TITUS
Biblia Udica, Versio Nizhensis: Vetus Testamentum
Part No. 269
Previous part

Chapter: 139 

139-ǯi ω͑vel mä͑ġ
139-ci Ǐvel mə̌ğ



Farḳalxoy däsṭin kalaṭaynaḳ. Davidi ω͑vel mä͑ġ.
Fark'alxoy dəst'in kalat'aynak'. Davidi Ǐvel mə̌ğ.


Verse: 1    Ay Q̣ONƷ́UX, za xaxalaxunen č̣ovakesṭi Hun,
   Ay Q'ONČUX, za xaxalaxunen c'ovakest'i Hun,
    Isä mone, bez üḳe bakalṭoġo anksa.
    İsə mone, bez ük'e bakalt'oğo anksa.

Verse: 2    Bezi arci-haysṭunan ava,
   Bezi arśi-hayst'unan ava,
    Bez fikirxon ä͑xiläxun ḳale Hun.
    Bez fikirxon ə̌xiləxun k'ale Hun.

Verse: 3    Zu yaq̇ taġaṭanal, bula laxi basḳaṭanal anksa,
   Zu yaq' tağat'anal, bula laxi bask'at'anal anksa,
    Bezi tura mani yaq̇a ćaxpsunan ava Hun.
    Bezi tura mani yaq'a ç̌axpsunan ava Hun.

Verse: 4    Äyit bezi źomoxun hälä č̣eġamin,
   Əyit bezi ǰomoxun hələ c'eğamin,
    Hun bezi upsun čureġalṭoġo bitova avanu, ay Q̣ONƷ́UX,
    Hun bezi upsun çureğalt'oğo bitova avanu, ay Q'ONČUX,

Verse: 5    Bezi här täräfän q̇orišbsa Hun,
   Bezi hər tərəfən q'orişbsa Hun,
    Vi sa kul bez loxole.
    Vi sa kul bez loxole.

Verse: 6    Määṭṭälez mansṭa zu Vi me här šeyaxun xavar baksuna,
   Məət't'əlez manst'a zu Vi me hər şeyaxun xavar baksuna,
    Bez q̇amišakala šey tene mo.
    Bez q'amişakala şey tene mo.

Verse: 7    Maya šo, ṭe Vi Uruf nu bakala ga?
   Maya şo, t'e Vi Uruf nu bakala ga?
    Mayaz ṭiṭes bakon ki zu Vi piyexun?
    Mayaz t'it'es bakon ki zu Vi piyexun?

Verse: 8    Göynuval laġayiz, Hun ṭeṭiyanu,
   Göynuval lağayiz, Hun t'et'iyanu,
    Oćalin oq̇al baġayiz, Hun ṭeṭiyanu.
    Oç̌alin oq'al bağayiz, Hun t'et'iyanu.

Verse: 9    Lap čurensa purpi taci be͑ġ č̣eġala gala arcaz,
   Lap çurensa purpi taśi běğ c'eğala gala arśaz,
    Nääl be͑ġ batḳala täräf bakala än ä͑xil dänizi ṭe soġo ćoyel,
    Nəəl běğ batk'ala tərəf bakala ən ə̌xil dənizi t'e soğo ç̌oyel,

Verse: 10    Vi kul ṗurumal bez loxol bakale,
   Vi kul p'urumal bez loxol bakale,
    Vi kula bez loxolxun ten zaṗḳal Hun.
    Vi kula bez loxolxun ten zap'k'al Hun.

Verse: 11    Lap häysä "barta zülmät bayinq̇unenq̇an haq̇layinši bez biṗ ṭo͑ġä,
   Lap həysə "barta zülmət bayinq'unenq'an haq'layinşi bez bip' t'ǒğə,
    Barta išiġ nu bisṭunen za č̣aṗbeq̇an" uḳaz,
    Barta işiğ nu bist'unen za c'ap'beq'an" uk'az,

Verse: 12    P̣urumal sa šey č̣aṗ tene mandon Vaxun.
   P'urumal sa şey c'ap' tene mandon Vaxun.
    Šoṭaynaḳ ki, bayinq̇un hiḳḳal tene Vaynaḳ,
    Şot'aynak' ki, bayinq'un hik'k'al tene Vaynak',
    Ġenaxun aḳala ḳinäḳen aksa Hun üšeyal.
    Ğenaxun ak'ala k'inək'en aksa Hun üşeyal.

Verse: 13    Vi kiinen düzbi Hun za,
   Vi kiinen düzbi Hun za,
    Hälä nanay tapane bakaṭanen bez boš bakalṭoġoy här sunṭu iz gala laxi.
    Hələ nanay tapane bakat'anen bez boş bakalt'oğoy hər sunt'u iz gala laxi.

