TITUS
Biblia Udica, Versio Nizhensis: Vetus Testamentum
Part No. 283
Previous part

Chapter: 3 

Q̣onʒ́uġo umud baka
Q'ončuğo umud baka


Verse: 1    Bez ġar, bezi zombalṭoġo vi eyexun ma č̣evḳa,
   Bez ğar, bezi zombalt'oğo vi eyexun ma c'evk'a,
    Vi üḳe bezi ämirxo efa.
    Vi ük'e bezi əmirxo efa.

Verse: 2    Šoṭaynaḳ ki, šoṭoġon vi ömürä boxoybale,
   Şot'aynak' ki, şot'oğon vi ömürə boxoybale,
    Vi yäšäyinšä bolluġ ečale.
    Vi yəşəyinşə bolluğ eçale.

Verse: 3    Čuresuna saal Buxaʒ́uġoxun ġać baksuna ma bosa,
   Çuresuna saal Buxačuğoxun ğaç̌ baksuna ma bosa,
    Šoṭoġo vi u͑mu͑ġo sərġaba,
    Şot'oğo vi ǔmǔğo sırğaba,
    Vi üḳe loxol campa.
    Vi ük'e loxol śampa.

Verse: 4    Ṭe vädä Buxaʒ́uġoy saal amdarxoy piyes
   T'e vədə Buxačuğoy saal amdarxoy piyes
    Vaynaḳ xeyirxaxluġ saal šaaṭ c̣i q̇azayinšalnu.
    Vaynak' xeyirxaxluğ saal şaat' s'i q'azayinşalnu.

Verse: 5    Vi bütüm üḳen Q̣ONƷ́UĠO umud baka,
   Vi bütüm ük'en Q'ONČUĞO umud baka,
    Vi q̇amišaksuna exṭibär maba.
    Vi q'amişaksuna ext'ibər maba.

Verse: 6    Vi bütüm yaq̇urxosṭa Šoṭo čalxa,
   Vi bütüm yaq'urxost'a Şot'o çalxa,
    Šoṭinal vi yaq̇urxo düzbale.
    Şot'inal vi yaq'urxo düzbale.

Verse: 7    Vi piyes va müdrik ma hesabba,
   Vi piyes va müdrik ma hesabba,
    Q̣ONƷ́UĠOXUN q̇ə͑ba, šäräxun ä͑xilbaka.
    Q'ONČUĞOXUN q'ı̌ba, şərəxun ə̌xilbaka.

Verse: 8    Moṭoġon vi bädäneynaḳ q̇olaybaksun ečale,
   Mot'oğon vi bədəneynak' q'olaybaksun eçale,
    Vi u͑q̇e͑nxo osṭaar bale.
    Vi ǔq'ěnxo ost'aar bale.

Verse: 9    Q̣ONƷ́UĠO vi var-dövlätäxun,
   Q'ONČUĞO vi var-dövlətəxun,
    Vi bare nübäräxun pay tada.
    Vi bare nübərəxun pay tada.

Verse: 10    Ṭe vädä vi ambarxo nemäten buyebakon,
   T'e vədə vi ambarxo neməten buyebakon,
    Fine čänurxo täzä finen poseḳon.
    Fine çənurxo təzə finen posek'on.

Verse: 11    Bez ġar, Q̣ONƷ́UĠON tadi tärbiyinä ma ṭo͑o͑xba,
   Bez ğar, Q'ONČUĞON tadi tərbiyinə ma t'ǒǒxba,
    Šoṭay töhmätä ma bosa.
    Şot'ay töhmətə ma bosa.

Verse: 12    Šoṭaynaḳ ki, bavan iz čureġala ġara hetäre töhmätbsasa,
   Şot'aynak' ki, bavan iz çureğala ğara hetəre töhmətbsasa,
    Q̣ONƷ́UĠONAL iz čureġalṭu ṭetäre töhmätbon
    Q'ONČUĞONAL iz çureğalt'u t'etəre töhmətbon



Müdrikluġi xeyir
Müdrikluği xeyir


Verse: 13    Müdrikluġa ṗaṗala amdar,
   Müdrikluğa p'ap'ala amdar,
    Q̣amišaksun bä͑ġä͑bala amdar he bäxṭäväre!
    Q'amişaksun bə̌ğə̌bala amdar he bəxt'əvəre!

Verse: 14    Mo gümüšä q̇azayinšbsunaxun šaaṭe,
   Mo gümüşə q'azayinşbsunaxun şaat'e,
    Me q̇azanǯ tämiz q̇əzəlaxun däyärlune.
    Me q'azanc təmiz q'ızılaxun dəyərlune.

Verse: 15    Müdrikluġ bütüm toyexlu źe͑yurxoxunal däyärlune,
   Müdrikluğ bütüm toyexlu ǰěyurxoxunal dəyərlune,
    Vi čureġala šeyurxoy sayǯo šoṭay tay tene.
    Vi çureğala şeyurxoy sayco şot'ay tay tene.

Verse: 16    Šoṭay yön kiyel boxoy ömür,
   Şot'ay yön kiyel boxoy ömür,
    Tärs kiyel isä var-dövlät q̇a šäräfo.
    Tərs kiyel isə var-dövlət q'a şərəfo.

Verse: 17    Šoṭay yaq̇urxo mu͑qluġi yaq̇urxone,
   Şot'ay yaq'urxo mǔqluği yaq'urxone,
    Bütüm šoṭay ǯəġərxo serluġi ǯəġərxone.
    Bütüm şot'ay cığırxo serluği cığırxone.

