TITUS
Biblia Udica, Versio Nizhensis: Vetus Testamentum
Part No. 281
Previous part

Book: Prov. 

Chapter: 1 

Verse: 1    Israili padčaġ Davidi ġar Solomoni mäsäloox:
   İsraili padçağ Davidi ğar Solomoni məsəloox:
    Me girke mäksäd
    Me girke məksəd

Verse: 2    Müdrikluġ saal tärbiyinä q̇azayinšbseynaḳ,
   Müdrikluğ saal tərbiyinə q'azayinşbseynak',
    Müdrik äyitmoġo q̇amišakseynaḳ,
    Müdrik əyitmoğo q'amişakseynak',

Verse: 3    Düzgünluġi, düzluġi,
   Düzgünluği, düzluği,
    Insafi barada haq̇ullu tärbiyä haq̇seynaḳ,
    İnsafi barada haq'ullu tərbiyə haq'seynak',

Verse: 4    Q̣ammazxo q̇amišaksun,
   Q'ammazxo q'amişaksun,
    Ǯäyil ġaral avabaksun q̇a ä͑xilaksun tasṭeynaḳ,
    Cəyil ğaral avabaksun q'a ə̌xilaksun tast'eynak',

Verse: 5    Barta bä͑ġä͑loy fikirbalṭin u͑mu͑xlaxi iz müdrikluġa samalal avuzbeq̇an,
   Barta bə̌ğə̌loy fikirbalt'in ǔmǔxlaxi iz müdrikluğa samalal avuzbeq'an,
    Barta q̇amišakala amdaren yöni maslaatxoq̇an haq̇i,
    Barta q'amişakala amdaren yöni maslaatxoq'an haq'i,

Verse: 6    Amdarxoval mäsäloġon q̇a misalxon uḳala äyitmoġo,
   Amdarxoval məsəloğon q'a misalxon uk'ala əyitmoğo,
    Müdrik amdarxoy äyitmoġo q̇a tapmačoġo q̇andərišeq̇an
    Müdrik amdarxoy əyitmoğo q'a tapmaçoğo q'andırişeq'an



Müdrikluġi määnä
Müdrikluği məənə


Verse: 7    Q̣ONƷ́UĠO čalxsun * müdrikluġi burqesune,
   Q'ONČUĞO çalxsun * müdrikluği burqesune,
    Ama säfeyxon müdrikluġa saal tärbiyinä xorṭun be͑ġsa.
    Ama səfeyxon müdrikluğa saal tərbiyinə xort'un běğsa.



Günaxkärxoxun ä͑xil bakanan
Günaxkərxoxun ə̌xil bakanan


Verse: 8    Bez ġar, vi bavay näsyätxo u͑mu͑xlaxa,
   Bez ğar, vi bavay nəsyətxo ǔmǔxlaxa,
    Vi nanan zombiṭoġo ṭo͑o͑x ma bosa.
    Vi nanan zombit'oğo t'ǒǒx ma bosa.

Verse: 9    Šoṭoġon vi bula q̇äšäng taǯ ḳinäḳ,
   Şot'oğon vi bula q'əşəng tac k'inək',
    Vi ozana čil ḳinäḳe bäzäyinšon.
    Vi ozana çil k'inək'e bəzəyinşon.

Verse: 10    Bez ġar, günaxkärxoy va azdrišbsuna ma barta.
   Bez ğar, günaxkərxoy va azdrişbsuna ma barta.

Verse: 11    Šoṭoġon va uḳayṭun: "Eki yaxun sagala busq̇una čurḳen,
   Şot'oğon va uk'ayt'un: "Eki yaxun sagala busq'una çurk'en,
    Taxsərsuzṭoġo busmiši ṗi ciḳen,
    Taxsırsuzt'oğo busmişi p'i śik'en,

Verse: 12    Eki šoṭoġo gärämzoġon ṗuriṭoġo q̇uč̣ḳalṭullariḳ,
   Eki şot'oğo gərəmzoğon p'urit'oğo q'uc'k'alt'ullarik',
    Gärämzoġoy kurnu bafṭalṭoġollariḳ dirisṭ-dirisṭ q̇uč̣ḳen ki,
    Gərəmzoğoy kurnu baft'alt'oğollarik' dirist'-dirist' q'uc'k'en ki,

Verse: 13    Gele var-dövlät bä͑ġä͑ben,
   Gele var-dövlət bə̌ğə̌ben,
    Beši ḳožurxo talanbi malen buyben.
    Beşi k'ojurxo talanbi malen buyben.

Verse: 14    Eki čöp bosen,
   Eki çöp bosen,
    Ṭe mala beš arane ǯöyben".
    T'e mala beş arane cöyben".

Verse: 15    Bez ġar, šoṭoġo ma gärbaka,
   Bez ğar, şot'oğo ma gərbaka,
    Šoṭoġoy yaq̇a vi tura ma ćaxṗa.
    Şot'oğoy yaq'a vi tura ma ç̌axp'a.

Verse: 16    Šoṭaynaḳ ki, šoṭoġoy turmux pisluġi täräfe ṭisṭa,
   Şot'aynak' ki, şot'oğoy turmux pisluği tərəfe t'ist'a,
    P̣i cipsunane kape.
    P'i śipsunane kape.

Verse: 17    Q̣ušurxoy piin be͑ś,
   Q'uşurxoy piin běš,
    Tälä laxsun määnäsuz bakalṭullariḳ,
    Tələ laxsun məənəsuz bakalt'ullarik',

Verse: 18    Haketäräl ṭe amdarxo, ičoġoy q̇urmiši busq̇u ičoġoy ṗiya ciṗseynaḳe,
   Haketərəl t'e amdarxo, içoğoy q'urmişi busq'u içoğoy p'iya śip'seynak'e,
    Busmišbsunal ičoġoy elmoġoynaḳe.
    Busmişbsunal içoğoy elmoğoynak'e.

