TITUS
Biblia Udica, Versio Nizhensis: Vetus Testamentum
Part No. 271
Previous part

Chapter: 141 

141-ǯi ω͑vel mä͑ġ
141-ci Ǐvel mə̌ğ



Davidi ω͑vel mä͑ġ.
Davidi Ǐvel mə̌ğ.


Verse: 1    Ay Q̣ONƷ́UX, Vaz ḳale zu, eki ṗaṗa!
   Ay Q'ONČUX, Vaz k'ale zu, eki p'ap'a!
    Bezi xoyinśa ibaka!
    Bezi xoyinša ibaka!

Verse: 2    Barta bezi afərə hari Va ṗaṗeq̇an,
   Barta bezi afırı hari Va p'ap'eq'an,
    Šaaṭ adeġala oyurxoy boḳuni ḳüün hari Va ṗaṗala ḳinäḳ.
    Şaat' adeğala oyurxoy bok'uni k'üün hari Va p'ap'ala k'inək'.
    Bezi Vač alabi kulmoġo nu aksuna ma laxa,
    Bezi Vaç alabi kulmoğo nu aksuna ma laxa,
    Biyäsin śameġala q̇urban ḳinäḳ q̇abulba šoṭoġo. *
    Biyəsin šameğala q'urban k'inək' q'abulba şot'oğo. *

Verse: 3    Ay Q̣ONƷ́UX, bez źomoy q̇aroola zapa,
   Ay Q'ONČUX, bez ǰomoy q'aroola zapa,
    Bez muza girba.
    Bez muza girba.

Verse: 4    Za pis yaq̇en taysa ma barta,
   Za pis yaq'en taysa ma barta,
    Pisṭoġo gärbaki šär äšur biq̇sa,
    Pist'oğo gərbaki şər əşur biq'sa,
    Šoṭoġoy ukalṭoġo šärik baksa ma barta za.
    Şot'oğoy ukalt'oğo şərik baksa ma barta za.

Verse: 5    Barta düzgünṭay kiyel ṭaṗeġaz - avabakoz ki, moṭo za čuresaxune bsa,
   Barta düzgünt'ay kiyel t'ap'eğaz - avabakoz ki, mot'o za çuresaxune bsa,
    Barta bez taxsəra za aḳesṭeq̇an - moṭo mu͑qluġenez q̇abulbon!
    Barta bez taxsıra za ak'est'eq'an - mot'o mǔqluğenez q'abulbon!
    Moṭoġoy sayǯäṭin bez pula hateneq̇sa. *
    Mot'oğoy saycət'in bez pula hateneq'sa. *
   \ Ama pisṭoġoy axər eyseynaḳez afərəne zu:
   \ Ama pist'oğoy axır eyseynak'ez afırıne zu:

Verse: 6    Barta šoṭoġoy kalaṭoġo q̇ayanaxun oq̇aq̇aṭun boseri,
   Barta şot'oğoy kalat'oğo q'ayanaxun oq'aq'at'un boseri,
    Ṭe vädä avabakalṭun šoṭoġon bezi piṭoġoy bito seri baksuna,
    T'e vədə avabakalt'un şot'oğon bezi pit'oğoy bito seri baksuna,

Verse: 7    Ṭe vädä aḳalṭun ičoġoy u͑q̇enxo oćalen sa xuribaki barsṭuna,
   T'e vədə ak'alt'un içoğoy ǔq'enxo oç̌alen sa xuribaki barst'una,
    Hetär ki, kötäni źomo taġala oćal xuribaki barala ḳinäḳ.
    Hetər ki, kötəni ǰomo tağala oç̌al xuribaki barala k'inək'.

Verse: 8    Vi kiyelez be͑ġsa, ay bitoṭuxun üsṭün bakala Q̣ONƷ́UX Buxaʒ́ux,
   Vi kiyelez běğsa, ay bitot'uxun üst'ün bakala Q'ONČUX Buxačux,
    Vaz umud zu, za bisa ma barta.
    Vaz umud zu, za bisa ma barta.

Verse: 9    Pisṭoġon zaynaḳ laxi täloġoxun,
   Pist'oğon zaynak' laxi təloğoxun,
    Šoṭoġon zaynaḳ kaśṗi kururxoxun ä͑xilba za.
    Şot'oğon zaynak' kašp'i kururxoxun ə̌xilba za.

Verse: 10    Barta zaynaḳ laxi tora ičanq̇aṭun bafṭi,
   Barta zaynak' laxi tora içanq'at'un baft'i,
    Zu isä xata-bäläsuz č̣ovaki taġaz.
    Zu isə xata-bələsuz c'ovaki tağaz.



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.