TITUS
Biblia Udica, Versio Nizhensis: Vetus Testamentum
Part No. 279
Previous part

Chapter: 149 

149-ǯi ω͑vel mä͑ġ
149-ci Ǐvel mə̌ğ


Verse: 1    "Q̣ONƷ́UĠO halalq̇an baki" * upanan!
   "Q'ONČUĞO halalq'an baki" * upanan!
   \ Q̣ONƷ́UĠOYNAḲ me täzä mä͑ġä͑ mä͑ġpanan,
   \ Q'ONČUĞOYNAK' me təzə mə̌ğə̌ mə̌ğpanan,
    Šoṭay laxi yaq̇en taġalṭoġoy gireci gala Šoṭo tärifläyinšanan.
    Şot'ay laxi yaq'en tağalt'oğoy gireśi gala Şot'o tərifləyinşanan.

Verse: 2    Barta israilluyox mu͑qbakeq̇aṭun ičoġo Yaratmišiṭay biṭoġo muzel ečeri,
   Barta israilluyox mǔqbakeq'at'un içoğo Yaratmişit'ay bit'oğo muzel eçeri,
    Barta Siona * bakalṭoġoy üḳq̇an qayeci ičoġoy Padčaġi c̣iya duġi.
    Barta Siona * bakalt'oğoy ük'q'an qayeśi içoğoy Padçaği s'iya duği.

Verse: 3    Faren-äčinen alabanan Šoṭay c̣iya,
   Faren-əçinen alabanan Şot'ay s'iya,
    Däp-zurninen tärifṗanan Šoṭo.
    Dəp-zurninen tərifp'anan Şot'o.

Verse: 4    Iz azuḳa čureġalone Q̣ONƷ́UX,
   İz azuk'a çureğalone Q'ONČUX,
    Izi äyitä be͑ġalṭoġo düšmäni kiyelxun čarḳesṭi e͑qevḳalone.
    İzi əyitə běğalt'oğo düşməni kiyelxun çark'est'i ěqevk'alone.

Verse: 5    Barta Šoṭay laxi yaq̇en taġalorox ičoġoynaḳ bi me šaaṭluġa görä mu͑qbakeq̇aṭun,
   Barta Şot'ay laxi yaq'en tağalorox içoğoynak' bi me şaat'luğa görə mǔqbakeq'at'un,
    Barta ičoġoy basḳi ganuxunal Šoṭay c̣iya mä͑ġpi alabeq̇aṭun!
    Barta içoğoy bask'i ganuxunal Şot'ay s'iya mə̌ğpi alabeq'at'un!

Verse: 6    Barta äyiti bul Buxaʒ́uġo tärifpsunq̇an baki šoṭoġoy,
   Barta əyiti bul Buxačuğo tərifpsunq'an baki şot'oğoy,
    Barta ṗä͑täräflu ġayin q̇ələnǯa exṭi
    Barta p'ə̌tərəflu ğayin q'ılınca ext'i

Verse: 7    Buxaʒ́uxsuzṭoġoxun häyifä haq̇eq̇aṭun,
   Buxačuxsuzt'oğoxun həyifə haq'eq'at'un,
    Ṭe azuḳxo ičoġoy ǯazina zapesṭeq̇aṭun.
    T'e azuk'xo içoğoy cazina zapest'eq'at'un.

Verse: 8    Barta šoṭoġoy padčaġxo zinǯirläyinši,
   Barta şot'oğoy padçağxo zincirləyinşi,
    Kalaṭoġoval ḳandallayinšeq̇aṭun,
    Kalat'oğoval k'andallayinşeq'at'un,

Verse: 9    Šoṭo görä ki, tadeci q̇ärara bex ṗaṗesṗaloroxe šorox.
   Şot'o görə ki, tadeśi q'ərara bex p'ap'esp'aloroxe şorox.
    Iz laxi yaq̇en taġalṭoġoynaḳ kala sa hörmäte me äš.
    İz laxi yaq'en tağalt'oğoynak' kala sa hörməte me əş.
   \ "Q̣ONƷ́UĠO halalq̇an baki" upanan!
   \ "Q'ONČUĞO halalq'an baki" upanan!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.