TITUS
Biblia Udica, Versio Nizhensis: Vetus Testamentum
Part No. 278
Previous part

Chapter: 148 

148-ǯi ω͑vel mä͑ġ
148-ci Ǐvel mə̌ğ


Verse: 1    "Q̣ONƷ́UĠO halalq̇an baki" * upanan!
   "Q'ONČUĞO halalq'an baki" * upanan!
   \ Barta göynul bakalṭoġonal "Q̣ONƷ́UĠO halalq̇an baki" peq̇aṭun,
   \ Barta göynul bakalt'oğonal "Q'ONČUĞO halalq'an baki" peq'at'un,
    Barta alaxunq̇an hari "Šoṭo halalq̇an baki" uḳalṭoġoy säs!
    Barta alaxunq'an hari "Şot'o halalq'an baki" uk'alt'oğoy səs!

Verse: 2    Ay Šoṭay bito angelxo, "halalq̇an baki" upanan,
   Ay Şot'ay bito angelxo, "halalq'an baki" upanan,
    Ay Šoṭay göynul bakala bito q̇ošunxo, Šoṭo "halalq̇an baki" upanan!
    Ay Şot'ay göynul bakala bito q'oşunxo, Şot'o "halalq'an baki" upanan!

Verse: 3    Ay be͑ġ, ay xaš, Šoṭo "halalq̇an baki" upanan,
   Ay běğ, ay xaş, Şot'o "halalq'an baki" upanan,
    Ay c̣aldala muć̣uliyox, Šoṭo "halalq̇an baki" upanan!
    Ay s'aldala muč'uliyox, Şot'o "halalq'an baki" upanan!

Verse: 4    Ay ala bakala göyurxoy loxol bakala göyurxo, Šoṭo "halalq̇an baki" upanan,
   Ay ala bakala göyurxoy loxol bakala göyurxo, Şot'o "halalq'an baki" upanan,
    Ay ṭe göyurxoy loxol bakala xeyurxo, Šoṭo "halalq̇an baki" upanan!
    Ay t'e göyurxoy loxol bakala xeyurxo, Şot'o "halalq'an baki" upanan!

Verse: 5    Barta moṭoġoy bitoṭin "Q̣ONƷ́UĠO halalq̇an baki" peq̇aṭun,
   Barta mot'oğoy bitot'in "Q'ONČUĞO halalq'an baki" peq'at'un,
    Šoṭo görä ki, Šoṭay sa äyitenṭun ämälä hare šorox bito.
    Şot'o görə ki, Şot'ay sa əyitent'un əmələ hare şorox bito.

Verse: 6    Hämišäluġe laxi osṭaarbe Q̣ONƷ́UĠON šoṭoġo ičoġoy gala,
   Həmişəluğe laxi ost'aarbe Q'ONČUĞON şot'oğo içoğoy gala,
    Ičoġoynaḳ laxeci nu badalbakala q̇aydinenṭun taysa šorox.
    İçoğoynak' laxeśi nu badalbakala q'aydinent'un taysa şorox.

Verse: 7    "Q̣ONƷ́UĠO halalq̇an baki" upanan, ay oćali ćoyel bakalorox!
   "Q'ONČUĞO halalq'an baki" upanan, ay oç̌ali ç̌oyel bakalorox!
    Ay dänizi boš bakala kala čäliyox, ay bä͑ġä͑loyluġxo,
    Ay dənizi boş bakala kala çəliyox, ay bə̌ğə̌loyluğxo,

Verse: 8    Ay c̣ä͑q̇ q̇a täär, ay ə͑ź q̇a duman,
   Ay s'ə̌q' q'a təər, ay ı̌ǰ q'a duman,
    Ay Šoṭay äyiten taġala osṭaar muš,
    Ay Şot'ay əyiten tağala ost'aar muş,

Verse: 9    Ay buruxmux q̇a bito täpoox,
   Ay buruxmux q'a bito təpoox,
    Ay biṭeci xodurxo q̇a ič č̣eri kalabakala bito xodurxo,
    Ay bit'eśi xodurxo q'a iç c'eri kalabakala bito xodurxo,

Verse: 10    Ay č̣äläye iz beyne taraḳala ä͑qna heyvanxo q̇a amdarxon č̣evḳi otarišala heyvanxo,
   Ay c'ələye iz beyne tarak'ala ə̌qna heyvanxo q'a amdarxon c'evk'i otarişala heyvanxo,
    Ay oćali loxol xoreġala heyvanxo q̇a göynul purḳala q̇ušurxo,
    Ay oç̌ali loxol xoreğala heyvanxo q'a göynul purk'ala q'uşurxo,

Verse: 11    Ay me dünyäni padčaġxo q̇a bito azuḳxo,
   Ay me dünyəni padçağxo q'a bito azuk'xo,
    Ay kalaluġbalxo q̇a c̣ila amdarxo bito,
    Ay kalaluğbalxo q'a s'ila amdarxo bito,

Verse: 12    Ay ǯäyil ġarmux q̇a xuyärmux,
   Ay cəyil ğarmux q'a xuyərmux,
    Q̣ožoox q̇a äylux,
    Q'ojoox q'a əylux,

Verse: 13    "Q̣ONƷ́UĠO halalq̇an baki" upanan bitoṭin!
   "Q'ONČUĞO halalq'an baki" upanan bitot'in!
    Šoṭaynaḳ ki, sayǯä Šone bitoṭuxun üsṭün bakalo,
    Şot'aynak' ki, saycə Şone bitot'uxun üst'ün bakalo,
    Šoṭay kalaluġi be͑śṭun bul ḳoc̣bsa oćalin ćoyelal, göynuval.
    Şot'ay kalaluği běšt'un bul k'os'bsa oç̌alin ç̌oyelal, göynuval.

Verse: 14    Iz azuḳa zorba biyone Šo,
   İz azuk'a zorba biyone Şo,
    Iz laxi yaq̇en taġalṭoġoy,
    İz laxi yaq'en tağalt'oğoy,
    Iz üḳel basḳi israilluġoy c̣iya alabiyone.
    İz ük'el bask'i israilluğoy s'iya alabiyone.
   \ "Q̣ONƷ́UĠO halalq̇an baki" upanan!
   \ "Q'ONČUĞO halalq'an baki" upanan!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.