax?

Verse: 27    Aruġo q̇oltuġe exṭi,
   Aruğo q'oltuğe ext'i,
    Paltara nu boḳosṗes banekon ki?
    Paltara nu bok'osp'es banekon ki?

Verse: 28    C̣ile loxol tarapi,
   S'ile loxol tarapi,
    Turmoġo nu ǯärdes banekon ki?
    Turmoğo nu cərdes banekon ki?

Verse: 29    Q̣erṭay čuġoy ṭo͑o͑x baġalṭay axəral metäre,
   Q'ert'ay çuğoy t'ǒǒx bağalt'ay axıral metəre,
    Ṭe čuġo lafṭalo ǯazasuz tene mandal.
    T'e çuğo laft'alo cazasuz tene mandal.

Verse: 30    Busa oġrinen iz tapana buybseynaḳ bašq̇ayin,
   Busa oğrinen iz tapana buybseynak' başq'ayin,
    Šuḳḳalen šoṭo tene q̇inäyinšbsa.
    Şuk'k'alen şot'o tene q'inəyinşbsa.

Verse: 31    Ama šoṭoval biq̇aṭan ičuxun vu͑ġ q̇at č̣eġalane,
   Ama şot'oval biq'at'an içuxun vǔğ q'at c'eğalane,
    Iz ḳožin bakal nu bakalṭu tadalane.
    İz k'ojin bakal nu bakalt'u tadalane.

Verse: 32    Q̣erṭay čuġoxun taraḳalo isä lap q̇ammaze,
   Q'ert'ay çuğoxun tarak'alo isə lap q'ammaze,
    Iču äfčibsun čureġalṭine metärbon.
    İçu əfçibsun çureğalt'ine metərbon.

Verse: 33    Me išq̇ara ṭaṗen, biyabur baksunene yaq̇be͑ġsa,
   Me işq'ara t'ap'en, biyabur baksunene yaq'běğsa,
    Šo hämišä ćomä͑yin bakale.
    Şo həmişə ç̌omə̌yin bakale.

Verse: 34    Šoṭaynaḳ ki, ṭe čuġoy išq̇ara q̇eyräten boḳosebon,
   Şot'aynak' ki, t'e çuğoy işq'ara q'eyrəten bok'osebon,
    Šoṭoxun amansuz häyife haq̇on.
    Şot'oxun amansuz həyife haq'on.

Verse: 35    Hiḳḳalen šoṭay išq̇ara efes tene bakon,
   Hik'k'alen şot'ay işq'ara efes tene bakon,
    Ḳä tadayṭun šo tene iräzi bakon.
    K'ə tadayt'un şo tene irəzi bakon.



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.