Verse: 19    Haq̇suz q̇azanǯa tamaxbalṭay axər hämišä metäre,
   Haq'suz q'azanca tamaxbalt'ay axır həmişə metəre,
    Tamaxen šoṭay elmoġo haneq̇on
    Tamaxen şot'ay elmoğo haneq'on



Müdrikluġa u͑mu͑xlaxa
Müdrikluğa ǔmǔxlaxa


Verse: 20    Müdrikluġen küčinä osṭaar ḳalene,
   Müdrikluğen küçinə ost'aar k'alene,
    Meydanxo šoṭay säs osṭaare baksa.
    Meydanxo şot'ay səs ost'aare baksa.

Verse: 21    Šoṭin säs-küyen küčämoġoy bele ḳale,
   Şot'in səs-küyen küçəmoğoy bele k'ale,
    Šähäri darvazoġoy ṭo͑ġo͑l bayanebsa:
    Şəhəri darvazoğoy t'ǒğǒl bayanebsa:

Verse: 22    "Ay axmaġxo, he vädinäl ciriḳ aṭulluġa čureġalnan?
   "Ay axmağxo, he vədinəl śirik' at'ulluğa çureğalnan?
    He vädinäl ciriḳ ćoboćuġon ičoġoy ćoboćuluġaxun läzät haq̇alṭun,
    He vədinəl śirik' ç̌oboç̌uğon içoğoy ç̌oboç̌uluğaxun ləzət haq'alt'un,
    Q̣ammazxon q̇amišaksuna nifrät balṭun?
    Q'ammazxon q'amişaksuna nifrət balt'un?

Verse: 23    Bezi töhmätäxun düzbakiynaniy,
   Bezi töhmətəxun düzbakiynaniy,
    Zuval bezi üḳä vä͑ynaḳ qayezḳoy,
    Zuval bezi ük'ə və̌ynak' qayezk'oy,
    Bezi äyitmoġo vä͑x avabakesezdoy.
    Bezi əyitmoğo və̌x avabakesezdoy.

Verse: 24    Ama isä ki zu vä͑x ḳalḳaṭan za iradnanbi,
   Ama isə ki zu və̌x k'alk'at'an za iradnanbi,
    Vä͑x kul boxodaṭan fikir tenan tadi,
    Və̌x kul boxodat'an fikir tenan tadi,

Verse: 25    Bezi bütüm näsyätxo amc̣inan hesabbi,
   Bezi bütüm nəsyətxo ams'inan hesabbi,
    Bezi töhmätxoval q̇abul tenanbi,
    Bezi töhmətxoval q'abul tenanbi,

Verse: 26    Zuval ef loxol bälä eġaṭan axśumḳoz.
   Zuval ef loxol bələ eğat'an axšumk'oz.
    Dähšäten vä͑x haq̇layinšaṭan,
    Dəhşəten və̌x haq'layinşat'an,

Verse: 27    Osṭaar muš ḳinäḳ vä͑x hüǯümbaṭan,
   Ost'aar muş k'inək' və̌x hücümbat'an,
    Bälä tufan ḳinäḳ ef loxol eġaṭan,
    Bələ tufan k'inək' ef loxol eğat'an,
    Ṭara bafṭi äzyäten vä͑x ṗe͑ṭṗaṭan bezi gorox tenan eġal.
    T'ara baft'i əzyəten və̌x p'ět'p'at'an bezi gorox tenan eğal.

Verse: 28    Ṭe vädä za ḳalalḳayṭun ǯoġab tez tadal,
   T'e vədə za k'alalk'ayt'un coğab tez tadal,
    Qä͑vä͑lġayṭun teṭun bä͑ġä͑bal.
    Qə̌və̌lğayt'un tet'un bə̌ğə̌bal.

Verse: 29    Šoṭaynaḳ ki, šoṭoġon avabaksuna nifrätṭunbi,
   Şot'aynak' ki, şot'oğon avabaksuna nifrətt'unbi,
    Q̣ONƷ́UĠO čalxsun teṭun čureci,
    Q'ONČUĞO çalxsun tet'un çureśi,

Verse: 30    Bezi näsyätä q̇abul teṭunbi,
   Bezi nəsyətə q'abul tet'unbi,
    Här töhmätä iradṭunbi.
    Hər töhmətə iradt'unbi.

Verse: 31    Koṭo göräl ičoġoy ämälxo ičoġoy turel läč̣üreġale,
   Kot'o görəl içoğoy əməlxo içoğoy turel ləc'üreğale,
    Ičoġoy biyorox ičoġoy be͑ś č̣eġale.
    İçoğoy biyorox içoğoy běš c'eğale.

Verse: 32    Q̣ammazxo ičoġoy beynä baksunen besṗale,
   Q'ammazxo içoğoy beynə baksunen besp'ale,
    Säfeyxoval ičoġoy saymazluġen äfčibale.
    Səfeyxoval içoğoy saymazluğen əfçibale.

Verse: 33    Za u͑mu͑xlaxalo isä serluġi q̇a šiṗluġi boš,
   Za ǔmǔxlaxalo isə serluği q'a şip'luği boş,
    Hiḳḳalaxun nu q̇ə͑bi yäšäyinšale".
    Hik'k'alaxun nu q'ı̌bi yəşəyinşale".



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.