Verse: 14    Alxəšezbsa zu Va bezi loxol be͑ġaṭan,
   Alxışezbsa zu Va bezi loxol běğat'an,
    Šoṭo görä ki, beyne ṗaq̇esṭala šey tene Vi za me ǯürä yaratmišbsun,
    Şot'o görə ki, beyne p'aq'est'ala şey tene Vi za me cürə yaratmişbsun,
    Vi nu aḳeci äšur biq̇sunaz q̇amišaki zu tam.
    Vi nu ak'eśi əşur biq'sunaz q'amişaki zu tam.

Verse: 15    Bezi här u͑q̇enan aḳi Hun
   Bezi hər ǔq'enan ak'i Hun
    Šoṭoġo nanay tapane,
    Şot'oğo nanay tapane,
    Šuḳḳali nu aḳala gala
    Şuk'k'ali nu ak'ala gala
    Bašaraġlu sa usta ḳinäḳ
    Başarağlu sa usta k'inək'
    Soġo-soġo iz gala laxi za yaratmišaṭan.
    Soğo-soğo iz gala laxi za yaratmişat'an.

Verse: 16    Zu hälä sa ṭuṗuli boyda bakaṭane aḳey za Vi pulmoġon,
   Zu hələ sa t'up'uli boyda bakat'ane ak'ey za Vi pulmoğon,
    Zaynaḳ boṭeci ömüri ġimxone camecey Vi girke boš
    Zaynak' bot'eśi ömüri ğimxone śameśey Vi girke boş
    Hälä zu me dünyäne eġamin.
    Hələ zu me dünyəne eğamin.

Verse: 17    Vi fikirxo bez beyne ṗaq̇esṭes tez baksa zu, ay Buxaʒ́ux,
   Vi fikirxo bez beyne p'aq'est'es tez baksa zu, ay Buxačux,
    Šorox ṭeq̇ädär gelene ki!
    Şorox t'eq'ədər gelene ki!

Verse: 18    Šoṭoġo bo͑q̇ä͑lpi čarḳala šey tene,
   Şot'oğo bǒq'ə̌lpi çark'ala şey tene,
    Q̣ume dänoġoxun gelene šorox!
    Q'ume dənoğoxun gelene şorox!
    Lap üše-ġenal bo͑q̇ä͑lḳayiz, axər butene šoṭoġoy.
    Lap üşe-ğenal bǒq'ə̌lk'ayiz, axır butene şot'oğoy.

Verse: 19    Ay Buxaʒ́ux, sa me pisṭoġoy tumexun äfčibaksuna aḳiyzuy!
   Ay Buxačux, sa me pist'oğoy tumexun əfçibaksuna ak'iyzuy!
    Ä͑xilbakanan zaxun, ay ṗi ciḳalxo.
    Ə̌xilbakanan zaxun, ay p'i śik'alxo.

Verse: 20    Pisṭun äyite šoṭoġon Vaxun,
   Pist'un əyite şot'oğon Vaxun,
    Amc̣i gala Vi c̣iyaṭun duġsa šoṭoġon.
    Ams'i gala Vi s'iyat'un duğsa şot'oğon.

Verse: 21    Isä hetär ma nifrätṗaz zu Va nifrätṗalṭoġo?
   İsə hetər ma nifrətp'az zu Va nifrətp'alt'oğo?
    Va hiḳḳalbi ičoġoy źomoy tüšen taġalṭoġoxun hetär ma iriṭḳaz?
    Va hik'k'albi içoğoy ǰomoy tüşen tağalt'oğoxun hetər ma irit'k'az?

Verse: 22    Šoṭoġo sayǯä nifrätbesez baksa zu,
   Şot'oğo saycə nifrətbesez baksa zu,
    Düšmänxone šorox bezi.
    Düşmənxone şorox bezi.

Verse: 23    Ay Buxaʒ́ux, bez üḳe boš be͑ġi šoṭo aḳa,
   Ay Buxačux, bez ük'e boş běği şot'o ak'a,
    Za xaxalaxun č̣ovakesṭi bez piin neṗa ṭiṭevḳala fikirxo avabaka.
    Za xaxalaxun c'ovakest'i bez piin nep'a t'it'evk'ala fikirxo avabaka.

Verse: 24    Be͑ġa bezi mani yaq̇en taysuna, za düzgün nu bakala yaq̇a ma efa,
   Běğa bezi mani yaq'en taysuna, za düzgün nu bakala yaq'a ma efa,
    Barta Buxaʒ́uġon yaynaḳ laxi hämišäluġ yaq̇en taġaz zu.
    Barta Buxačuğon yaynak' laxi həmişəluğ yaq'en tağaz zu.



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.