Verse: 18    Šoṭo efalṭoġoynaḳ šo yäšäyinšesṭala xode,
   Şot'o efalt'oğoynak' şo yəşəyinşest'ala xode,
    Šoṭoxun nu ǯöybakalorox he bäxṭäväre!
    Şot'oxun nu cöybakalorox he bəxt'əvəre!

Verse: 19    Q̣ONƷ́UĠON dünyäni binorina iz müdrikluġene laxi,
   Q'ONČUĞON dünyəni binorina iz müdrikluğene laxi,
    Göyä Iz q̇amišaksunene yaratmiši.
    Göyə İz q'amişaksunene yaratmişi.

Verse: 20    Šoṭin xeyurxo iz avabaksunene sun-sunaxun ǯöybi,
   Şot'in xeyurxo iz avabaksunene sun-sunaxun cöybi,
    Göynuxun xo čiläyinši
    Göynuxun xo çiləyinşi



Müdrikluġi mu͑qluġ ešṭun
Müdrikluği mǔqluğ eşt'un


Verse: 21    Bez ġar, ä͑xilaksunluġa q̇a q̇amišaksuna ġaćeki,
   Bez ğar, ə̌xilaksunluğa q'a q'amişaksuna ğaç̌eki,
    Moṭoġo vi piin be͑śṭan ma ä͑xilba.
    Mot'oğo vi piin běšt'an ma ə̌xilba.

Verse: 22    Šorox vaynaḳ yäšäyinše bakon,
   Şorox vaynak' yəşəyinşe bakon,
    Vi ozana gözäl čil ḳinäḳe bäzäyinšon.
    Vi ozana gözəl çil k'inək'e bəzəyinşon.

Verse: 23    Ṭe vädä vi yaq̇ xatasuze bakon,
   T'e vədə vi yaq' xatasuze bakon,
    Vi turmux tene lamandon,
    Vi turmux tene lamandon,

Verse: 24    Q̣ə͑suzen basḳon,
   Q'ı̌suzen bask'on,
    Muć̣a neṗen bä͑ġä͑bon.
    Muč'a nep'en bə̌ğə̌bon.

Verse: 25    Bürdän eġala bälinäxun,
   Bürdən eğala bəlinəxun,
    Pisluġbalṭoġoynaḳ eġala xatinaxun ma q̇ə͑ba.
    Pisluğbalt'oğoynak' eğala xatinaxun ma q'ı̌ba.

Verse: 26    Šoṭaynaḳ ki, Q̣ONƷ́UX vi täräf bakale,
   Şot'aynak' ki, Q'ONČUX vi tərəf bakale,
    Šoṭin tene barḳon ki, hun tälinä bafṭan.
    Şot'in tene bark'on ki, hun təlinə baft'an.

Verse: 27    Vi kiyexun enesasa,
   Vi kiyexun enesasa,
    Vi šaaṭluġa moṭo layiġ amdarxoxun ma kamba.
    Vi şaat'luğa mot'o layiğ amdarxoxun ma kamba.

Verse: 28    Vi imkan bunesa q̇onšina ma upa:
   Vi imkan bunesa q'onşina ma upa:
    "Oša enġon, äyč̣ä tazdon".
    "Oşa enğon, əyc'ə tazdon".

Verse: 29    Vi ṭo͑ġo͑l šiṗ yäšäyinšala q̇onšineynaḳ
   Vi t'ǒğǒl şip' yəşəyinşala q'onşineynak'
    Pisluġ bsuna vi fikire ma eča.
    Pisluğ bsuna vi fikire ma eça.

Verse: 30    Vaynaḳ pisluġ nu balṭuxun,
   Vaynak' pisluğ nu balt'uxun,
    Naaq̇ gala dava maba.
    Naaq' gala dava maba.

Verse: 31    Q̣äddar amdara paxəlluġ maba,
   Q'əddar amdara paxılluğ maba,
    Šoṭay taġala yaq̇urxoy sal sunṭu ma č̣äḳṗa.
    Şot'ay tağala yaq'urxoy sal sunt'u ma c'ək'p'a.

Verse: 32    Šoṭaynaḳ ki, azġunxoxun Q̣ONƷ́UĠON iriṭene,
   Şot'aynak' ki, azğunxoxun Q'ONČUĞON irit'ene,
    Ama düzgün amdarxoxun Šo dosṭe bakon.
    Ama düzgün amdarxoxun Şo dost'e bakon.

Verse: 33    Q̣ONƷ́UĠON pis amdarxoy ḳoža läänätebon,
   Q'ONČUĞON pis amdarxoy k'oja ləənətebon,
    Ama düzgün amdarxoy yurda xeyir-bäräkäte tadon.
    Ama düzgün amdarxoy yurda xeyir-bərəkəte tadon.

Verse: 34    Šoṭin laġlaġibalṭoġoy loxol Ičine axśumḳon,
   Şot'in lağlağibalt'oğoy loxol İçine axšumk'on,
    Faġər amdarxo isä Iz üḳ boḳospsunane aḳesṭon.
    Fağır amdarxo isə İz ük' bok'ospsunane ak'est'on.

Verse: 35    Müdrik amdarxon šaaṭ c̣iya miras ḳinäḳ haq̇alṭun,
   Müdrik amdarxon şaat' s'iya miras k'inək' haq'alt'un,
    Axmaġxo isä biyabur bakalṭun.
    Axmağxo isə biyabur bakalt'un.



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.