TITUS
Biblia Udica, Versio Nizhensis: Vetus Testamentum
Part No. 270
Previous part

Chapter: 140 

140-ǯi ω͑vel mä͑ġ
140-ci Ǐvel mə̌ğ



Mä͑ġḳalxoy däsṭin kalaṭaynaḳ. Davidi ω͑vel mä͑ġ.
Mə̌ğk'alxoy dəst'in kalat'aynak'. Davidi Ǐvel mə̌ğ.


Verse: 1    Ay Q̣ONƷ́UX, za šär amdarxoxun čarḳesṭa,
   Ay Q'ONČUX, za şər amdarxoxun çark'est'a,
    Q̣äddar amdarxoxun q̇oriša.
    Q'əddar amdarxoxun q'orişa.

Verse: 2    Pisluġbsune šoṭoġoy čureġalo,
   Pisluğbsune şot'oğoy çureğalo,
    Här ġi davaṭun galsṭa šoṭoġon.
    Hər ği davat'un galst'a şot'oğon.

Verse: 3    Diziḳen duġala ḳinäḳe duġsa šoṭoġoy źomoxun č̣eġala här äyiten,
   Dizik'en duğala k'inək'e duğsa şot'oğoy ǰomoxun c'eğala hər əyiten,
    Gürzin zähäre bu šoṭoġoy muzna bel.
    Gürzin zəhəre bu şot'oğoy muzna bel.

Verse: 4    Za šär amdarxoxun q̇oriša, ay Q̣ONƷ́UX,
   Za şər amdarxoxun q'orişa, ay Q'ONČUX,
    Bez bisṭuna čureġala q̇äddarxoxun ä͑xilba.
    Bez bist'una çureğala q'əddarxoxun ə̌xilba.

Verse: 5    Biq̇sunṭun čuresa za me ičoġoxun iräziṭoġon,
   Biq'sunt'un çuresa za me içoğoxun irəzit'oğon,
    Toraṭun basṭun čuresa,
    Torat'un bast'un çuresa,
    Ičoġoy täloġoṭun ṭaḳṗe bezi yaq̇e loxol.
    İçoğoy təloğot'un t'ak'p'e bezi yaq'e loxol.

Verse: 6    Q̣ONƷ́UĠO nexzu: "Hun bez Buxaʒ́uxnu,
   Q'ONČUǦO nexzu: "Hun bez Buxačuxnu,
    Ay Q̣ONƷ́UX, bez xoyinśa ibaka!
    Ay Q'ONČUX, bez xoyinša ibaka!

Verse: 7    Ay bitoṭuxun üsṭün bakala Q̣ONƷ́UX Buxaʒ́ux,
   Ay bitot'uxun üst'ün bakala Q'ONČUX Buxačux,
    Hunnu Vi zorba kiin za čarḳesṭalo,
    Hunnu Vi zorba kiin za çark'est'alo,
    Davin ġine za q̇orišalo.
    Davin ğine za q'orişalo.

Verse: 8    Ay Q̣ONƷ́UX, pisṭoġoy niyätxo ičoġoy boš efa,
   Ay Q'ONČUX, pist'oğoy niyətxo içoğoy boş efa,
    Ma barta ičoġoy üḳexun č̣ovakalṭoġo bex ṗaṗesṗi lovġalayinšakes bakaṭun.
    Ma barta içoğoy ük'exun c'ovakalt'oğo bex p'ap'esp'i lovğalayinşakes bakat'un.

Verse: 9    Bezi härrämine ṭema bezi pisa čureġaloroxe bu ki!
   Bezi hərrəmine t'ema bezi pisa çureğaloroxe bu ki!
    Barta šoṭoġoy źomoxun č̣eri q̇arġišxo bito ičoġoy o͑yneq̇an bari!
    Barta şot'oğoy ǰomoxun c'eri q'arğişxo bito içoğoy ǒyneq'an bari!

Verse: 10    Barta šoṭoġoy bel boḳala c̣ilq̇an bari,
   Barta şot'oğoy bel bok'ala s'ilq'an bari,
    Barta ṭetär sa kuraq̇aṭun bafṭi ki, č̣eyes maq̇aṭun baki!
    Barta t'etər sa kuraq'at'un baft'i ki, c'eyes maq'at'un baki!

Verse: 11    Barta böhṭan bosalṭaynaḳ me oćala ga maq̇an baki,
   Barta böht'an bosalt'aynak' me oç̌ala ga maq'an baki,
    Barta tora bafṭi äfčibakeq̇an šo".
    Barta tora baft'i əfçibakeq'an şo".

Verse: 12    Avazu ki, Q̣ONƷ́UĠON Ičin be͑ġale faġərxoy äšlä,
   Avazu ki, Q'ONČUĞON İçin běğale fağırxoy əşlə,
    Ehṭiyäǯi boš bakalṭoġo täk tene efal Šoṭin.
    Eht'iyəci boş bakalt'oğo tək tene efal Şot'in.

Verse: 13    Avazu ki, alxəšṗalṭun Va düzgünṭoġon,
   Avazu ki, alxışp'alt'un Va düzgünt'oğon,
    Šoṭoġo Vi xožina efi pisṭoġoy niyätäxun q̇orišalnu Hun!
    Şot'oğo Vi xojina efi pist'oğoy niyətəxun q'orişalnu Hun!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.