TITUS
Biblia Udica, Versio Nizhensis: Vetus Testamentum
Part No. 268
Previous part

Chapter: 138 

138-ǯi ω͑vel mä͑ġ
138-ci Ǐvel mə̌ğ



Davidi ω͑vel mä͑ġ
Davidi Ǐvel mə̌ğ


Verse: 1    Va šükürbsune bez üḳexun č̣ovakalo, ay Q̣ONƷ́UX,
   Va şükürbsune bez ük'exun c'ovakalo, ay Q'ONČUX,
    Vi c̣iya alabala mä͑ġur mä͑ġḳoz zu ala arciṭoġoy be͑ś. *
    Vi s'iya alabala mə̌ğur mə̌ğk'oz zu ala arśit'oğoy běš. *

Verse: 2    Bez ćoya Vi ə͑vel xramač biq̇i afərəḳoz zu,
   Bez ç̌oya Vi ı̌vel xramaç biq'i afırık'oz zu,
    Vi c̣iya duġi tärifläyinšoz Va.
    Vi s'iya duği tərifləyinşoz Va.
    Šoṭo görä ki, nu badalbakala čuresunen buy bakalo,
    Şot'o görə ki, nu badalbakala çuresunen buy bakalo,
    Tadi äyiti loxol čurḳalonu Hun.
    Tadi əyiti loxol çurk'alonu Hun.
    Axəri Vi tadi äyitäl Vi c̣iya göräne,
    Axıri Vi tadi əyitəl Vi s'iya görəne,
    Här šeyaxun üsṭüne šo.
    Hər şeyaxun üst'üne şo.

Verse: 3    Zu Va ḳalpi xoyinśṗi ġine za nu ibaksuna ten laxi Hun,
   Zu Va k'alpi xoyinšp'i ğine za nu ibaksuna ten laxi Hun,
    Za üḳ tadi kulen boxodi.
    Za ük' tadi kulen boxodi.

Verse: 4    Ay Q̣ONƷ́UX, Vi piṭoġo ibakaṭan
   Ay Q'ONČUX, Vi pit'oğo ibakat'an
    Tärifläyinšalṭun Va me dünyäne bakala bito padčaġxon!
    Tərifləyinşalt'un Va me dünyəne bakala bito padçağxon!

Verse: 5    Tärifläyinšalṭun šoṭoġon Q̣ONƷ́UĠO Šoṭay laxi yaq̇a aḳaṭan,
   Tərifləyinşalt'un şot'oğon Q'ONČUĞO Şot'ay laxi yaq'a ak'at'an,
    Šoṭo görä ki, Q̣ONƷ́UĠOY kalaluġaxun šuḳḳalasṭa butene, bitoṭuxun üsṭüne Šo.
    Şot'o görə ki, Q'ONČUĞOY kalaluğaxun şuk'k'alast'a butene, bitot'uxun üst'üne Şo.

Verse: 6    Ala arciyal bakayin faġəra aḳi šoṭo kul boxodalone Q̣ONƷ́UX,
   Ala arśiyal bakayin fağıra ak'i şot'o kul boxodalone Q'ONČUX,
    Ičuxun iräzi bakaloval piyexun ṭiteneṭon Šoṭay.
    İçuxun irəzi bakaloval piyexun t'itenet'on Şot'ay.

Verse: 7    Bez tur lamandaṭan za bisṭa ten barḳon Hun,
   Bez tur lamandat'an za bist'a ten bark'on Hun,
    Bez düšmäni äǯuġoy be͑śen čurḳon,
    Bez düşməni əcuğoy běšen çurk'on,
    Čarḳesendon za Vi kula boxodi.
    Çark'esendon za Vi kula boxodi.

Verse: 8    Q̣ONƷ́UĠON za täk tene barḳal, čurḳale Šo Iz tadi äyiti loxol,
   Q'ONČUĞON za tək tene bark'al, çurk'ale Şo İz tadi əyiti loxol,
    Hämišäluġe Šoṭay yax čuresun, nu badalbakala čuresune šo.
    Həmişəluğe Şot'ay yax çuresun, nu badalbakala çuresune şo.
    Ma zapa Vi kula, ay Q̣ONƷ́UX, bex ṗaṗesṗa Vi burqi äšlä!
    Ma zapa Vi kula, ay Q'ONČUX, bex p'ap'esp'a Vi burqi əşlə!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.